2 Timɔtɛ́ɔ 4:4 - Ɔngana á Kɛ̌kɛ

⁴ Ɓákáɓeekeɛku ɔ́ka á ɓɔphɛi á ɗoni ka kecue aɓɔ, ɓáépháiande ndiu ka ɔ́ka egani á mbɛa.

2 Timɔtɛ́ɔ 4:4 Iomraidhean Croise

Matáyɔ 13:15

Nga, ɓakpa nde ɓána měma akpɛ. Ɓáɗaki kecue aɓɔ, ɓáími iso aɓɔ ka gea, ɓákaɔnaphɛmbɛ ně, ɓákaɔ́kaphɛmbɛ na kecuɛ, ɓákákondi bisa á měma aɓɔ ka engekisa á nyɔngɔ. Ɓákákondi kětia á tambea aɓɔ ámbé ka gea néeamisɛ.›

Ekuma á ɓateki 7:57

Wa, ɓakɔta á k'ɔma á madondanɔ ndea Ɓayúda ka nyɔngɔ á Mokonga, ɓáokoga akpɛ na ɓáɗakigi kecue aɓɔ na ɓɔbu ɓáombutukia Sɛtɛphánɔ,

2 Ɓatɛsalɔníka 2:11

Ka nyɔngɔ índɔ unge, Mokonga ětekisíí ɓukpɛkpɛ á odemayɔ ka gea, ɓáɓeekeɛ nyɔngɔ á mbɛa.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 4:7

Kóɓeekeɛmbɛ gǎkɛ egani á jǎi-jǎi, na nnde atingani na moangɔ á ɓeekea. Ókakamisa ka tambea ánjá mosá á Mokonga.

1 Timɔtɛ́ɔ 6:20

Cɔ, Timɔtɛ́ɔ, amba ánjá nnde Mokonga ɗákophi. Ɓánga yɔngaga á jǎi-jǎi, nnde atinganigi na ɓɔphɛi á ɗoni. Yɔngaga ndɔ aunge ɓaɓiɓia nɛsu ɓáɔɔphana «úbapha», n'ande mbɛa.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

Títɔ 1:14

ka gea, ɓákaɓeekeɛ egani á jǎi-jǎi ndea Ɓayúda, ɓákaɓeɛmbɛ ɛɔphi ndea ɓakpa nde ɓáyé ɓɔphɛi á ɗoni.

Ɓaɛbulanía 13:25

Ambe ɓonjánja-ékondi ndea Mokonga áɓɛ na ɓenu ɓɔbu.

2 Pɛ́tɛɛ 1:16

Cɔ, mbenɔ nde ɗéɓenóúbisi nyɔngɔ á ja á Mɔkɔta nɛsu Yéso Kiísito na ɓukpɛkpɛ nɛkɛ, ɗéɓékébɛɗaneigi egani á jǎi-jǎi, nnde ɓakpa ɓáophusiaga. Ɗɛ́ɓɛɔni ndiu na iso asu sasasu ɓongbóngbó akɛ.