2 Timɔtɛ́ɔ 3:8 - Ɔngana á Kɛ̌kɛ

⁸ Ɓakpa ndɔ ɓá ɓea Yánɛ na Yambúlɛ, ɓunde ɗáɓápúi kala na Mósa. Nga, ɓakpa ndɔ ɓáyé phɔtɔ nyɔngɔ á koɗoni bui, úbapha nɛɓɔ aújúkani, ɓeekea nɛɓɔ nna na kantíti.

2 Timɔtɛ́ɔ 3:8 Iomraidhean Croise

Ekuma á ɓateki 15:24

Ɓɛɔ́ki gea, ɓakpa ɓuangbo ka ɓesu ɓátóki koni kángá á moangɔ nɛsu. Ɓáonóagatisa na kɔɓisa á měma anu na nyɔngɔ nɛɓɔ.

Ɓalɔ́ma 1:28

Cɔ, ɓî ɗáɓáyé úbá á Mokonga, Mokonga áǒɗeketa ka úbapha aɓɔ ájeɗe. Ka gea, ɓágeɛ kema nde ɓákátókeni gea í.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 4:2

Ɓáedemisande na ɓato á maibe, na ɓato á mbɛa íɓunde měma aɓɔ aújúkani ɓea kema nde ɓátoɓu na ngɔa nde atóki suɓi á nsa.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

2 Timɔtɛ́ɔ 4:15

Oɓɛ phɔtɔ, óengambɛ na yɛ nga, ayé ɓɔphɛi nɛsu phɛɛ.

Títɔ 1:10

Cɔ, ɓakpa ɓásii, asa phɔ́ sɔsɔɓɛ á Ɓayúda íɓunde ɗáɓámɓeeki Yéso, ɓáoyá ɓɔphɛi á ɗoni na demaga á ɓakpa na yɔnga á jǎi-jǎi.

Títɔ 1:16

Ɓáɔyɔnga te, ɓáomúba Mokonga, na ekuma nɛɓɔ a gǎkɛ ophangia gea, ɓáongána Mokonga. Ɓɔ, ɓáogea kema nde ɓakpa ɓáokangea ú, ɓákáɔmɔ́ka nkpa, ɓákáɔtɔka na ɓátɔtɔkisi ekuma ánjá.

2 Pɛ́tɛɛ 2:14

Ɓána iso-iso phɛɛ, ɓáká tanda kɔɛla na gea á ɓojeɗe. Ɓáǒdema ɓakpa nde ɓákákákámani ka ɓeekea. Měma aɓɔ atúmi na mɔphɛ ájeɗe á tɔá kema bubui. Mokonga aɛsɛmɛigi.

1 Yoáni 2:18

Ɓaniki amɔ, mbenɔ á sungiaga ungee. Ɗɔ́ɓɔɔ́ki gea te, Mɓiɓia á Kiísito aobika. Ɓaɓiɓia akɛ ɓá ye sɛnɛki ye tɔ ɓásii na ɓeúbi gea, ɓe ye tɔ ka mbenɔ á sungiaga.

1 Yoáni 4:1

Ɓadani ékondi, ɓókǒɓeekeɛmbɛ ɓundɔ ɓáogea, ɓána Měma á Mokonga. Akeni ɓɔ́cɔcɛ ka ɗigimisa mmbe měma kau atóki mɔtɛ á Mokonga. Nga, ɓaɔtu-nyɔngɔ á mbɛa ɓáɓiki phɛɛ ka mokonda.

Mphaniɔ 2:20

Cɔ, ne gǎkɛ na oyeyɔ k'óɓɛ. Oomɓɛya nke ndɔ Yɛjɛbɛ́li gea ábɛɗanɛgɛ, mmbé aɔyɔnga sasakɛ gea, ande nke mɔtu-nyɔngɔ ndea Mokonga. A gǎkɛ ɔ̌phɛa ɓabɛɗanigi nɛmɔ na ɓungisaga aɓɔ k'aphe ótungɔ, na ea á nyama nde ɓáphúi ka phɛ́a á ɓamokonga á mbɛa.

Mphaniɔ 2:6

Kema nde a gǎkɛ ánjá k'óɓɛ a ɓe: Okangei ekuma ndea Ɓanikɔlái, ɓíndɔ eme nekangei phɔtɔ ú.