2 Pɛ́tɛɛ 1:4 - Ɔngana á Kɛ̌kɛ

⁴ Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.

2 Pɛ́tɛɛ 1:4 Iomraidhean Croise

Ɓalɔ́ma 9:4

Ɓɔ, ɓánde Ɓaisilaɛ́li ɓunde Mokonga ɗáɛsɔmbu ɓáɓɛ ɓ'anakɛ, ɗáɛɓɔnisi ɓophombia nɛkɛ, ɗáɔngani na ɓɔ, ɗáeɓophi ɛɔphi na mɔkɔ na ɔnisa aɓɔ moangɔ á beba akɛ.

2 Ɓakɔlítɔ 1:20

Nga, ka Yéso aámbé Mokonga agi eya ka mɔkɔ nɛkɛ bui ndea Mokonga. Ka yɛ Yéso, ɓeoɓeekea: «Áɓɛ ɓó» ka ɗokomisa á Mokonga.

2 Ɓakɔlítɔ 3:18

Ɓesu ɓɔbu ɓéké ye na bɔngɔ ndɔ aoɗaka keongi asu. Nga, ɓoombia á Mɔkɔta aophenuaga kau. Kaɓondɔ ɓeékěti ka kengeana na Mɔkɔta, ɓéoɓá goto na ɓoombia ángbó esa bui. Nndɔ ungɔ ande ekuma ndea Mɔkɔta n'ande Měma.

2 Ɓakɔlítɔ 6:17

Kaɓondɔ unge Mɔkɔta agi: «Tókani ka ɔlɔ aɓɔ, ɓókatanɛ na ɓɔ. Ɓókodungɛ mɔnɔ ka ɓosoɛ, mpɔ, eme nenóseseande.

Ɓagalatía 3:16

Cɔ, Mokonga ɗámɔku Abalaámu n'ɛɓɔkɔti nɛkɛ. Ɓuku á Mokonga ɗákáyɔngi: «K'ɛ́ɓɔkɔti nɛkɛ bui» ɓea ɓakpa ɓásii. Ɗáyɔngi ndiu: «K'ɛ́ɓɔkɔti nɛkɔ» ande gea te nkpa moci n'ande Kiísito.

Ɓagalatía 6:8

Aoɓá nkpa n'akonanigi ka ɓeana na mɔphɛ ájeɗe nɛkɛ, aɗunguande kukuwa. A gǎkɛ okonanaga ka ɓeana na Měma á Mokonga, aɗunguande enda á mɛyɔ.

Ɓaɛphɛ́sɔ 4:13

Kaɓondɔ unge, ɓesu ɓɔbu ɓeɓande kimoci ka ɓeekea na ka úba Muna-Mokonga. Mpɔ, ɓéoɓá ɓakiísito á mɔta ánjá, na engimiana na Kiísito.

Ɓakɔlɔsái 3:10

Ɓo ye tɔ econji á kɛ̌kɛ ɓunde Mokonga Nconji nɛsu aogaiaga esa bui ka gea ɓónengekisɛ ánjá.

Ɓaɛbulanía 12:10

Ɓ'abasu ɓáɔsɔ́sɛ́ka ka ɓ'esa ɓábɔa ɓíndɔ ɛ̌ɓɔngɛi. Kisɛki ndea Mokonga a ndiu gǎkɛ ka ɓokambia nɛsu ka gea te, ɓéɓɛ ɓato á ɓonjánja ɓea yɛ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

Yakɔ́ɓɔ 1:27

Kanisa ánjá na á kanga ɓɔjɔɔkiɔ k'íso á Abɛ Mokonga, ande amba á ɓaniki á jiga, na ɓake á kekusa suɓi á tambaga nɛɓɔ. Goto, teani ɓojeɗe á ka mokonda.

2 Pɛ́tɛɛ 1:1

Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 3:13

Ɓe gǎkɛ oɓondea koba na mokonda á kɛ̌kɛ, ɓíndɔ Mokonga ɗáɔku, ɔmande koɗoni aɓande.

2 Pɛ́tɛɛ 3:9

Cɔ, Mɔkɔta nnaoiphia ka tɔtɔkisa á mɔkɔ nɛkɛ ɓíndɔ ɓakpa ɓuangbo ɓáokanisia. Yɛ, a gǎkɛ onóphiphia nga, kákondi gea, ka ɓenu moci áɓungɛgɛ. Akondi ndiu gea, ɓakpa ɓɔbu ɓákětiɛ tambea nɛɓɔ ájeɗe.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.

1 Yoáni 3:2

Ɓadani ékondi, kɛ̌kɛnde ɓe ye tɔ ɓana-Mokonga. Yɛ kásophangimbɛ gǎkɛ base, ámbé ɓeɓáeka ɓo. Nnde ɓeúbi, ande gea te, mbenɔ nde Kiísito asɛnɛkande, ɓéɓande ɓea yɛ nga, ɓɛmɔnande ɓíndɔ aɔ.