2 Pɛ́tɛɛ 1:8 - Ɔngana á Kɛ̌kɛ

⁸ Cɔ, ɓo ye oɓá na kema ndɔ bui, n'aɓiki suɓi anu, anóphande ɓukpɛkpɛ á bɛɗaneaga ú na tútuisa úbapha anu ka Mɔkɔta nɛsu Yéso Kiísito.

2 Pɛ́tɛɛ 1:8 Iomraidhean Croise

Matáyɔ 13:22

Mbó nde ɗágú sɔsɔɓɛ á ngenge, a ɓea ɓundɔ ɓáɓeeki Nyɔngɔ ndea Mokonga, mɔphɛ á mokonda na siki ɛ́tɔi â gǎkɛ omowa Nyɔngɔ ndɔ a ka měma aɓɔ, kagɔmbisɛ mbuka.

Matáyɔ 20:3

Áojuana goto ka mbenɔ á nji asasí, áɔ̌ɓɔna ɓakpa ɓunɛngbo na ɓámamege k'ɔ́ma ndɔ tɔ, kángá ekuma.

Matáyɔ 20:6

Ajúani goto ka oyonga, áǒdonda ɓakpa ɓunɛngbo na ɓámamege k'ɔ́ma ndɔ tɔ, áǒngoɗea: ‹Ka nyɔngɔ éke nde ɓoiki wani ɓógaomaka maní, kángá ekuma?›

Matáyɔ 25:26

Mɔkɔta nɛkɛ áonsikisia te: ‹Onde mbɛɗanigi ajeɗe, nkusi nde ca! Otóúbi gea neoɗungua ɔma nde kékonanigi na kɔngɔa ɔma nde kémisí mbó.

Yoáni 15:2

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Yoáni 5:42

Cɔ, nenoúbi gǎkɛ. Ɓenu sasanu ɓókó n'ekondi ndea Mokonga suɓi anu.

Ɓalɔ́ma 12:11

Ɓókoɓɛmbɛ ɓakusi ka bɛɗanaga, ɓáni ndiu na ɓukpɛkpɛ, na měma á bɛɗaneaga á Mɔkɔta na nténdé.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

2 Ɓakɔlítɔ 13:5

Cɔ, óengani sasanu ka ɗigimisa gea, ɓonde ɓaɓêki á ɗoni. Ɓooúba gea, Kiísito a sɔsɔɓɛ anu. Nna ɓo? Kaɓɛ na nna ɓó, ámbé ɓotugbanigi suɓi á ɓeekea.

2 Ɓakɔlítɔ 8:2

Nanga ɓî ɓaɓêki ndɔ ɗáɓáotambaga, ɓâ tɔ oɓá na maseye phɛɛ suɓi í. Nanga ɓî ɗáɓátú ɓato á ɓuyɛnɛ, ɗáɓátú ogaba phɛɛ.

2 Ɓakɔlítɔ 8:7

Cɔ, ɓenu, ɓona kema bubui, kaɓɛ ɓeekea, egabɔ á yɔnga, úbapha, moíngí kángá á sungiaga. Ɓo phɔtɔ n'ekondi ásii ka ɓesu. Kaɓondɔ, ɓekondi ɓɔ́ɔnisɛ phɔtɔ gea, ɓona kema bui k'ékuma ndɔɔ.

2 Ɓakɔlítɔ 9:14

Ka nyɔngɔ ékondi ásii, aunge ɓakpa ndɔ ɓámɛmande Mokonga ka phɔanu ka nyɔngɔ á ɓonjánja-ékondi ndea Mokonga ka ɓenu.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓaphilípi 2:5

Ɓáni phɔtɔ sɔsɔɓɛ anu na mɔphɛ ɓíndɔ Kiísito Yéso ɗátú ně.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

Ɓakɔlɔsái 1:10

Kaɓondɔ, ɓoendande ɓíndɔ Mokonga akondi na gea kema nde aɔmɓɔngɛa Mɔkɔta. Ɓoɓande ɔtɔtɔkisa ekuma ɗanga-ɗanga ánjá na engekisa á Mokonga ánjá phɛɛ.

Ɓakɔlɔsái 2:7

Édokoɗeani ka yɛ na ɓótetemisɛ enda anu ka yɛ. Ká kámisani ɓeekea akɛ ɓíndɔ ɗáɓánógoisigi. Ɓáni phɔtɔ na ɓosegi ásii ka Mokonga.

Ɓakɔlɔsái 3:16

Ambe Mbino-Ánjá ndea Kiísito n'ɛtɔi í, áikɛ suɓi anu. Goisanagani na phɛana ka kɔɓɔɔngɛ. Mbebáni Mokonga na sega akɛ na měma mo ka embɔ ɗanga-ɗanga nnde atóki ka Měma.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

1 Timɔtɛ́ɔ 5:13

Goto, ɓáná na ka kema á gea í, ɓáoga na ɓáɔkɔɓa k'éndu ɗanga-ɗanga, ɓáɔɗɛgia, ɓáongiaga ka nyɔngɔ bui, ɓáɔyɔngaga nyɔngɔ nde ɓákákeni yɔnga í.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Philɛmɔ́nɔ 1:6

Ɛmɛmi nɛmɔ ka Mokonga a phɔtɔ gea, ɓeekea nde amojúkanisi n'oɓɛ, áɓɛ na ɓukpɛkpɛ phɛɛ suɓi akɔ, kaɓondɔ unge oúbande ɓonjánja bui nde ɓeně ka jukana asu na Kiísito.

Ɓaɛbulanía 6:12

Ɓî a ɓó, ɓókoɓɛmbɛ ɓakusi. Ɓeani ndiu nyɔngɔ á ɓakpa nde ɓátétemisi ɓeekea nga, ɓundɔ ɓáunge ɓátɔande ɓotukɔ á mɔkɔ nde Mokonga ɗáɔku.

2 Pɛ́tɛɛ 1:2

Ambe ɓonjánja-ékondi na ɓujɛjɛ áɓikɛ ka ɓenu, ka nyɔngɔ á úba anu ánjá Mokonga, na Mɔkɔta nɛsu Yéso.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.