2 Pɛ́tɛɛ 2:3 - Ɔngana á Kɛ̌kɛ

³ Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

2 Pɛ́tɛɛ 2:3 Iomraidhean Croise

Matáyɔ 23:14

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒúta ɓake á kekusa nkumba nɛɓɔ bui, goto ɓɔɔmɛma éndǎ ka gea ɓakpa ɓánɔɔnɛ. Kaɓondɔ unge ɓátenande nyɔngɔ nɛnu akpɛ phɛɛ!]

Lóka 18:8

Nenogie, atenande nyɔngɔ nɛɓɔ mbangɔ. Eme Muna-Nkpa gǎkɛ, mbenɔ á ja ani ka mokonda, nědondande ɓato á ɓeekea na ɓá phɔ́tɔ ɓei?»

Lóka 20:20

Mpɔ ɓáokpanga ɓɔgɔmɛaga á Yéso, ɓáǒteka ɓakpa nde ɗáɓáǒdemisaga gea ɓánde ɓato á koɗoni ka gea, Yéso átɛ ka mɛ̌kɔ nɛɓɔ mbenɔ nde aɓande ɔyɔnga. Wa unge ɓántɔngande mɔtɛ á mmbé ana kɔkɔta á nji bui.

Lóka 22:47

N'a phɔ́tɔ kɔyɔnga, usɛsɛ á ɓakpa áɔsɛnɛka. Nsɔndɔi n'ande ka ɓagoigi nkama na ɓaɓɛ (12) mmbé ɓáɔmɔphana Yúda, áɔsɛkɛɗa bíbí á Yéso, áomumbia.

Yoáni 2:16

Áǒngoɗea ɓasombisigi-ɓamboe gea: «Caa! Ótokisani ɓamboe nde wani.» Â goto ǒgea: «Ɓókogaíɛmbɛ endu ndea Abɛ k'éndu á sombisaga á nkumba.»

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

1 Ɓatɛsalɔníka 2:5

Ɓoúbi phɔtɔ gea, ɓékéǒbeba ɓakpa jǎi ka nyɔngɔ ékondisaga na ɓɔ, ɓéké phɔtɔ okáɓa imɔna ka nyɔngɔ á ɓɔphɛi nɛsu. Mokonga aámbé ande nɗigimisi.

1 Ɓatɛsalɔníka 5:3

Mbenɔ á ja akɛ, ɓáyɔngande te: «Ɓena ɓujɛjɛ, ɓɛphɔngi phio!» Motúkɔtúkɔ â gǎkɛ ǒdonda mɔngɔ moci. Kaɓɛ́ku na mmbé ateande. Esa á ja á Mɔkɔta aɓande ɓea ɓoaé n'andondi ama-kaeme.

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

1 Timɔtɛ́ɔ 3:8

Ɓabɛɗanigi ndea ka kanisa ɓáɓɛ phɔtɔ ɓakpa nde ɓákeni na ɔ́ka aɓɔ, ɓato á ɗoni, ɓákáɓɛmbɛ ɓanu-makana phɛɛ, ɓákakáɓɛmbɛ imɔna ka maibe-maibe.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Títɔ 1:7

Ambe nambi-kanisa, áɓɛ kángá kisɛki nga, yɛ aoamba kanisa ndea Mokonga. Cɔ, kaɓɛmbɛ nto-ébeba, nto-ésuia, nto á ɓoita, nkae, nto á maibe-maibe ka imɔna.

1 Pɛ́tɛɛ 2:8

Ɓáɗundu phɔtɔ ɔma nɛngbo gea: «Ɛtɛ ndɔ ande ɛtɛ á ɓɛtɛkisa. Ande ekǒngo á gusisa.» Ɓakpa ndɔ ɗáɓáɓɛtɛkani ka nyɔngɔ nde, ɗáɓáyé ɔ́ka á nyɔngɔ ndea Mokonga, na moangɔ ndɔ tɔ unge Mokonga ɗábisi ka phɔa ɓɔ.

1 Pɛ́tɛɛ 5:2

Ambani etuge ndea Mokonga nnde ɗánóphi kángá sosea anu. Ambani ndiu ú na měma ánjá ɓíndɔ Mokonga akondi. Bɛɗanagani kángá mɔphɛ á tɔá ka ɓojeɗe, óyameani ndiu k'ékuma na měma ékondi.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.

2 Pɛ́tɛɛ 2:1

Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.

Yúda 1:11

Ngomi aɓɔ ka nyɔngɔ nde ɓáɓi aphe ndea Kaína! Ɗáɓábɛɗanigi ájeɗe ekuma á imɔna ɓea Ɓaláma. Ɗáɓákɔndɔkani ka nyɔngɔ nde ɗáɓáyomboki ɓea nkpa nde ɓáɔmɔphana Kɔ́la.

Yúda 1:15

ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.