2 Pɛ́tɛɛ 1:5 - Ɔngana á Kɛ̌kɛ

⁵ Kaɓondɔ, geani ɓukpɛkpɛ ka yamea á tambea ánjá gǔ á ɓeekea nɛnu na gǔ á tambea ánjá, ɓóyameɛ úba á Mokonga

2 Pɛ́tɛɛ 1:5 Iomraidhean Croise

Lóka 16:26

Goto, mininga ángbó a sɔsɔɓɛ asu na ɓenu. Kaɓondɔ unge, ɓakpa nde ɓákondi tóka wani, ɓágɛ mɔtɛ-anu, ɓánáɔtɔka. Nna phɔtɔ na nkpa nde áɔtɔka tóka á kó, áojua koni.»

Lóka 24:21

Nseɓeɔ nesu ɗátú gea te, yɛ aámbé aephúiande Ɓaisilaɛ́li ka kɔkɔɓɛ. Cɔ, gǔ índɔ bui, a ye esa isaɔ ɓî nyɔngɔ ndɔ atɔtɔkɛani.

Yoáni 6:27

Ɓɔ́kɔbɛɗanɛgɛmbɛ ka nyɔngɔ á eea nde aoújukana, áɓɛ ndiu ka nyɔngɔ á eea nde aoendisa mɛyɔ. Eea ndɔ, eme Muna-Nkpa, aámbé nenóphande nga, Abɛ Mokonga amopi kɔkɔta í.»

1 Ɓakɔlítɔ 14:20

Ɓaya, kanisia anu káɓɛ́ mɔnɔ ɓínde á ɓaniki. Ɓáni ɓaniki ka ɓojeɗe, ɓóɓɛ gǎkɛ ɓagbɛga ka kanisia anu.

Ɓaɛphɛ́sɔ 5:17

Kaɓondɔ unge, ɓókóbóbókɛmbɛ, úbani ndiu ánjá mɔphɛ á Mɔkɔta.

Ɓaphilípi 1:9

Cɔ, ɛmɛmi nɛmɔ ka Mokonga a ɓe: Ekondani nɛnu áɓikɛ phɛɛ, ɓóúbaphɛ na ɓá na kɔɓɔɔngɛ phɛɛ

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓakɔlɔsái 1:9

Kaɓondɔ unge, kpanga á ɓî ɗɛ́ɓɛɔ́ki nyɔngɔ anu, ɓékéoɗeketa mɛma á Mokonga ka phɔa anu. Ɓɛɔmmɛma ka gea, ánoúbisɛ mɔphɛ akɛ na opha anu kɔɓɔɔngɛ na úbapha ásii nde Měma akɛ aobikisa.

Ɓakɔlɔsái 2:3

Nga, yɛ, ande cina á ɛtɔi bui á úbapha na kɔɓɔɔngɛ.

Ɓaɛbulanía 11:6

Cɔ, kángá á ɓeekea nna na nkpa nde aɔtɔka n'ěkondisigi na Mokonga. Nkpa nde áombîmisia akeni áɓeekeɛ gea te, Mokonga a ɓei. A phɔtɔ ǒphenda ɓundɔ ɓáonkáɓa.

Ɓaɛbulanía 12:15

Ɛ́ngɛphani gea, ka ɓenu kaeúkisɛmbɛ ɓonjánja-ékondi ndea Mokonga. Ka ɓenu kaɓɛmbɛ phɔtɔ ɓea mǐgi ájiá nde áɔtɛa, áoyombokisa na ndandisa á ɓojia ndɔ ka ɓakpa ɓásii.

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

1 Pɛ́tɛɛ 3:7

Ɓenu phɔtɔ ɓǒko, ikani na ɓake ɓánu ka ɔ́kana ánjá, na ɓooúba gea, ɓáɔlɔmani kɔnɔnyɛ́nya. Ambe ɓóoɗokomisɛ nga, ɓɔ ɓátɔande egabɔ á enda á ɗoni ɓea ɓenu. Geani ɓó ka gea, ka kema kaɗakɛmbɛ ɛmɛmi nɛnu.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 1:11

Kaɓondɔ, ɓánokoɗeande phɛɛ aphe á ngia ka koɓoamɛ á mɛyɔ ndea Mɔkɔta na Namisi nɛsu Yéso Kiísito.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.