2 Timɔtɛ́ɔ 3:6 - Ɔngana á Kɛ̌kɛ

⁶ Ka ɓɔ, ɓáongia mɔtɛ á nkpa, ɓáɛɓɔngande ɓake nde ɓáká na měma ésimbia, ɓunde ɓátúmi na ɓojeɗe, kema á ka mokonda bui aǒɓotea.

2 Timɔtɛ́ɔ 3:6 Iomraidhean Croise

Matáyɔ 11:28

«Bikani mɔtɛ-amɔ ɓenu ɓɔbu íɓunde ɓootambaga na nkumba áɗokǒ, eme nenophande múmbiɔ.

Matáyɔ 23:13

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒɗakea ɓakpa aphe á ngia ka koɓoamɛ ndea na koba na ɓenu ɓókóongia sasanu kau. Ɓókóokonda gea ɓunde ɓána mɔphɛ á ngia ɓángiɛ. [

Matáyɔ 23:14

Ngomi anu ɓaɗundu-ɛɔphi na Ɓaphaisáyɔ. Ɓona maibe! Ɓǒúta ɓake á kekusa nkumba nɛɓɔ bui, goto ɓɔɔmɛma éndǎ ka gea ɓakpa ɓánɔɔnɛ. Kaɓondɔ unge ɓátenande nyɔngɔ nɛnu akpɛ phɛɛ!]

Matáyɔ 4:24

Ɓoombia akɛ áɔɔ́kɛkana ka nji á Sulía bui. Ɓáombikia Yéso na ɓato á esambɔ ɗanga-ɗanga, na ɓunde ɓáotambanga na kukuwa ɗanga-ɗanga: kukuwa á ɓansombo, kukuwa á egǎ, na ɓaɗɔti. Yéso áǒamisa ɓɔbu.

Málikɔ 4:19

Nyɔngɔ ndɔ kaɓɛ na ɔma suɓi aɓɔ, ka nyɔngɔ á ianaga á kema á ka mokonda. Ɓá gǎkɛ ǒdemisaga n'ɛtɔi na konda kema ɗanga-ɗanga. Nndɔ bui áophiphisa Nyɔngɔ á Mokonga suɓi aɓɔ. Kagɔmbɛ ye.

1 Ɓakɔlítɔ 12:2

Ɓooúba gea, mbenɔ nde ɗóɓókómúbimbɛ Mokonga, nyɔngɔ á ɓamokonga á mbɛa ɓunde ɓánáɔyɔnga, ɗátúonóɓotea na ɓúngisaga anu.

1 Timɔtɛ́ɔ 5:6

Nke á kekusa ímbe a gǎkɛ oenda ka tambea ájeɗe, nanga a phɔ́tɔ koenda, a yé ku.

1 Timɔtɛ́ɔ 6:9

Ɓunde ɓá gǎkɛ okáɓa ɛtɔi, ɓáogua katombaga na tá ka mɛ̌kɔ, ɓáokáɓa mɔphɛ ájeɗe ásii ka kobóbó na ngisa aɓɔ k'otúkɔtúkɔ na ɓúngaga.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Títɔ 3:3

Nga mosá, ɓesu phɔtɔ ɗéɓékétú oúba kema, ɗéɓékétú ɔmɔ́ka Mokonga, ɗéɓéoɓúngaga, ɗéɓétú ɓakɔɓɛ á mɔphɛ ájeɗe na kema ɗanga-ɗanga. Tambea asu ɗátú ájeɗe, ɓéoɓá ɓato á nsengo. Ɗáɓásókangei, ɓéokangeana phɔtɔ ngǔngu asu.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 3:17

Cɔ, ɓenu ɓadani ékondi, nɛnɔ́nyɔtɛi ye gǎkɛ nyɔngɔ ndɔɔ. Kaɓondɔ, ɛ́ngɛphani, ɓókǒdemisɛmbɛ ye ka nyɔngɔ á odemayɔ ndea ɓagoisigi á mbɛa. K'aphe ndɔ unge ɓǒdoɗeande ka měma.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Yúda 1:18

Ɗáɓánóngoɗi ɓe: «Ka mbenɔ á sungiaga, ɓakpa ɓánɔtɛbɛagande. Ɓáɓeande tambea ndɛaɓɔ ájeɗe.»

Yúda 1:4

Nenóɗundui ɓo nga, ɓakpa ɓájɛɗe ɓángí ka nkíndí anu ka ɓɔsɔmɛa. Ɓáoketia ka ɓojeɗe ɓonjánja-ékondi ndea Mokonga, ka gea ɓágbukumiɛ nyɔngɔ á iɛɓɛ nɛɓɔ. Ɓɔ, ɓáon'yá ngoisigi ndeasu mmbé a tɔ moci n'ande Mɔkɔta ndeasu Yéso Kiísito. Cɔ, Ɓuku á Mokonga ɗáyɔngi nyɔngɔ á tena nyɔngɔ ndeabɔ kala.