2 Pɛ́tɛɛ 2:4 - Ɔngana á Kɛ̌kɛ

⁴ Cɔ, Mokonga ɗákáekui ɓamalaéka nde ɗáɓági ɓojeɗe ngomi. Ɗáeɓóege ndiu na ngoi á ngɔa na makea aɓɔ ka kaiphiɔ, ɔma nde ɓáoɓondeaga tena á nyɔngɔ nɛɓɔ.

2 Pɛ́tɛɛ 2:4 Iomraidhean Croise

Matáyɔ 25:41

Mpɔ ěgeande ɓundɔ ɓá ka njaga akɛ á nkei: ‹Tókani bíbí ani! Ɓánɔsɛmɛigi. Gǎni k'ɛɛmbɛ á nsa mɛyɔ nnde ɗáɓáɓɔngisigi ka nketi na ɓamalaéka nɛkɛ.

Matáyɔ 8:29

Ɓato á kukuwa ndɔ ɓáokoga: «Muna-Mokonga hoo! Ekende ɓen'oɓɛ kau ee? Obiki osotambisaga mbenɔ nɛsu na ka kpeengeanimbɛ?»

Málikɔ 5:7

áokoga akpɛ phɛɛ: «Eke nde ɓe n'ɔɓɛ kau Yéso Muna-Mokonga mmbé ana kɔkɔta bui? Nɛɔmɛmi k'ína á Mokonga, komotambisɛgɛmbɛ!»

Lóka 10:18

Mpɔ, Yéso áǒgea: «Ɗɛ́mɔni Sɛtáni n'agú ka toka na koba ɓea phenua á mbua.

Lóka 8:31

Ɓansombo ɓáonɗengemisaga Yéso te: Aoɓá n'osóɓǐgi, kǒsososeɛmbɛ ɓégɛ ka Mininga.

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ɓalɔ́ma 11:21

Nga, aoɓá Mokonga na ɗákáegami Ɓaisilaɛ́li ɓunde ɓá ɓea ɓantabi á ɗoni ka gea te ɓámɔtɛ, nna gǎkɛ oɓɛ ámbé akoɗeketande ɔ́mɔtɛ.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

2 Pɛ́tɛɛ 2:11

Nanga ɓamalaéka íɓunde ɓáɛnyɛ́nyi ɓato á na koba ka ɓukpɛkpɛ n'okuu, ɓáná ɔ̌tɔnga na phɔ́ta aɓɔ mosá á Mɔkɔta.

2 Pɛ́tɛɛ 2:5

Mokonga ɗákákui mokonda á kala ngomi, ɗábikisi ndiu túma á iɓo phɛɛ gǔ á mokonda nde ɗátúmi na ɓato á ɓojeɗe. Ɗánamisi tɔndɔ Nɔ́a, mmbé ɗáɔtɔmia mbino á koɗoni, na amisa phɔtɔ ɓakpa ɓunɛngbo ngianjaga iɓɛ (7).

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

1 Yoáni 3:8

Mmbé a gǎkɛ ogea ɓojeɗe, ande nkpa ndea Nketi. Nga, Nketi ɗági ɓojeɗe kpanga conjá á mokonda. Kaɓondɔ unge, Muna-Mokonga ɗásɛnɛki ka túkatúka ekuma ndea Nketi.

Yúda 1:13

Ɓákengeani na kɛtɛmbɔ akpɛ á oɓenge, nnde aophúia phû á tambea aɓɔ á soni. Ɓákengeani na ɓasɛɛngɔa nde ɓáotoaga. Mokonga aebisíí esa bui ɔma á kaiphiɔ akpɛ phɛɛ.

Yúda 1:6

Cɔ, kanisiani phɔ́ nyɔngɔ á ɓamalaéka: Ɓunde ɗáɓákákondi bɛɗanaga na kɔkɔta nde Mokonga ɗéɓophi, ɓâ ndiu oɗeketa sasaɓɔ ɔma ndeaɓɔ. Mokonga ɗáeɓóege na ngɔi á ngɔa, áǒbisa kusi ɔma á kaiphiɔ á mɛyɔ ka ɓondeaga esa ángbó á tena nyɔngɔ.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.