2 Pɛ́tɛɛ 1:10 - Ɔngana á Kɛ̌kɛ

¹⁰ Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 1:10 Iomraidhean Croise

Matáyɔ 22:14

Mpɔ Yéso áogea te: «Ɓunde ɓáɛɓɔphani ɓáɓiki phɛɛ. Ɓunde gǎkɛ ɓáɛsɔmbu ɓákáɓiki.»

Ɓalɔ́ma 11:29

Nga, Mokonga nna tanda ɔtɔka na anganisi mɔphɛ akɛ k'égabɔ na ka mɔphani nɛkɛ ka ɓakpa.

2 Timɔtɛ́ɔ 2:19

Cɔ, etimo nde Mokonga acumi akpɛ aunge aosimbia. Nyɔngɔ nde ɓáɗundu gǔ í aungee: «Mɔkɔta aǒɓúba ɓakpa nɛkɛ.» Goto: «Nkpa buakɛ mmbé aɔyɔnga gea, ande nkpa nde ɓa Mɔkɔta, áɗeketɛ ɓojeɗe.»

Ɓaɛbulanía 6:11

Cɔ, mɔphɛ asu ande gea te, nkpa buakɛ sɔsɔɓɛ anu átetemisɛ ekuma na ka sungiaga ka gea te, nseɓeɔ nɛnu atɔtɔkɛanɛ.

Ɓaɛbulanía 6:19

Nseɓeɔ ndɔ ande nkigisiɔ á měma asu. Ú, ěsimɓî phɛɛ, áongia suɓi éndu ndea Mokonga, áɔtɔngana ngɔ́mbɛ nde aɗaki kǐo á ɔma á Mokonga.

Yakɔ́ɓɔ 2:10

Nga, aoɓá nkpa n'aɓúni ɛɔphi moci nanga áamba nndɔ nɛngbo, ande mɓuni-ɛɔphi bubui.

1 Pɛ́tɛɛ 1:2

Abɛ Mokonga ɗánɔsɔmbu mosá ka ɓeana na moangɔ nɛkɛ. Áonóbisa ɓato á Mokonga kángá ɓojeɗe ka ɓukpɛkpɛ á Měma akɛ ka gea, ɓɔ́mɔ́kɛ Yéso Kiísito na magia akɛ ánosokoseɛ. Cɔ, ɓonjánja-ékondi ndea Mokonga na ɓujɛjɛ áɓikɛ gǔ anu.

1 Pɛ́tɛɛ 1:5

Na ɓenu sasanu akoɓá na ɓoɓeeki, Mokonga mɛna-ɓukpɛkpɛ áonóamba ka amisa anu. Ɓoamia ndɔ aɔnɛkanande base ka mbenɔ á sungiaga á mokonda.

2 Pɛ́tɛɛ 1:3

Ka ɓukpɛkpɛ nɛkɛ, Mokonga asophi kema bui nde akeni ka enda asu. Ɗágeani ɓó ka gea, ɓéjukanɛ ka beba akɛ, na ka úbisa asu mmbé ɗásɔɔphani ka ɓá na ɓoombia na ɓonjánja nɛkɛ sasakɛ.

2 Pɛ́tɛɛ 1:5

Kaɓondɔ, geani ɓukpɛkpɛ ka yamea á tambea ánjá gǔ á ɓeekea nɛnu na gǔ á tambea ánjá, ɓóyameɛ úba á Mokonga

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.

2 Pɛ́tɛɛ 3:17

Cɔ, ɓenu ɓadani ékondi, nɛnɔ́nyɔtɛi ye gǎkɛ nyɔngɔ ndɔɔ. Kaɓondɔ, ɛ́ngɛphani, ɓókǒdemisɛmbɛ ye ka nyɔngɔ á odemayɔ ndea ɓagoisigi á mbɛa. K'aphe ndɔ unge ɓǒdoɗeande ka měma.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 22:14

Maseye ka ɓundɔ ɓásokosi bɔngɔ nɛɓɔ ka gea te, ɓáesoseɛ ea á mbuka á me á enda na ngia ka kǐo suɓi á ntanga-nji.