2 Pɛ́tɛɛ 2:2 - Ɔngana á Kɛ̌kɛ

² Ɓakpa ɓásii ɓáeɓeande ka tambea nɛɓɔ ájeɗe, na ka nyɔngɔ aɓɔ unge, ɓakpa ɓábómande aphe á ɗoni.

2 Pɛ́tɛɛ 2:2 Iomraidhean Croise

Matáyɔ 22:16

Ɓáǒteka ka ɓagoigi nɛɓɔ kimoci na ɓakpa ndea moamɛ Ɛlɔ́dɛ. Ɓáongoɗea Yéso te: «Ngoisigi, ɓeoúba gea onde nto á ɗoni na ǒphangiaga ɓakpa nyɔngɔ á ɗoni ka ɓeá á Mokonga. Kóna kɔɓɔɓɔkɔ á mɔphɛ á ɓakpa na kóoɓongeaga kɔkɔta á ɓakpa.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 7:14

Kǐo nde akɔtɔkani, ande aphe ábɔa nde agě ka enda á mɛyɔ, ɓakpa ɓábɔa ɓáunge ɓáɔɔna ú.

Málikɔ 12:14

Ɓondɔ unge ɓáombikia, ɓáomúsia: «Ngoisigi, ɓeoúba gea, onde nto á ɗoni, kóomɓánga nkpa. Kó phɔtɔ oenga keongi á ɓakpa. O ndiu ǒphangiaga ɓakpa, nyɔngɔ á ɗoni ndea Mokonga. Cɔ, ósongoɗea: Aánjá ka ɓesu phenda á manjanja ka Moamɛ Kaisáa? Ɓéphendɛ? Ɓékephendɛmbɛ?»

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ekuma á ɓateki 13:10

Áongea te: «Oɓɛ otúmi n'etéte bui á maibe n'odemayɔ, muna-nketi, mɓiɓia á etéte bui á koɗoni, kóɗeketɛeka túkatúka á moangɔ ndea Mɔkɔta?

Ekuma á ɓateki 14:2

Ɓayúda íɓunde ɗáɓáyé ɓeekea á Yéso, ɓâ gǎkɛ ɔ̌sɔia ɓunde ɓáná Ɓayúda ɓékangeɛ ɓunde ɓámɓeeki Yéso.

Ekuma á ɓateki 16:17

Nke ndɔ áosóɓea n'aokogaga te: «Ɓakpa nde ɓánde ɓabɛɗanigi ndea Mokonga mmbé á na koba. Ɓáɔnɔ́phɛa aphe á ɓoamia á ka měma.»

Ekuma á ɓateki 18:26

Áokpanga phɛá k'éndu á madondanɔ ndea Ɓayúda ka nyɔngɔ á Mokonga kángá ɓanga. Piisíla na Akíla, ɓî ɓámɔ́ki, ɓáonga ně mɔtɛ-aɓɔ, ɓáɔntɔmiaga base phɛɛ aphe á Mokonga.

Ekuma á ɓateki 19:9

Ɓuangbo ɓâ gǎkɛ oɗaka kecue, ɓáoyá ɓeekea, ɓáɔɓɛnjiaga aphe á Mɔkɔta Yéso mosá á ɓakpa. Kaɓondɔ, Pɔ́lɔ áokatana na ɓɔ, â tɔ oga na ɓagoigi k'éndu á goaga nde á ka Tiánɔ. Wa, ɗáogoisaga esa bui

Ekuma á ɓateki 22:4

Ɗéǒtambisaga ɓundɔ ɗáɓáoɓea aphe ndea Yéso na ɓî ɗáɓáokuwa. Ɗéǒdunga ɓǒko, phɔtɔ na ɓake, néǒɓóaga na makea á ɓɔ ka mekakɔ.

Ekuma á ɓateki 24:14

Nyɔngɔ nde neɓeeki gǎkɛ mosá akɔ a ɓe: Nɛɔmbɛɗanɛaga Mokonga ndea ɓatatasu na ɓeá aphe nde ɓági ande á odemayɔ. Neɓeeki gǎkɛ nyɔngɔ bui nde ɓáɗundu suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga.

Ɓalɔ́ma 2:24

Nga, a ɓíndɔ ɓáɗundu suɓi á Ɓuku á Mokonga gea: «Ka nyɔngɔ anu Ɓayúda aunge ɓakpa nde ɓáná Ɓayúda ɓáobóma ina á Mokonga.»

1 Timɔtɛ́ɔ 5:14

Cɔ, nekondi gǎkɛ ɓake á kekusa íɓunde ɓá phɔ́tɔ ɓamponjo, ɓáɔmanɛ, ɓáɛɓɔkɔtɛ ɓaniki, ɓáambɛ endu nɛɓɔ ka gea, ɓaɓiɓia asu ɓákáɓɛmbɛ n'aphe moci nde ɓásóbómande kau.

Títɔ 2:5

ɓáɓɛ phɔtɔ ɓato á tambea ánjá, na ɓáɓɛ kángá á ɓɔjɔɔkiɔ. Ɓátɔtɔkisɛ ekuma á k'éndu nɛɓɔ ánjá, ɓáɓɛ ɓake ɓánjá, ɓáɛɓɔ́kɛ ɓamunyaɓɔ ka gea, ɓakpa ɓákátɛbɛɛgɛmbɛ nyɔngɔ á Mokonga.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:15

Mbusa á ɗeketa aɓɔ aphe á ɗoni, ɗáɓáɓúngigi, ɓáoɓea aphe ndea Baláma muna Bɛɔ́li. Yɛ, ɗákondi tɔá á imɔna k'aphe ájeɗe,

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 2:21

Atú ye phɔ́ oɓá ánjá ka ɓɔ, ámbé ɗáɓákáúbi aphe á ɗoni. Cɔ, ɗáɓáúbi ye, ɓâ gǎkɛ oɗeketa ɛɔphi ánjá nnde ɗáɓěgoisigi.

2 Pɛ́tɛɛ 2:7

Mokonga ɗánamisi gǎkɛ Lɔ́ti, nto á koɗoni mmbé ɗáotambaga ka měma phɛɛ ka nyɔngɔ á tambea ájeɗe ndea ɓato á ka ntanga-nji ndɔɔ.

Yúda 1:10

Cɔ, ɓakpa ndɔ ɓáobóma kema bui nde ɓákáoúba. Úbapha aɓɔ aotamba kimoci na tambea aɓɔ ɓea ɓanyama ɓunde ɓáká na úbapha. Nndɔ ungɔ aǒɓúngisaga.

Yúda 1:15

ka gea, ɓátenɛ nyɔngɔ á ɓakpa ɓɔbu. Ɓátenande akpɛ nyɔngɔ á ɓato á ɓojeɗe ɓɔbu ka nyɔngɔ á ɓojeɗe nɛɓɔ bui nnde ɗáɓátɔtɔkisi ka mbɛnɔ á oyombɔ na ka nyɔngɔ ájeɗe-jeɗe bui nde ɗáɓáyɔngigi ka phɔa Mokonga.»

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Yúda 1:7

Kanisiani phɔtɔ nyɔngɔ á Sodóma, Gɔmɔ́la na ntanga-nji á bîbíbí. Nyɔngɔ á iɛɓɛ á ɓato á ka ntanga-nji ndɔ ɗátú phɔtɔ ájeɗe ɓea ɓamalaéka ndɔɔ. Ɗáɓáogea iɛɓɛ nnde atingani n'índe á kokpa. Ɓɔ, ɓáotambaga ka nsa á mɛyɔ. Ɓánde mphangiɔ ka ɓakpa ɓɔbu.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 13:8

Cɔ, ɓato á ka mokonda ɓɔbu ɓámbebande nyama ndɔ, ɓɔbu ɓunde ɗáɓákáɗundu ina aɓɔ kpanga nkpangeɔ á Mokonda suɓi á ɓuku á enda á Muna-mɔgɔgɔ mmbé ɗáɓánteni.