2 Pɛ́tɛɛ 1:3 - Ɔngana á Kɛ̌kɛ

³ Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 1:3 Iomraidhean Croise

Matáyɔ 28:18

Mpɔ Yéso áobika ka mpɛphɛ aɓɔ, áǒngoɗea te: «Ɓámopi kɔkɔta bui á na koba na nnde á ka mokonda.

Ɓalɔ́ma 8:32

Nga, Mokonga ɗákámkpɛmi n'Anakɛ sasakɛ, ɗámphúi ndiu gea te, átambɛgɛ ka phɔa asu ɓesu ɓɔbu. Cɔ, kásóphɛku kema bui kimoci n'Anakɛ ka ɓo?

Ɓalɔ́ma 9:24

Ɓesu ɓáunge ɗásɔɔphani, nna tɔ sɔsɔɓɛ á Ɓayúda, phɔtɔ sɔsɔɓɛ á ɓunde ɓáná Ɓayúda.

1 Ɓakɔlítɔ 1:9

Mokonga mmbé nnaoanganisa mɔkɔ nɛkɛ, aámbé ɗánɔɔphani gea, ɓójukanɛ n'Anakɛ Yéso Kiísito, Mɔkɔta nɛsu.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:4

Nyama a tɔ moci na Měma moci. Mokonga ɗánɔɔphani phɔtɔ na nseɓeɔ moci.

Ɓaphilípi 3:8

Kema bui k'éme a ye tɔ nyɛ́nyisa á mbenɔ jǎi ka nyɔngɔ á úba Yéso Kiísito phɛɛ Mɔkɔta nɛmɔ. Ka nyɔngɔ akɛ, ɗéneɓeeki ɓungisa kema nɛmɔ bui, â ye tɔ oɓá kángá kantíti ka gea te, nɛ́ntɔɛ Kiísito

Ɓaphilípi 4:8

Cɔ, ɓaya, ka sungiaga: akeni ɓóbisɛ kanisia anu ka kema bui ánjá, nnde akeni ɗokomisa í, á koɗoni, kángá ɓɔjɔɔkiɔ, nnde akeni ɓeekea í, nnde akeni beba í, na nnde á ɓɔngá.

Ɓakɔlɔsái 1:16

Nga, ka yɛ aámbé Mokonga ɗáconji kema bui nde ana koba, na nnde á ka mokonda, nnde ɓáɔɔna, na nnde ɓánáɔɔna, ɓukpɛkpɛ na ɓansombo nde ɓá na kɔkɔta. Nndɔ bui, Mokonga ɗáconji ka yɛ na ka phɔa akɛ.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Ɓatɛsalɔníka 4:7

Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

2 Ɓatɛsalɔníka 2:14

Mokonga ɗánɔɔphani ka ɓoamia ndɔ k'aphe á Mbino-Ánjá nde ɗéɓenɔ́phɛí, ka gea, ɓóɓɛ na ɓoombia ndea Mɔkɔta nɛsu Yéso Kiísito.

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

Ɓaɛbulanía 1:3

Ɓonjánja á ɓoombia á Mokonga áophenuaga n'atóki ka yɛ. Miki ndɔ ankengi tɔ Mokonga ka kema bubui. Yɛ, asúki mokonda na ɓukpɛkpɛ á nyɔngɔ ndeakɛ. Mbusa á yɛ sokosea ɓojeɗe á ka měma á ɓakpa, â ye tɔ koika na koba ka njaga á mǔku á Mokonga Mɛna-ɓukpɛkpɛ bui.

1 Pɛ́tɛɛ 1:15

Cɔ, ɓáni ndiu ɓato á Mokonga kángá ɓojeɗe ka tambea anu bui, ɓíndɔ Mokonga, mmbé anɔɔphani, ande nto á kanga á ɓojeɗe.

1 Pɛ́tɛɛ 1:5

Na ɓenu sasanu akoɓá na ɓoɓeeki, Mokonga mɛna-ɓukpɛkpɛ áonóamba ka amisa anu. Ɓoamia ndɔ aɔnɛkanande base ka mbenɔ á sungiaga á mokonda.

1 Pɛ́tɛɛ 2:21

Ka nyɔngɔ índɔ unge Mokonga ɗánɔɔphani nga, Kiísito ɗátambigi phɔtɔ ka phɔa anu, áonóɗeketea mphangiɔ ka gea, ɓóɓeɛ angá akɛ.

1 Pɛ́tɛɛ 2:9

Cɔ, ɓenu gǎkɛ, ɓonde ɓato á k'ékombo nde Mokonga ɛ̌sɔmbu, n'ekombo á ɓatoɓeigi-phɛ́a ndea Moamɛ, ekuna á ɓato á kanga ɓojeɗe, ɓakpa ndea Mokonga. Yɛ, aámbé ɗánɔɔphani ka toka anu ka kaiphiɔ na ngia anu ka owanga nɛkɛ á ɓoombia ka gea, ɓɔtɔ̌miɛ ekuma nɛkɛ á ketangaɔ.

1 Pɛ́tɛɛ 3:9

Ɓókosikisianɛmbɛ ɓojeɗe ka ɓojeɗe, na mbóma ka mbóma. Sikisianani ndiu nyɔngɔ ánjá nga, ka nyɔngɔ índɔ unge Mokonga ɗánɔɔphani, ka gea, abisande njaga akɛ gǔ anu.

1 Pɛ́tɛɛ 5:10

Mokonga mɛna-ɓonjánja-ékondi bui, ɗánɔɔphani ka gea te ɓóɓɛ kimoci na yɛ ka ɓoombia mɛyɔ ka jukana anu na Kiísito. Cɔ, mbusa á tambaga anu ka mbenɔ ábɔa, anóconjande goto, anóphande ɓukpɛkpɛ, anógbagisagande ka měma, áonópha ésimbia.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 1:2

Ambe ɓonjánja-ékondi na ɓujɛjɛ áɓikɛ ka ɓenu, ka nyɔngɔ á úba anu ánjá Mokonga, na Mɔkɔta nɛsu Yéso.

2 Pɛ́tɛɛ 1:5

Kaɓondɔ, geani ɓukpɛkpɛ ka yamea á tambea ánjá gǔ á ɓeekea nɛnu na gǔ á tambea ánjá, ɓóyameɛ úba á Mokonga

2 Pɛ́tɛɛ 1:6

na gǔ á úba á Mokonga, ɓóyameɛ ɛngɛpha na gǔ á ɛngɛpha, ɓóyameɛ moíngí na gǔ á moíngí, ɓóyameɛ tambea ánjá mosá á Mokonga,

2 Pɛ́tɛɛ 1:8

Cɔ, ɓo ye oɓá na kema ndɔ bui, n'aɓiki suɓi anu, anóphande ɓukpɛkpɛ á bɛɗaneaga ú na tútuisa úbapha anu ka Mɔkɔta nɛsu Yéso Kiísito.

2 Pɛ́tɛɛ 2:20

Cɔ, ɓakpa nde ɓá ye múbi Yéso Kiísito Mɔkɔta na Namisi nɛsu, ɗáɓáɗeketi ɓojeɗe á ka mokonda. Ɓá ye gǎkɛ kosikia goto ka kɔkɔɓɛ í, ɓojeɗe nɛɓɔ á kɛ̌kɛ anyɛ́nyande nnde á kala.

2 Pɛ́tɛɛ 3:18

Cɔ, mɔtani ka ɓonjánja-ékondi na úbapha ndea Mɔkɔta na Namisi nɛsu Yéso Kiísito. Yɛ, áɓɛ na ɓoombia, kɛ̌kɛnde na ka saga na saga. Áɓɛ ɓó.