2 Pɛ́tɛɛ 1:1 - Ɔngana á Kɛ̌kɛ

¹ Eme Simɔ́ni Pɛ́tɛɛ, mbɛɗanigi na nteki nde ɓa Yéso Kiísito, aámbé neɗundu ɓaoɓa ndee. Nenóɗundui ɓenu íɓunde ɓona ɓeekea ángbó ɓea ɓesu, ka nyɔngɔ á koɗoni ndea Mokonga na Namisi nɛsu Yéso Kiísito.

2 Pɛ́tɛɛ 1:1 Iomraidhean Croise

Matáyɔ 10:2

Cɔ, ina á ɓateki ndɔ aunge: Simɔ́ni, mmbɔ ɗáɓánsǔ Pɛ́tɛɛ na muna-amakɛ Andeé, Yakɔ́ɓɔ na muna-amakɛ Yoáni ɓana Jɛbɛdáyɔ.

Matáyɔ 4:18

Yéso ɗátúotamba ka ɔɓɛɛ á etǔ Galiláya, áɔ̌ɓɔna ɓaɔphigi ɓaɓɛ, ɓato á ka sɔphɔ moci, na ɓáomaka moaɓɔ nɛɓɔ ka etǔ. Ina aɓɔ ɗátú: Simɔ́ni, mmbɔ ɓáɔmɔphana Pɛ́tɛɛ, na muna-makɛ Andeé.

Lóka 1:47

měma ani ana maseye phɛɛ ka Namisi nɛmɔ Mokonga,

Lóka 11:49

Nyɔngɔ ndɔ ungɔ Mokonga aengekisi ka kɔɓɔɔngɛ nɛkɛ: ‹Nětekisiande ɓaɔtu-nyɔngɔ nɛmɔ na ɓateki. Ɓémande ka ɓɔ na tambisaga á ɓunɛngbo.›

Yoáni 1:42

Mpɔ, Andeé, áonga ně mosá á Yéso. Yéso â gǎkɛ ontúmia n'iso, áongea: «Onde Simɔ́ni, muna Yoáni. Ɓákɔɔphanande Kɛ́pha, ande gea, Ɛtɛ.»

Yoáni 12:26

Kaɓɛ nkpa n'akondi bɛɗaneagani ambe ámoɓeɛ. Ɔma nde ne ɓei, aunge mbɛɗanigi nɛmɔ aɓande phɔtɔ. Abɛ anɗokomisande mmbé aɔmɔbɛɗaneaga.

Yoáni 20:21

Yéso â goto ǒngoɗea: «Ɓáni na ɓujɛjɛ! Eme nenoteki phɔtɔ ɓíndɔ Abɛ ɗámoteki.»

Ekuma á ɓateki 15:14

Simɔ́ni ɗásóngoɗi ɓî Mokonga aphangisi phɔ́ ngomi nɛkɛ ka ɓato á k'ékuna nɛngbo gea, ɛ́sɔmbɔɛ ka ɔlɔ aɓɔ, ɓábɛ ɓakpa nɛkɛ.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 1:12

Nndɔ ande gea, ɓékpagisanɛgɛni ka ɓeekea nde ɓeně.

Ɓalɔ́ma 1:17

Ka nyɔngɔ nde, Mbino-Ánjá aoúbisa aphe sina nde Mokonga aǒtanga ɓakpa ɓato á koɗoni mosá akɛ. Tanga á ɓakpa ɓondɔ, a tɔndɔ ɔtɔtɔkɛana ka ɓeekea á Yéso. A tɔ ɓíndɔ ɓáɗundu suɓi á Ɓuku á Mokonga gea: «Nto á koɗoni aendande ka nyɔngɔ á ɓeekea.»

1 Ɓakɔlítɔ 1:30

Nga, Mokonga aámbé anójúkanisi na Kiísito Yéso. Kiísito aámbé ande kɔɓɔɔngɛ ka ɓesu nnde atóki ka Mokonga. Mokonga aosótanga ɓato á koɗoni mosá akɛ, aosósokosea na koɗaga asu ka ɓojeɗe ka nyɔngɔ á Kiísito.

1 Ɓakɔlítɔ 15:9

nga, nende miki sɔsɔɓɛ á ɓateki ɓɔbu. Kékeni tanda, ɓámɔɔphanɛ nteki ka nyɔngɔ nde ɗétambisigi kanisa ndea Mokonga.

1 Ɓakɔlítɔ 9:1

Cɔ, kéna kɔkɔta á gea á kema nde nekondi ee? Ké nteki ee? Eme, ɗékémɔni Yéso, Mɔkɔta nɛsu ee? Ɓókó ɓaniki ékuma nɛmɔ suɓi á Mɔkɔta ee?

2 Ɓakɔlítɔ 4:13

Ɓuku á Mokonga agi te: «Ɓî ne ye ɓeeki aunge nɛtɔ́yɔngi.» Cɔ, ɓesu phɔtɔ, ɓena ɓeekea ndɔ suɓi asu. Kaɓondɔ unge, ɓɛɔyɔnga.

2 Ɓakɔlítɔ 5:21

Cɔ, Kiísito ɗákátú na ɓojeɗe. Mokonga ɗánkumbisi gǎkɛ ɓojeɗe nɛsu gea te, ɓî ɓe kimoci na Kiísito, ɓéɓɛ ɓato á ɗoni mosá á Mokonga.

Ɓagalatía 2:8

Mokonga ɗámbisi Pɛ́tɛɛ áɓɛ nteki ka Ɓayúda, ɓíndɔ amobisi ka ɓakpa nde ɓáná Ɓayúda.

Ɓaɛphɛ́sɔ 3:5

Mokonga ɗásɔ̌mi nyɔngɔ ndɔ kala gea te, nkpa káúbɛmbɛ. Kɛ̌kɛnde gǎkɛ, aephani ɓateki na ɓaɔtu-nyɔngɔ nɛkɛ á kanga ɓojeɗe, moangɔ ndɔ ka ɓukpɛkpɛ á Měma akɛ.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓaɛphɛ́sɔ 4:5

Mɔkɔta a tɔ moci, ɓeekea moci, oɓatisɔ moci.

Ɓaphilípi 1:1

Ka ɓaɓêki ɓɔbu ɓunde ɓá suɓi á Kiísito Yéso ka ntanga-nji á ka Philípi, ka ɓaámbi-kanisa na ɓaámbi-nkumba á kanisa, sambani! Eme Pɔ́lɔ na Timɔtɛ́ɔ, ɓabɛɗanigi ndea Yéso Kiísito, ɓesu ɓáunge ɓeɗundu ɓaoɓa ndee.

Ɓaphilípi 1:29

Nga, Mokonga ɗánophi ɓonjánja-ékondi nɛkɛ gea ɓɔ́mbɛɗaneɛgɛ Kiísito, nna tɔndɔ ka ɓeekea akɛ a phɔtɔ ka tambaga ka phɔakɛ.

Ɓaphilípi 3:9

na ɔngana na yɛ ánjá. Kéokaɓa ɓá á nto á koɗoni ka nyɔngɔ á amba ɛɔphi. A ndiu tɔ ka nyɔngɔ á ɓeekea Kiísito, koɗoni nde atóki ka Mokonga nnde aotókana ka ɓeekea.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Títɔ 2:13

Ɓeogea ɓó, ka ɓondea á maseye nde ɓeseɓei, na ɔna á ɓoombia ndea Mokonga nɛsu angbóngbó na Namisi nɛsu Yéso Kiísito mbenɔ nde asɛnɛkande.

Yakɔ́ɓɔ 1:1

Eme Yakɔ́ɓɔ mbɛɗanigi ndea Mokonga na Mɔkɔta Yéso Kiísito nenósambei. Nenóɗundui ɓenu ɓato á k'ékuna nkama na iɓɛ (12) ɓunde ɓophanjekani ka mokonda.

1 Pɛ́tɛɛ 1:1

Eme Pɛ́tɛɛ, nteki nde ɓa Yéso Kiísito, aámbé neɗundu ɓaoɓa ndee. Neɗundu ka ɓakpa nde Mokonga ɛ̌sɔmbu, ɓunde ɗáɓáphanjekani na ɓáoenda ɓea ɓakɛni ka ntanga-nji á ka Pɔ́ntɔ, Galatía, Kapadɔkía, Asía, na Bitinía.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Pɛ́tɛɛ 2:7

Cɔ, ka ɓenu íɓunde ɓoɓeeki, ɛtɛ ndɔ ana kantíti phɛɛ. Ka ɓunde gǎkɛ ɓákáɓeeki: «Ɛtɛ nde ɓaphɛki ɗáɓáyé, aunge ande ngeɔ á mɔphɛkɔ.»

1 Pɛ́tɛɛ 5:1

Cɔ, kɛ̌kɛnde nɛɔ̌phɛa ɓadani ɓagbɛga á kanisa nde ɓá ka ɔlɔ anu. Eme nende phɔtɔ ngbɛga ɓea ɓɔ. Nende nɗigimisi á tambaga ndea Kiísito, neɓande na ka ɓoombia nde asɛnɛkande.

2 Pɛ́tɛɛ 1:4

Ka nyɔngɔ índɔ unge, asophi mɔkɔ ánjá phɛɛ na ángbó ka gea, ɓókongiɛmbɛ ka otúkɔtúkɔ nde mɔphɛ ájeɗe á ka mokonda aobika ně na ɓójukanɛ na Mokonga sasakɛ.

Yúda 1:1

Eme Yúda nende muna-amakɛ na Yakɔ́ɓɔ, nende mbɛɗanigi nde ɓa Yéso Kiísito. Nenóɗundui ɓenu íɓunde Abɛ Mokonga anɔɔphani, áonókonda na amba anu ka phɔa Yéso Kíisito.