2 Pɛ́tɛɛ 1:13 - Ɔngana á Kɛ̌kɛ

¹³ Eya, nɛɔni ánjá nénojujúkisɛ ka kanisia anu mbenɔ nde ne phɔ́tɔ koenda.

2 Pɛ́tɛɛ 1:13 Iomraidhean Croise

2 Ɓakɔlítɔ 5:8

Eya, ɓena nténdé ɗoni! Ɓekondi ɗeketa á nyama ndee, ka gǎ ika bíbí á Mɔkɔta.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.

2 Timɔtɛ́ɔ 1:6

Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.

Ɓaɛbulanía 13:3

Ókanisiani ɓato á mekakɔ. Ókuiani ngomi ɓíndɔ ɗóɓotú phɔtɔ oɓá kimoci na ɓɔ ka mekakɔ. Ókuiani phɔtɔ ngomi, ɓunde ɓáǒtambisaga, ɓíndɔ ɗóɓotú phɔtɔ otambaga kimoci na ɓɔ.

2 Pɛ́tɛɛ 1:12

Ka nyɔngɔ índɔ unge nekondi kanisia anu nyɔngɔ ndɔ esa bui, nanga ɓo ye oúba, na kakamana ka nyɔngɔ á ɗoni nde ɗáɓánɔtɔ̌mi.

2 Pɛ́tɛɛ 1:14

Nga, neoúba gea, kukuwa ani a ye bíbí, ɓíndɔ Mɔkɔta nɛsu Yéso Kiísito ɗámophangi base.

2 Pɛ́tɛɛ 3:1

Cɔ, ɓadani ékondi, nnde a ye ɓaoɓa á ko iɓɛ nnde nenóɗundui. Ka ɓaoɓa iɓɛ ndɔ bubui, ɗékondi kanisia anu na jujúkisa á úbapha anu ka gea ɓóɓɛ na kanisia ánjá.