2 Timɔtɛ́ɔ 4:19 - Ɔngana á Kɛ̌kɛ

¹⁹ Nsambea kani Piisíla, Akíla, n'ekombo ndea Ɔnɛsiphɔ́ɔ.

2 Timɔtɛ́ɔ 4:19 Iomraidhean Croise

Matáyɔ 5:47

Aoɓá ɓana-amanu tɔ ɓáunge ɓǒsesea, kema ángbó sina nde ɓoogea? Ɓundɔ ɓánáomúba Mokonga, ɓá phɔtɔ ogea ɓó.

Ekuma á ɓateki 18:18

Mbusa índɔ, Pɔ́lɔ â goto koika na Kɔlítɔ k'ésa ásii. Mpɔ, áɔɔkɔwana na ɓaɓêki, áokambea ka koko ángbó, áoga na Sulía kimoci na Piisíla na Akíla. Mosá á mɛɛa á Pɔ́lɔ ka Kɛnkulɛ́a, ɓáonkangaɗua ka mɔ̌, ka nyɔngɔ nde ɗánu esomba.

Ekuma á ɓateki 18:2

Kó, áondonda Moyúda moci inakɛ Akíla, mmbé nji á ɓɔkɔtɛana nɛkɛ ande Pɔntɔ. Yɛ na nkakɛ Piisíla ɗáɓákiɗi tɔ kɛ̌kɛ ka toka á ɓɔ na Italía. Ɗáɓátóki kó ka nyɔngɔ nde, Kɔɔdíɔ moamɛ ndea Lɔ́ma, ɗáesosi Ɓayúda ɓɔbu gea ɓátokɛ ka Lɔ́ma. Ka Kɔlítɔ unge Pɔ́lɔ ɗájúkani na ɓɔ.

Ekuma á ɓateki 18:26

Áokpanga phɛá k'éndu á madondanɔ ndea Ɓayúda ka nyɔngɔ á Mokonga kángá ɓanga. Piisíla na Akíla, ɓî ɓámɔ́ki, ɓáonga ně mɔtɛ-aɓɔ, ɓáɔntɔmiaga base phɛɛ aphe á Mokonga.

1 Ɓakɔlítɔ 16:19

Ɓato á ka kanisa á ka Asía ɓánósesi. Akíla na Pisíla na ɓaɓêki ɓuangbo ɓunde ɓáodondanaga mɔtɛ-aɓɔ, ɓánósesi k'ína á Mɔkɔta.