2 Pɛ́tɛɛ 1:9 - Ɔngana á Kɛ̌kɛ

⁹ A gǎkɛ oɓá nkpa na nna na kema ndɔ, ande gea, nnaɔɔnapha ánjá, a ɓea keíme-íme, aɓosei gea, ɗáɓásokosei ɓojeɗe nɛkɛ á kala.

2 Pɛ́tɛɛ 1:9 Iomraidhean Croise

Málikɔ 10:21

Yéso áonenga, áonkonda phɛɛ. Áongoɗea: «Oúki tɔ kema moci: Gǎ, ósombisɛ kema bui nde oně, ɔ́bɛɗɛ imɔna í, óɓophɛ ɓato á ɓuyɛnɛ, mbusa í, oɓande n'ɛtɔi na koba. Mpɔ bika, ómoɓeɛ.»

Lóka 18:22

Yéso aɔ́ki ye nyɔngɔ ndɔ, áongoɗea: «Aojigíí goto kema moci. Sombisa nkumba nɛkɔ bui, ógabeɛ ɓato á ɓuyɛnɛ imɔna í. O ye ogea ɓó, mpɔ ôɓá na nkumba na koba. Mbusa, bika ómoɓeɛ.»

Ɓalɔ́ma 6:11

A phɔtɔ ɓó ka ɓenu. Ɓeekeani gea kukuwa ndɔ anókatanisi na ɓojeɗe bubui, ɓo ye gǎkɛ koenda ka nyɔngɔ á Mokonga ka jukana anu na Yéso Kiísito.

Ɓagalatía 5:13

Ɓaya, ɓenu gǎkɛ Mokonga anɔɔphani ka tokisa anu ka kɔkɔɓɛ. Nndɔ kanóɓǒteɛmbɛ mɔnɔ ka ɓá na mɔphɛ á kokpa. Énganani ndiu ka nyɔngɔ á ekondi.

Ɓagalatía 5:6

Nga, ka nkpa nde aɔngani na Yéso Kiísito, gúa á ganja na ika á kanga á gua ganja, nndɔ nna na kantíti. Nnde ana kantíti a tɔ ɓeekea nde aɔɔnɛkana k'ékondi.

Ɓaɛphɛ́sɔ 5:26

ka gea, ásokoseɛ kanisa mosá á Mokonga: Áosokosea ú na yɔnga.

Títɔ 2:14

Yéso Kiísito sasakɛ aámbé ɗáku ka phɔasu ka gea, asophúiɛ ka ɓojeɗe bui, na sokosea asu ka gea ɓéɓɛ ɓakpa nɛkɛ sasakɛ ɓunde ɓána siki á tɔtɔkisa á ekuma ánjá.

Ɓaɛbulanía 9:14

Cɔ, kaɓɛ nndɔ bui n'ande ɗoni, ande gea te magia á Kiísito ana ɓukpɛkpɛ phɛɛ kɔnyɛ́nya nndɔ bui. Nga, ka Měma á mɛyɔ, Kiísito ɗábisi enda akɛ sasakɛ ka Mokonga ɓea nyama á phɛ́a nde nna na kiɗɔti. Magia akɛ aunge aosokosea úbapha asu ka toka k'aphe nde aosóɓotea ka kukuwa, ka gea ɓémbɛɗaneɛgɛ Mokonga mmbé aoenda.

1 Pɛ́tɛɛ 3:21

Iɓo ndɔ, ande mphangiɔ á oɓatisɔ, nnde aonóamisa ka měma kɛ̌kɛnde. Oɓatisɔ ndɔ, nna nyɔngɔ á sokosa nkiki á ka nyama, a ndiu nyɔngɔ á ɓeekea mɔphani ndea Mokonga na měma á sokosea. Oɓatisɔ ndɔ, anoamisi ka měma ka nyɔngɔ á jujúka á Yéso Kiísito ka kukuwa.

1 Yoáni 1:7

A gǎkɛ oɓá na ɓeotamba k'owanga ɓíndɔ yɛ sisakɛ a k'owanga, ɓe ka komunamema ngǔngu asu. Magia á Anakɛ Yéso, aosokosea ɓojeɗe nɛsu bui.

Mphaniɔ 3:17

Ɔɔyɔnga gea: ‹Nende ntɔi, néosikia néɓá ntɔi, kéna ka siki á kema›, kángá uba sasakɔ gea, onde nto á ɓuyɛnɛ, nto á ngomi, múki, keíme-íme na ndumbu.