2 Pɛ́tɛɛ 3:12 - Ɔngana á Kɛ̌kɛ

¹² ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.

2 Pɛ́tɛɛ 3:12 Iomraidhean Croise

Matáyɔ 16:27

Cɔ, Muna-Nkpa, abikande ka ɓophombia ndea Abɛ, kimoci na ɓamalaéka nɛkɛ. Mpɔ, amphendande nkpa na nkpa ka ɓeana na tambea akɛ.

Matáyɔ 16:28

Nenóngoɗi ɗoni gea, ka ɓunde ɓá wani, ɓákákuwɛku mosá á ɔna á Muna-Nkpa, n'aobika ɓea Moamɛ.»

Ɓaphilípi 1:6

Kema nde neɓeeki ɗoni ande gea, Mokonga aámbé akpangi ekuma ánjá ndɔ ka měma anu, atútuisande na gɔɓɛa í esa nde Kiísito Yéso ajaeka.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.

2 Pɛ́tɛɛ 3:11

Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

2 Pɛ́tɛɛ 3:4

na yɔnga te: «Mɔkɔta ɗáɔku gea, ajande. Cɔ, yɛ awani? Ka nyɔngɔ nde kpangá á ɓî ɓatatasu ɗáɓáku kala, kema bui a phɔ́tɔ ɓíndɔ ɗátú ka conjá á mokonda!»

2 Pɛ́tɛɛ 3:7

Moyo á Mokonga abisi phɔtɔ mokonda na koba á kɛ̌kɛnde, ka túkatúka í na nsa k'ésa á tena á nyɔngɔ. Esa ndɔ unge ɓakpa ɓɔbu, ɓunde ɓákáomɓánga Mokonga ɓáɓúngagande.

Yúda 1:21

Ikani suɓi ékondi ndea Mokonga, ka ɓondeaga ɓonjánja-ékondi ndea Mɔkɔta ndeasu Yéso Kiísito ka opha anu enda á mɛyɔ.