2 Timɔtɛ́ɔ 4:7 - Ɔngana á Kɛ̌kɛ

⁷ Ɗémani emani ánjá, ɗéjú ka sungiaga á njoko á gǎ mbangɔ, ɗéambi ɓeekea nɛmɔ.

2 Timɔtɛ́ɔ 4:7 Iomraidhean Croise

Lóka 11:28

Yéso â gǎkɛ ǒsikisia gea: «Maseye a ndiu ka ɓundɔ ɓáɔɔ́ka nyɔngɔ á Mokonga na tɔtɔkisa í.»

Lóka 8:15

Nndɔ agu gǎkɛ ka oɗo ánjá, a ɓea mbenɔ nde ɓakpa ɓáɔɔ́ka Nyɔngɔ á Mokonga, ɓáoamba nyɔngɔ kau ka měma ánjá na měma á ɗoni. Ɓɔ gǎkɛ, ɓáoamba Nyɔngɔ ndɔ k'ésa ásii na gɔmbisa á mbuka.

Yoáni 17:6

Ɗéúbisi ina akɔ ka ɓakpa íɓunde ɗɔ̌sɔmbu ka mokonda, ômopa. Ɓakpa ndɔ, ɗáɓátú ɓuakɔ, ômopa, ɓáoamba nyɔngɔ nɛkɔ.

Yoáni 4:34

Yéso áǒgea: «Eea nɛmɔ ande tɔtɔkisa á mɔphɛ á mmbé amoteki na gɔɓa á ekuma nɛkɛ.

Ekuma á ɓateki 13:25

Ɓî Yoáni ɗá ye bíbí á gɔɓa á ekuma nɛkɛ, áɔyɔnga te: ‹Ɓookanisia gea nende ani? Ké gǎkɛ nkpa nde ɓoomɓondeaga. Yɛ, a ndiu obika mbusa ani. Kékenani na koɗa á ngoi á ɓiato nɛkɛ.›

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ɓagalatía 2:2

Ɗége ko nga, Mokonga aámbé ɗámɔɔphani. Suɓi á madondanɔ ka mpɛphɛ na ɓakɔta á kanisa aunge ɗéněgoisigi Mbino-Ánjá nde nɛɔtɔmiaga sɔsɔɓɛ á ɓunde ɓáná Ɓayúda. Nga, ɗékéokonda gea, ekuma nɛmɔ á kala n'índe á kɛ̌kɛ áɓɛ kángá kantíti.

Ɓaphilípi 1:30

Cɔ, kɛ̌kɛnde gǎkɛ ɓogamani n'eme k'émani. A tɔ emani ndɔ ɗɔ́ɓɔmɔɔni kau mosá, ɓo phɔ́tɔ ɔɔ́ka ndu í k'éme ɓî ne phɔ́tɔ otútuisa.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

1 Timɔtɛ́ɔ 6:20

Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

2 Timɔtɛ́ɔ 1:14

Ámbá ánjá nyɔngɔ nde ɗáɓákophi, ka ɓukpɛkpɛ á Měma á kanga ɓojeɗe nnde aiki suɓi akɔ.

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

Mphaniɔ 3:10

Cɔ, ka nyɔngɔ nde ɗoambi ɓɔphɛi nɛmɔ á ɓá na phiphia á tambaga, eme phɔtɔ, nekoambande ka mbenɔ á tambaga nde abikaeka ka mokonda bui, ka tombaga á ɓakpa á ka mokonda.

Mphaniɔ 3:8

Neoúba ekuma nɛkɔ. Neoúba gea, o tɔ na ɓukpɛkpɛ ábɔa. Kaɓondɔ unge, neúku kǐo mosá akɔ, nnde nkpa nnaɔtɔka n'aphati, ka nyɔngɔ nde, ɗóambi nyɔngɔ nɛmɔ na ɗókóngani ina ani.

Mphaniɔ 6:11

Ɓâ gǎkɛ ǒɓopha nkpa na nkpa bɔngɔ éndǎ ábu, ɓáǒngoɗea te, ɓáɓondeɛ phɔ́ ka mbenɔ ábɔa na ka ɓî mɔɔmba á ɓadaɓɔ ɓabɛɗanigi na ɓana-amaɓɔ íɓunde ɓásiande ɓea ɓɔ, akpeengeanande.