2 Timɔtɛ́ɔ 4:5 - Ɔngana á Kɛ̌kɛ

⁵ Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

2 Timɔtɛ́ɔ 4:5 Iomraidhean Croise

Matáyɔ 25:16

Mmbɔ ɗábɛɗi imɔna á láté ɓɔku, áoga k'aphe á sombeanaga na sombisaga á nkumba, áɔtɔa nɛngbo imɔna á láté ɓɔku.

Málikɔ 13:34

Ande ɓea mǒko moci n'aɔmɛa tamba. Áǒkámbea ɓabɛɗanigi nɛkɛ moangɔ éndu. Mbɛɗanigi moci-moci áoɓá n'ekuma nɛkɛ. Â phɔtɔ ongoɗea mɓondigi-kǐo gea, áɛngɛphɛ. Mpɔ, áoga.

Málikɔ 13:37

Nyɔngɔ nde nɛnɔtɔ̌mi, atɔ unge nɛ̌tɔ̌mi ɓakpa ɓɔbu. Cɔ, ɛ́ngɛphani!

Lóka 12:37

Aɓande maseye ka ɓabɛɗanigi ɓunde mɔkɔta nɛɓɔ ědondande na ɓákáɗé. Nenóngoɗi ɗoni gea, mɔkɔta nɛɓɔ aɔ́lande bɔngɔ á ekuma, áǒikisa ɓabɛɗanigi ka mɛja, áɔ̌bɛɗaneaga!

Ekuma á ɓateki 21:8

Mama í gǎkɛ, ɓɛ́ɔmɛɛa, ɓéojua na Kaisalía, ɓéongia k'éndu ndea ntɔmigi-Mbino-Ánjá Philípɔ, ɓéoika mɔtɛ-akɛ. Ɗátú ka ɓabɛɗanigi ngianjaga iɓɛ (7) ɓundɔ ɗáɓɛ̌sɔmbu na Yɛusalɛ́ma.

Ɓalɔ́ma 15:19

Nga, mphangiɔ na ketangaɔ ɗanga-ɗanga nde ɗátɔtɔkisi ka njaga ani, ɗáphangi ɓukpɛkpɛ ndea Měma á Mokonga. Na ɓukpɛkpɛ ndɔ tɔ, ɗénetɔ̌migi Mbino-Ánjá ndea Kiísito ɔma bui kpanga ka Yɛusalɛ́ma súa ntanga-nji á ka Ililíkɔ.

Ɓaɛphɛ́sɔ 4:11

Cɔ, yɛ aámbé amophi nkpa na nkpa egabɔ ínɛkɛ. Aebisi ɓuangbo ɓáɓɛ ɓateki, ɓuangbo ɓaɔtu-nyɔngɔ ndea Mokonga, ɓuangbo ɓatɔmigi-Mbino-Ánjá ndea Mokonga, ɓuangbo ɓaámbi-kanisa na ɓagoisigi.

Ɓaɛphɛ́sɔ 4:12

Agi ɓó ka gbagisa á ɓakpa ndea Mokonga gea te, ɓámbɛɗaneɛgɛ ka mɔtisaga nyama á Kiísito.

Ɓakɔlɔsái 1:25

Eme ne ye tɔ mbɛɗanigi á kanisa ɓíndɔ Mokonga ɗámopi gea, nɛ́bɛɗanɛgɛ ka nyɔngɔ anu. Ekuma ndɔ ande tɔ̌miaga á nyɔngɔ nɛkɛ bubui.

Ɓakɔlɔsái 4:17

Ngoɗeani Aakípɔ gea: «Ɔ́ɛngɛphambɛ n'ekuma nde Mɔkɔta akophi, tɔtɔkisa ú ánjá.»

1 Ɓatɛsalɔníka 5:6

Kaɓondɔ, ɓókoyengiɛmbɛ. Koɗani ndiu iso, ɓóɛngɛphɛ.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 4:15

Cɔ, bisa měma akɔ k'índɔ bui netóki ka yɔnga í, óyamea buakɔ k'ékuma nɛkɔ mpɔ, ɓakpa ɓáɔnande gea, ootútuisa ekuma.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

2 Timɔtɛ́ɔ 2:3

Tambaga ɓea nto-émani anjánjá ndea Kiísito Yéso ɓíndɔ ne kau.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

1 Pɛ́tɛɛ 1:13

Kaɓondɔ, ɓɔngisiagani měma anu k'ékuma. Ɛ́ngɛphani, seɓeani ɓonjánja-ékondi nde ɓánophande k'ésa á sɛnɛka á Yéso.

Mphaniɔ 3:2

Cɔ, ɛ́ngɛpha, ógbagisɛ nndɔ ajigi n'asookuwa. Nga, ɗɛ́kɛ́ɔni ekuma nɛkɔ nnde ɔtɔtɔkisi na aánjá k'íso á Mokonga nɛmɔ.