2 Timɔtɛ́ɔ 4:17 - Ɔngana á Kɛ̌kɛ

¹⁷ Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

2 Timɔtɛ́ɔ 4:17 Iomraidhean Croise

Matáyɔ 10:19

Mbenɔ nde ɓánojúsande ka ntua á tena nyɔngɔ, ɓókoianɛgɛmbɛ gea: ‹Ɓɛyɔngande ɓo? Na ɓɛyɔngande kema sina?› Nga, ɓánoúbisande nnde ɓɔyɔngande ka mbenɔ ndɔ.

Lóka 1:1

Mɔkɔta Tɛɔphílɔ, Ɓakpa ɗanga-ɗanga ɗáɓákengi ɗundua nyɔngɔ á Mɔkɔta, nnde ɗágeani sɔsɔɓɛ asu.

Lóka 21:15

Nga, eme sisani aámbé nenophande nyɔngɔ á kɔɓɔɔngɛ nnde ɓaɓiɓia anu ɓɔbu ɓákásikiɛku ye kau.

Ekuma á ɓateki 23:11

Kǐpha ndɔ, Mɔkɔta áonkiɗianea, áongea te: «Pɔ́lɔ, bisa měma akɔ! A tɔ ɓíndɔ oɗigimisi nyɔngɔ nɛmɔ ka Yɛusalɛ́ma, aunge akeni phɔtɔ óɗigimisɛ ú ka Lɔ́ma.»

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

Ɓalɔ́ma 15:31

Ɛmɛmi ndɔ ande ka gea ɓunde ɓákámɓeeki Yéso ka Yudɛ́a ɓákámogeɛmbɛ ájeɗe na nnde nebiki ně ka enga ɓɔ ka Yɛusalɛ́ma, ɓato á kanga ɓojeɗe ɓáɓeekeɛ ú.

2 Ɓakɔlítɔ 12:9

Mpɔ, Mokonga â gǎkɛ omosikisia gea: «Ɓonjánja ékondi nɛmɔ k'óɓɛ áɓɛ phɔ́ úngaa! Ɓukpɛkpɛ nɛmɔ atɔtɔkɛani suɓi á ɓɔɔlɔ nɛkɔ.» Kaɓondɔ, eme Pɔ́lɔ, nekondi gǎkɛ, néebebɛ ka nyɔngɔ á ɓɔɔlɔ nɛmɔ ka gea te, ɓukpɛkpɛ ndea Kiísito ámogbukumiɛ.

Ɓaɛphɛ́sɔ 3:8

Nende gǎkɛ kusi á ɓaɓêki ɓɔbu. Nanga áɓá ɓó, eme aámbé Mokonga ɗámopi ɓonjánja-ékondi nde ka gea te, nɛ́ɛtɔmiɛgɛ ɓakpa nde ɓáná Ɓayúda, Mbino-Ánjá á ɛtɔi á kanga sungiaga ndea Kiísito.

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

2 Timɔtɛ́ɔ 2:1

Cɔ, oɓɛ miki nɛmɔ Timɔtɛ́ɔ, ɓá na ɓukpɛkpɛ ka ɓonjánja-ékondi nde Kiísito Yéso ɗásóphi.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 3:11

Ɔphɔtɔ oúba ɓî ɓakpa ɓámodaɗi na tambisaga ani ka Antiɔkía, Ikɔnía, na ka Lísta. Eya, ɗétambigi phɛɛ. Mɔkɔta â gǎkɛ ómoamisa kíndɔ bui.

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

Títɔ 1:3

Ka mbenɔ nde Mokonga Namisi nɛsu ɗábisi, ɗámoúbisi base mbino nde ɗámopi ka ɓeana na moangɔ nɛkɛ gea te, nɛ́tɔ̌miɛgɛ.

Ɓaɛbulanía 11:33

Ka nyɔngɔ á ɓeekea unge ɗáɓátɔki nji ndea ɓaamɛ. Ɗáɓáɔbɛɗanaga ka kɔkɔta nɛɓɔ na koɗoni na tɔá á kema nde Mokonga ɗáɔku. Ɓakpa ɓuangbo ɗáɓáɗaki aphenɔkɔ á ɓasimba.

1 Pɛ́tɛɛ 5:8

Kóɗani iso, ɓókoyengiɛmbɛ! Mɓiɓia nɛnu nketi aotimba ɓea simba n'aɔgɔuma ka kaɓa ani mmbé aongoa.

2 Pɛ́tɛɛ 2:9

Cɔ, Mɔkɔta aoúba amisa suɓi á tombaga, ɓakpa nde ɓáomɓánga. A phɔtɔ oúba bisa á ɓato á ɓojeɗe ka mpɛphɛ ka tambisaga aɓɔ k'ésa á tena nyɔngɔ.