2 Pɛ́tɛɛ 1:7 - Ɔngana á Kɛ̌kɛ

⁷ gǔ á tambea ánjá mosá á Mokonga, ɓóyameɛ ekondi á komunamema na gǔ ékondi á komunamema, ɓóyameɛ ekondi.

2 Pɛ́tɛɛ 1:7 Iomraidhean Croise

Ɓalɔ́ma 12:10

Kóndanani ɓea ɓato á komunamema ɗoni, éɗokomisani ngǔngu anu.

Ɓagalatía 6:10

Cɔ, aoɓá na ɓena mbenɔ átɔtɔkisa kema ánjá, ɓétɔtɔkisɛni ú ka phɔa ɓakpa ɓɔbu. Ɓegeɛni ánjá phɛɛ ka phɔa ɓunde ɓá ka ekombo á ɓaɓêki.

Ɓakɔlɔsái 3:14

Gǔ índɔ bui, ɓáni n'ekondani nga, ekondani aunge aɔɔnganisa ánjá.

1 Ɓatɛsalɔníka 3:12

Mɔkɔta ánotúmisɛ phɔtɔ n'ekondi ka ɓakpa ɓea mboso n'atúmi na iɓo, áoɗǔkanaga. Mpɔ, ekondi nɛnu áokengeana n'índeasu ka ɓenu.

1 Ɓatɛsalɔníka 5:15

Óengani phɛɛ gea, nkpa kansikisiɛ mɔnɔ dakɛ ɓojeɗe. Ɓógeanɛ ndiu ɓonjánja. Geani phɔtɔ ɓó ka ɓakpa ɓɔbu.

Ɓaɛbulanía 13:1

Ikani k'ékondi á komunamema ngǔngu anu.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Pɛ́tɛɛ 2:17

Óɗokomisani ɓakpa ɓɔbu, ókondani ɓadanu ɓaɓêki, mɓángani Mokonga, nɗokomisani moamɛ.

1 Pɛ́tɛɛ 3:8

Ka sungiaga, ɓáni ɓenu ɓɔbu na kanisia mo na měma mo. Kondanani ɓea ɓato á komunamema, ɓáni na měma ánjá, n'ědidisa sɔsɔɓɛ anu.

1 Yoáni 3:14

Ɓeoúba gea, ɓɛnyɛ́nyi ka kukuwa, ɓéongia ka enda á mɛyɔ ka nyɔngɔ nde, ɓěkondi ɓadasu. Mmbé nna n'ekondi a phɔ́tɔ suɓi á kukuwa.

1 Yoáni 3:16

Ɓeoengekisa ekondi ka nyɔngɔ ndee: Kiísito ɗábisi enda akɛ ka ɓesu. Ɓesu phɔtɔ, akeni ɓébisɛ enda asu ka bɛɗaneaga ɓadasu.

1 Yoáni 4:21

Ɛɔphi nde Yéso ɗásóphi aungee: Mmbé ankondi Mokonga, akeni phɔtɔ, ánkondɛ muna-amakɛ.