2 Timɔtɛ́ɔ 4:10 - Ɔngana á Kɛ̌kɛ

¹⁰ nga, Dɛ́ma amosagi ka nyɔngɔ nde, akondi kema á ka mokonda ndee. Yɛ, age ka ntanga-nji á ka Tɛsalɔníka. Kɛɛ́skɛ age nɛkɛ ka ntanga-nji á ka Galatía na Títɔ áoga nɛkɛ ka ntanga-nji á ka Daamatía

2 Timɔtɛ́ɔ 4:10 Iomraidhean Croise

Matáyɔ 12:32

Nkpa nde aɔyɔnga ájeɗe ka phɔa á Muna-Nkpa, Mokonga aímande ɓojeɗe nɛkɛ. Nkpa nde a gǎkɛ ɔyɔnga ájeɗe ka phɔa á Měma á kanga ɓojeɗe, Mokonga káímɛku ɓojeɗe nɛkɛ, nanga áɓá ka mokonda nde, nanga ka mokonda índɔ aobika.

Matáyɔ 26:56

Nnde bui ajú gǎkɛ tɔ ka gea, nyɔngɔ nde ɓaɔtu-nyɔngɔ ndea Mokonga ɗáɓáɗundu suɓi á Ɓuku á Mokonga, átɔtɔkɛanɛ.» Mpɔ, ɓagoigi ɓɔbu ɓáonkamba, ɓáotea.

Lóka 14:33

Mpɔ Yéso â goto ɔyɔnga gea: «A phɔtɔ ɓó ka ɓenu. Aoɓá ka ɓenu na káɗeketi kema nɛkɛ bui, nkpa ndɔ nnaɔtɔka ɓá ngoigi nɛmɔ.

Lóka 16:13

Nna na mbɛɗanigi nde aɔtɔka n'aɛ́bɛɗaneigi ɓakɔta ɓaɓɛ. Ámbé ankangeande moci, áonkonda ɓaangbo. Ámbé aɗakateanande na moci, áɔmɓɛnjiaga ɓaangbo. Eya ɓókóɔtɔka na ɓɔmbɛɗaneigi Mokonga na bɛɗaneaga phɔtɔ ɛtɔi.

Lóka 17:32

Nkanisiani phɔ́ nka-Lɔ́ti!

Ekuma á ɓateki 13:13

Mbusa, Pɔ́lɔ na ɓadakɛ ɓáotóka na Páphɔ, ɓáokambea ka koko ángbó, ɓáojaba ka Pɛ́ɛga nnde á ka ntanga-nji á ka Pamphilía. Wa, Yoáni-Malíkɔ áokatana na ɓɔ, áoja na Yɛusalɛ́ma.

Ekuma á ɓateki 15:38

Pɔ́lɔ ɗáɔni gea kákeni bɛɗa akɛ ɓágɛ na yɛ nga, Málikɔ ɗáeɗeketi ka Pamphilía, kángá á tútuisa ekuma kimoci na ɓɔ.

Ekuma á ɓateki 16:6

Pɔ́lɔ na ɓadakɛ ɓáɔnyɛ́nya ka nji bui á Phuigía na Galatía nga, Měma á kanga ɓojeɗe ɗáéimisíí tɔ̌miaga á nyɔngɔ á Mokonga ka nji á ka Asía.

Ekuma á ɓateki 17:1

Pɔ́lɔ na Síla ɓáɔnyɛ́nya k'aphe á ntanga-nji Amphipɔ́li na Apɔlɔnía, ɓáojua ka Tɛsalɔníka, ɔma nde endu á madondanɔ ndea Ɓayúda ka nyɔngɔ á Mokonga ɗátú.

Ekuma á ɓateki 17:11

Bayúda á ka Bɛlɔ́ya, ɗáɓátú na měma ánjá kɔ̌nyɛ́nya Ɓayúda á ka Tɛsalɔníka. Ɗáɓáokonda phɛɛ ɔ́ka á nyɔngɔ á Mokonga. Esa bui, ɗáɓáokáɓa koɗoni suɓi á Ɓuku á Mokonga ka engekisa ɓɔphɛi ndea Pɔ́lɔ.

Ekuma á ɓateki 17:13

Cɔ, ɓî Ɓayúda á ka Tɛsalɔníka ɓáɔ́ki gǎkɛ gea, Pɔ́lɔ a phɔtɔ ɔphɛa nyɔngɔ á Mokonga ka Bɛlɔ́ya, ɓáɔ̌gɛndɛa kó ka yombokisa na ɗengisa á ɓakpa.

Ekuma á ɓateki 18:23

Mbusa á ika kó k'ésa ábɔa, áoga. Áɔtɔmba nji moci-moci á Galatía na Phuigía n'aógbagisaga ɓagoigi ɓɔbu ka měma.

2 Ɓakɔlítɔ 2:13

Měma ani ɗákátú gǎkɛ na ɓujɛjɛ nga, ɗékéndondi muna-amasu Títɔ. Kaɓondɔ unge ɗɛ́ɔku ɓato á ka Tɔ́a, néoga na Makɛdɔnía.

2 Ɓakɔlítɔ 7:6

Cɔ, Mokonga, mmbé a gǎkɛ ɔ̌kɔmbɛa ɓakpa iɓo á ngamɔ ɗásɔ́kɔ́mbɛi iɓo á ngamɔ ka kiɗia á Títɔ.

2 Ɓakɔlítɔ 8:16

Obebɔ ka Mokonga, mmbé amophi Títɔ moíngí ka enga anu ɓíndɔ ɓeogea.

2 Ɓakɔlítɔ 8:23

Títɔ ande phɔtɔ dani. Nɛɔbɛɗanaga kimoci na yɛ ka ɓenu. Ɓadasu íɓundɔ ɓáge na yɛ, kanisa unge aéteki, ɓáɔbɛɗanaga ka ɓoombia á Kiísito.

2 Ɓakɔlítɔ 8:6

Kaɓondɔ unge ɓɛmɔphani Títɔ ágɛ mɔtɛ-anu ka gea, átútuisɛ ekuma égabɔ ndɔ ɗákpangi na ka ɓî agande ɔgɔɓɛa ú.

Ɓagalatía 1:2

Cɔ, ne kimoci na ɓadasu ɓɔbu ɓunde ɓá wani ka ɗundua á ɓaoɓa nde ka kanisa ɗanga-ɗanga á ka nji á Galatía.

Ɓaphilípi 2:21

Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

1 Timɔtɛ́ɔ 6:17

Óngoɗea ɓatɔi á ka mokonda á kɛ̌kɛnde gea, ɓákěbebɛmbɛ, phɔtɔ ɓákáseɓeɛmbɛ ɛtɔi nde nna koiphia ka ujukana. Ɓánseɓeɛ ndiu Mokonga mmbé aosópha kema bubui ka gea te, ɓéɓɛ na maseye ka phɔa í.

2 Timɔtɛ́ɔ 1:15

Cɔ, a ɓíndɔ ooúba, ɓakpa ɓɔbu á ka Asía ɓámomakei ngɔngɔ. Sɔsɔɓɛ aɓɔ ande Phigɛ́lɔ na Ɛɛmɔgɛ́nɛ.

2 Timɔtɛ́ɔ 4:16

Mbenɔ nde ɗétúɔ̌yɔngɛa sasani k'ama mosá-mosá ka ntua á tena á nyɔngɔ, nna tanda na nkpa nde ɗámoengi. Ɓakpa ɓɔbu ɗáɓámoɗu ndiu. Cɔ, Mokonga k'ětangeɛmbɛ ɓojeɗe nɛɓɔ!

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Philɛmɔ́nɔ 1:24

Ɓadani ɓabɛɗanigi: Málikɔ, Aistákɔ, Dɛ́ma na Lóka, ɓánósambei phɔtɔ.

2 Pɛ́tɛɛ 2:15

Mbusa á ɗeketa aɓɔ aphe á ɗoni, ɗáɓáɓúngigi, ɓáoɓea aphe ndea Baláma muna Bɛɔ́li. Yɛ, ɗákondi tɔá á imɔna k'aphe ájeɗe,