2 Pɛ́tɛɛ 3:11 - Ɔngana á Kɛ̌kɛ

¹¹ Cɔ, ɓî kema bubui agogokanande ɓó, akeni tambea anu áɓɛ ɓo? Akeni tambea anu áɓɛ ɓíndɔ Mokonga akondi na tamba mosá akɛ kángá kisɛki,

2 Pɛ́tɛɛ 3:11 Iomraidhean Croise

Matáyɔ 8:27

Ɓɔbu ɓáoyayama na gea: «Nkókó á nkpa sina mmbé! Nga, Sumbu n'etǔ a phɔtɔ ɔmɔ́ka.»

Ɓalɔ́ma 13:11

Mbenɔ nde ɓokau ɓooúba gea, a ye tɔ mbenɔ á jujúka ka tɔ̌ nde ɓo suɓi í. Cɔ, mbenɔ nde ɗéɓemɓeeki Yéso, ɓoamia á ka měma n'a phɔ́ ɗanga aunge asódondi ye tɔ.

Ɓalɔ́ma 13:12

Esa angɛndi dakɛ. Akeni ɓéɗeketɛni tambea ájeɗe á kaiphiɔ. Ɓɛ́bɛɗɛni ndiu nkumba á emani nde ɓáɔbɛɗaneaga n'esa.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 3:20

Ɓesu gǎkɛ, ɓende ɓato á na koba. Ɓe ka ɓondeaga kiɗia á Namisi nɛsu, Mɔkɔta Yéso Kiísito, mmbé atókande na koba.

1 Ɓatɛsalɔníka 1:5

A ɓó, ka nyɔngɔ nde, ɓî ɗɛ́ɓɛnɔ́tɔ̌migi Mbino-Ánjá ndea Mokonga, ɗáná tɔndɔ ka yɔnga, ɗátú ndiu ka ɓukpɛkpɛ ndea Měma á kanga ɓojeɗe. Ɗéɓebisi měma asu kau gea, ande ɗoni. Ɓoúbi phɔtɔ tambea asu ɓî ɗéɓeiki sɔsɔɓɛ anu, na ɗátú ánjá ka ɓenu.

1 Timɔtɛ́ɔ 3:16

Ɓɔphɛi á ɗoni ndɔ ande kema á ɓɔsɔmɛa, nnde Mokonga aúbisi, n'ande ángbó phɛɛ, nnde nkpa nnaɔtɔka n'ayé! Kiísito ɗásɛnɛki n'ande nkpa, Měma á Mokonga ɗánɗigimisi gea ande nto á ɗoni. Ɓamalaéka ɗáɓámɔni. Ɓakpa ɗáɓátɔ̌migi nyɔngɔ nɛkɛ k'ékuna bui. Ɓámɓeeki k'ɔ́ma bui. Mokonga ɗántáisi ka ɓoombia na koba.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

1 Timɔtɛ́ɔ 6:6

Eya, ɓeekea á Mokonga ande ɛtɔi ángbó aoɓá nkpa n'ana maseye k'índe aně.

Ɓaɛbulanía 13:5

Ɓókobisɛmbɛ měma anu phɛɛ ka nyɔngɔ á imɔna. Ɓeekeani ndiu enda na nkumba nde ɓoně nga, Mokonga ɗági te: «Kékoɗeketɛeka, kékosagɛeka.»

Yakɔ́ɓɔ 1:24

Mbusa á yɛ ɛ́ɔnjia, áoga, áoɓosea etéte akɛ.

Yakɔ́ɓɔ 3:13

Cɔ, ani mmbé ande múbaphi na mɔɔngɛ sɔsɔɓɛ anu? Áphangiɛ ú ka tambea akɛ ánjá na k'ékuma nɛkɛ nnde aogea ka ɓɔphɔngɔ na kɔɓɔɔngɛ.

1 Pɛ́tɛɛ 1:15

Cɔ, ɓáni ndiu ɓato á Mokonga kángá ɓojeɗe ka tambea anu bui, ɓíndɔ Mokonga, mmbé anɔɔphani, ande nto á kanga á ɓojeɗe.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 1:6

na gǔ á úba á Mokonga, ɓóyameɛ ɛngɛpha na gǔ á ɛngɛpha, ɓóyameɛ moíngí na gǔ á moíngí, ɓóyameɛ tambea ánjá mosá á Mokonga,

2 Pɛ́tɛɛ 3:10

Esa ndea Mɔkɔta abikande ɓea nkukuɓa. K'ésa ndɔ, koba anyɛ́nyande na nduu á ɓangisa, ɓasɛɛngɔa ɓáenyanyɔande. Mokonga agogande mokonda na kema bubui nde ɓakpa ɓáconji.

2 Pɛ́tɛɛ 3:12

ɓî ɓooɓondea gea esa ndea Mokonga ákamisɛgɛ júa. Esa ndɔ, koba aújukanande na nsa, ɓasɛɛngɔa á na koba ɓáenyanyoande k'ɛɛmbɛ á nsa.