2 Pɛ́tɛɛ 2:6 - Ɔngana á Kɛ̌kɛ

⁶ Mokonga ɗáteni phɔtɔ akpɛ nyɔngɔ á ntanga-nji á ka Sɔdɔ́ma na Gɔmɔ́la, áoɛkɛkisaga ú na nsa, áoɓá ebǔ. Nndɔ áoɓá mphangiɔ ka ɓunde ɓánáomɓánga Mokonga.

2 Pɛ́tɛɛ 2:6 Iomraidhean Croise

Matáyɔ 10:15

Nenóngoɗi ɗoni te, tena á nyɔngɔ á nji ndɔ, anyɛ́nyande nnde á Sɔdɔ́ma na Gɔmɔ́la.»

Matáyɔ 11:23

«Cɔ, ɓenu ɓato á ka Kapɛɛnaúmu, ɓooúba te, ɓotáiande na koba? Ɓánodidisande sua nji á ɓasí. Nga, ɗátú oɓá ketangaɔ ndɔ ɗágeani mɔtɛ-anu, ɗátú ogeana ka Sɔdɔ́ma, ámbé nji ndɔ ɗátú phɔ́ tɔ ɓei na ka kesande.

Ɓalɔ́ma 9:29

A ɓíndɔ Isáya mɔtu-nyɔngɔ ndea Mokonga ɗáɔtu gea: «Atú oɓá Mokonga mɛna-ɓukpɛkpɛ na ɗákásóɗeketei ka ɓato á ɛɓɔkɔti ámbé ɗéɓetóɓaeka ɓea ɓato á ka Sɔdɔ́ma, ɓetókengeanaeka na ɓato á ka Gɔmɔ́la.»

1 Ɓakɔlítɔ 10:11

Cɔ, kema ndɔ ɗáedondi ka gea, áɓɛ mphangiɔ ka ɓesu. Ɗáɓásoɗunɗui ú, ka ɛngɛphisa asu, ɓesu íɓundɔ ɓeoenda ka sungiaga á matú.

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Yúda 1:15

ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.