2 Pɛ́tɛɛ 2:1 - Ɔngana á Kɛ̌kɛ

¹ Kala, ɓaɔtu-nyɔngɔ á mbɛa ɗáɓásɛnɛki ka ɔlɔ á Ɓaisilaɛ́li. A phɔtɔ ɓó unge ɓagoisigi á mbɛa ɓásɛnɛkande ka ɔlɔ anu. Ɓagoisigi á mbɛa ndɔ, ɓángisande ka ɓɔsɔmɛa ɓɔphɛi ájeɗe nde aoɓúngisaga na ka ɓî ɓán'yande Mɔkɔta nde ɗáetókisi ka kɔkɔɓɛ á ɓojeɗe. Kaɓondɔ, ɓáɓoteande otúkɔtúkɔ ka phɔaɓɔ kángá iphia.

2 Pɛ́tɛɛ 2:1 Iomraidhean Croise

Matáyɔ 10:33

Mmbé gǎkɛ amoyande mosá á ɓakpa, aámbé eme phɔtɔ nen'yande mosá á Abɛ mmbɔ á na koba.»

Matáyɔ 24:11

Ɓaɔtu-nyɔngɔ á mbɛa ɓásii ɓákiɗianande, ɓáǒdema ɓakpa ɓásii.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 24:5

Nga, ɓakpa ɓásii ɓábikande k'ína ani, ɓáogea: ‹Eme aámbé, nende Kiísito.› Ɓáedemagande ɓakpa ɓásii phɛɛ.

Matáyɔ 7:15

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Lóka 12:9

Mmbé amoyé mosá á ɓakpa, nen'yáeka phɔtɔ mosá á ɓamalaéka ndea Mokonga.

Lóka 21:8

Yéso áǒsikisia te: «Ɛ́ngɛphani! Nkpa kanódemɛmbɛ. Nga, ɓakpa ɓásii ɓábikande k'ína ani na ɓáɔyɔnga gea: ‹Eme aámbé, nende Kiísito!› ‹Mbenɔ a ye tɔ bíbí.› Nanga áɓá ɓó, ɓókǒɓeɛmbɛ.

Lóka 6:26

Ngomi ka ɓenu íɓundɔ ɓáonógama, ka nyɔngɔ á kema ánjá nde ɓoogea nga, ɓondɔ unge ɓatataɓɔ ɗáɓáǒgeea ɓaɔtu-nyɔngɔ á mbɛa.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

1 Ɓakɔlítɔ 11:19

(Eya, akeni katanaga áɓɛ sɔsɔɓɛ anu ka gea, ɓakiísito á ɗoni ɓáɔnɛkanɛ sɔsɔɓɛ anu.)

1 Ɓakɔlítɔ 6:20

Mokonga aámbé ɗánósómbi k'ésombi akpɛ. Kaɓondɔ, nɗokomisani pɛ Mokonga ka nyama anu.

1 Ɓakɔlítɔ 7:23

Mokonga ɗánósombi k'ésombi akpɛ. Ɓî a ɓó, ɓókoɓɛmbɛ ka kɔkɔɓɛ ndea ɓakpa.

Ɓagalatía 2:4

nanga ɓî ɓana-ayi ɓájeɗe ɓáunge ɗáɓáonsosea. Ɓɔ, ɗáɓáengisi sɔsɔɓɛ asu ka ɓɔsɔmɛa ka bika sɔna ɓî ɓeoenda ánjá ka ɔngana asu na Kiísito. Ɗáɓátú na mɔphɛ á bisa asu ɓea ɓakɔɓɛ nɛɓɔ.

Ɓagalatía 3:13

Kiísito ɗásóphúi ka sɛmɛaga nde ɛɔphi ɗátú ně ka phɔasu, â ye tɔ okumba ú k'ɔ́ma nɛsu. Nga, Ɓuku á Mokonga ayɔngi ɓe: «Nkpa nde ɓáonkpata gǔ á me, aámbé Mokonga aɔnsɛmɛaga.»

Ɓagalatía 4:17

Ɓakpa ndɔ ɓáɔnɔɓɔngaga, na mɔphɛ aɓɔ nna ánjá ka ɓenu. Mɔphɛ aɓɔ a ndiu gea, ɓánokatanisɛ n'eme ka gea te, ɓóbisɛ mɔphɛ anu ka nyɔngɔ nɛɓɔ.

Ɓagalatía 5:20

ɗokomisa á ɓamokonga á mbɛa na eemba, ngíní, sani, nsengo, esúia, kuma, katanaga ka ketoto.

Ɓaɛphɛ́sɔ 1:7

K'aphe ndea Kiísito aunge, ɗéɓejúani ka ɓojeɗe, ka nyɔngɔ á magia akɛ ka íma ɓojeɗe nɛsu. Mokonga ɗásóphangi ɛtɔi á ɓonjánja-ékondi nɛkɛ,

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

Ɓaphilípi 3:19

Sungiaga aɓɔ ande ɓúngaga. Nga, Mokonga nɛɓɔ ande sɔphɔ aɓɔ. Ɓáǒbeba na kema nde atókeni kusa aɓɔ na soni. Ɓábisi tɔ měma aɓɔ ka kema á ka mokonda ndee.

Ɓakɔlɔsái 2:18

Ɓókǒɗeketeɛmbɛ ka gea, nkpa buakɛ átenɛ nyɔngɔ nɛnu akpɛ, mmbé aǒdemisaga gea ana měma édidisa na beba á ɓamalaéka. Ɓábisi phɔtɔ měma aɓɔ ka kema nde ɓáɔɔna ka mphaniɔ. Kanisia aɓɔ a tɔ á kokpa, nndɔ aǒɓopha ɓemboko.

Ɓakɔlɔsái 2:8

Óambani ka gea, nkpa kanótombɛgɛmbɛ ka ɓɔngaga anu na nyɔngɔ á mbɛa á kanga kantíti á kɔɓɔɔngɛ, nnde aotóka ka ɓato á ka mokonda. Nndɔ aotóka ka asii á ɓakpa na měma ájeɗe á ka mokonda. Nndɔ nna gǎkɛ ka Kiísito.

1 Timɔtɛ́ɔ 5:8

Aoɓá nkpa na káǒamba ɓakpa nɛkɛ na amba phɛɛ ɓato á k'ékombo nɛkɛ, mmbɔ ayé ɓeekea nɛkɛ. Kaɓondɔ, yɛ ande nkpa ájeɗe phɛɛ kɔnyɛ́nya mmbé káɓeeki.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Títɔ 3:10

Cɔ, nkpa nde aobikisa katanaga, nkéa mɔngɔ iɓɛ, mpɔ ómphapheɛ.

Ɓaɛbulanía 10:29

Cɔ, ɓookanisia ɓo? Nkpa nde aɔmɓɛnjiaga Muna-Mokonga, kákeni ɓántambisɛgɛ akpɛ phɛɛ? Nga, yɛ nnaɔɔna kantíti á magia á ɔngana nde aími ɓojeɗe nɛkɛ, abómi phɔtɔ Měma mmbé asóúbisi ɓonjánja-ékondi ndea Mokonga.

1 Pɛ́tɛɛ 1:8

Cɔ, ɓonkondi Yéso, nanga ɗɔ́ɓɔ́kɔ́mɔni ka yɛ. Ɓomɓeeki, nanga kɛ̌kɛnde ɓɔ́kɔ́ɔmɔna. Kaɓondɔ unge ɓotúmi na maseye ángbó phɛɛ, nnde nkpa nnaɔtɔka n'atɔ̌mi ú.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

1 Yoáni 2:26

Cɔ, nenóɗundui ɓoabi nde ka nyɔngɔ á ɓunde ɓáokáɓa dema anu.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.

Mphaniɔ 13:14

Ka nyɔngɔ á ketangaɔ ángbó nnde ɗáɓámophi ka tɔtɔkisa í k'íso á nyama ndɔ ɓa k'ama mosá-mosá, áǒdema ɓato á ka mokonda gea, ɓáɓɔngisiɛgɛ tɔnkɛngɛ ka ɗokomisa á nyama ndɔ ɗáote na píndí na áoama.

Mphaniɔ 2:13

Neoúba ɔma nde oiki. Wa unge ande kankaanga á koɓoamɛ ndea Sɛtáni. Nanga a ɓó, otétemisi tɔ ɓeekea ani kángá á ngana á ɓeekea ndɔ. Oɓɛ, kóɗeketi ɓeekea ani mbenɔ nde ɗáɓámowe Antípa, nɗigimisi nɛmɔ á ɗoni mɔtɛ-anu, ɔma nde Sɛtáni aiki.

Mphaniɔ 2:9

Neoúba tambaga na ɓuyɛnɛ nɛkɔ, o gǎkɛ ntɔi! Ne phɔtɔ oúba kitɔngi á mbɛa nde ɓunde ɓáǒgea sasaɓɔ ɓánde Ɓayúda na ɓáná Ɓayúda ɓáɔkɔtɔnga. Ɓatɔngi ndɔ, ɓá ndiu madondanɔ á ɓakpa nde ɓamɓeeki Sɛtáni.

Mphaniɔ 3:8

Neoúba ekuma nɛkɔ. Neoúba gea, o tɔ na ɓukpɛkpɛ ábɔa. Kaɓondɔ unge, neúku kǐo mosá akɔ, nnde nkpa nnaɔtɔka n'aphati, ka nyɔngɔ nde, ɗóambi nyɔngɔ nɛmɔ na ɗókóngani ina ani.

Mphaniɔ 5:9

Ɓagbɛga ndɔ ɓáoemba embɔ á kɛ̌kɛ ɓe: «Okeni bɛɗa á ɓuku ndɔ, na koɗaga á ngoi á mutúti. Ka nyɔngɔ nde, ɗáɓákomowe, na ka phɛ́a nɛkɔ, ɗóǒsomba ka Mokonga ɓakpa na magia akɔ, ɓakpa á k'ekuna bui, á ɛyɔngi bui, ɛɓɔkɔti bui na nji bui.

Mphaniɔ 6:10

Ɓɔ, ɗáɓáɔyɔnga n'ɛsɔ akpɛ te: «Mɔkɔta, nto á kanga á ɓojeɗe na nto á ɗoni, ka mbenɔ sina nde ooɓondea tena á nyɔngɔ á ɓato á ka mokonda, na gisia á magia asu?»