2 Timɔtɛ́ɔ 3:2 - Ɔngana á Kɛ̌kɛ

² Nga, ɓakpa ɓáɓánde ɓakukuma, ɓákondi imɔna, ɓato ébeba, ɓato éɗokomisa, ɓato á bóma á Mokonga, ɓunde ɓánáɔ̌ɓɔ́ka ɓaɓɔkɔti aɓɔ, ɓato á kanga obebɔ, ɓunde ɓáɔjɔɔkisa kema ndea Mokonga,

2 Timɔtɛ́ɔ 3:2 Iomraidhean Croise

Matáyɔ 15:6

Nkpa ndɔ nnaonɗokomisa abakɛ n'amakɛ. Kaɓondɔ, ɓɔɔɓɛnjiaga nyɔngɔ ndea Mokonga ka ɓeá asii nɛnu.

Lóka 12:15

Mpɔ, áǒngoɗea ɓɔbu ɓe: «Ɛ́ngɛphani na nyɔngɔ á ekondi á ɛtɔi nga, enda á nkpa nna ka nyɔngɔ á nkumba nɛkɛ nanga áɓá ntɔi phɛɛ.»

Lóka 16:14

Wandɔ, Ɓaphaisáyɔ ɓáɔntɛbɛaga Yéso ka nyɔngɔ ndɔ bui nga, ɗáɓáokondaga imɔna.

Lóka 6:35

Nna ɓó. Ókondani ndiu ɓaɓíɓia anu. Ógeeani ánjá. Ɔɛkisani kángá á seɓea á jisia anu. Mpɔ, ophendɔ nɛnu áoɓá ángbó. Ɓóoɓá ɓana-Mokonga Mmbé ana kɔkɔta bui. Nga yɛ, aanjánjá ka ɓundɔ ɓáná n'obebɔ na ɓunde ɓá ájeɗe.

Ekuma á ɓateki 5:36

Nga, kányɛ́nyimbɛ esa ásii, mogáa moci ɗásɛnɛki ina akɛ Tɛúda. Yɛ, ɗáǒɗokomisa gea, ande nkpa angbóngbó, ɓakpa ɓea mia gena (400) ɓáomɓea. Ɓakpa ɓuangbo ɓâ gǎkɛ omowa na ɓundɔ ɗáɓámɓǐ, ɓáophanjekana ɓɔbu. Nyɔngɔ ndɔ áoɓá ecici.

Ɓalɔ́ma 11:18

Kaɓondɔ unge, kɔ́ɔtɔka n'ɔɓɛnjigi ɓantabi nde ɓátenigi. Ǒbebande k'éke? Nna oɓɛ aámbé okumbi mǐgi. Mǐgi ndiu unge aokumbi.

2 Ɓakɔlítɔ 5:15

Nga, Kiísito ɗáku ka ɓesu ɓɔbu gea te, ɓakpa nde ɓá phɔtɔ koenda, ɓákáendɛ mɔnɔ ye ka ɓɔ sasaɓɔ, ɓáendɛ ndiu ka Kiísito mmbé ɗáku na jujúka ka nyɔngɔ aɓɔ.

Ɓaphilípi 2:21

Ɓakpa ɓunɛngbo ɓɔbu ɓá tɔ okaɓa nyɔngɔ nɛɓɔ sasaɓɔ, ɓáná gǎkɛ okaɓa nyɔngɔ ndea Yéso Kiísito.

Ɓakɔlɔsái 3:5

Kaɓondɔ, kusani mɔphɛ ájeɗe á ka mokonda ka měma anu ɓea: iɛɓɛ, ɓɔjɔɔkiɔ, phɛngɛmana ka kema, mɔphɛ á kema ájeɗe-jeɗe, kuma, nnde ande etéte á beba á ɓamokonga á mbɛa.

2 Ɓatɛsalɔníka 2:4

Yɛ sasakɛ aoyá kema bui nde ɓakpa ɓáobeba na ɗokomisa í ɓea ɓamokonga á mbɛa. Áɔtɔngana suɓi éndu ndea Mokonga, áǒgea sasakɛ ande Mokonga.

1 Timɔtɛ́ɔ 1:20

Imɛnɛ́ɔ na Alɛkisándɛɛ ɓá sɔsɔɓɛ aɓɔ. Kaɓondɔ, ɗébisi ɓakpa ndɔ ka njaga á Sɛtáni ka gea, ɓákámbómɛmbɛ ye Mokonga.

1 Timɔtɛ́ɔ 1:9

Ɓê phɔtɔ oúba gea, ɛɔphi ndɔ nna ka ɓato á ɗoni, a ndiu tɔ ka ɓakpa nde ɓáogea ɓojeɗe, ɓunde ɓáoɓúna ɛɔphi, ɓunde ɓákáomɓánga Mokonga, ɓato á ɓojeɗe na ɓunde ɓáɔjɔɔkisa kema ánjá nɛkɛ. Ɛɔphi ndɔ a phɔtɔ ka ɓunde ɓáǒma ɓ'abaɓɔ, ɓ'amaɓɔ na ɓato á kaiso,

1 Timɔtɛ́ɔ 3:3

Kaɓɛmbɛ nto á ɛbɛɗi á makana na nkae. Áɓɛ ndiu nto-aphɔngɔ na ɓujɛjɛ. Kaɓɛmbɛ nkondi imɔna phɛɛ.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

1 Timɔtɛ́ɔ 6:4

mmbɔ an'ěbeba phɛɛ na nna gǎkɛ koúba kema. Ande nkpa nde ana tambea ájeɗe aopúa na ɓakpa na sani ka phɔa á yɔnga. Nndɔ aobikisa ngíni, sani, mbóma na maca,

2 Timɔtɛ́ɔ 3:4

ɓatɔngi-ɓakpa, ɓato á mɔ̌ akpɛ, ɓato étondoa, ɓato á konda nnde ɛ̌ɓɔngɛi kángá á konda gǎkɛ Mokonga.

Yakɔ́ɓɔ 2:8

Cɔ, a gǎkɛ oɓá na ɓɔtɔtɔkisi ɛɔphi á ka koɓoamɛ ndea Mokonga, ámbé ɓogi ánjá. Nga ɓáɗundu suɓi á Ɓuku gea: «Nkonda dakɔ ɓíndɔ ǒkondi sasakɔ.»

Yakɔ́ɓɔ 4:16

Cɔ, ɓenu gǎkɛ ɓona ɓemboko n'ěbeba. Nndɔ bui aájeɗe.

Yakɔ́ɓɔ 4:6

Yɛ gǎkɛ, asophi ɓonjánja-ékondi nɛkɛ ángbó phɛɛ, ɓíndɔ Ɓuku á Mokonga ayɔngi phɔtɔ gea: «Mokonga nnaɔɔ́kana na ɓato á ɓemboko, a ndiu ǒɓopha ɓato á édidisa, ɓonjánja-ékondi nɛkɛ.»

1 Pɛ́tɛɛ 5:5

A phɔtɔ ɓó ka ɓenu ɓaganda na ɓaseka, ɔ́ɓɔ́kani ɓagbɛga á kanisa. Ɓenu ɓɔbu ka tambea anu, ódidisani nkpa moci ka dakɛ nga, Ɓuku á Mokonga ayɔngi gea: «Mokonga nnaogamana na ɓato á ɓemboko, a ndiu ǒɓopha ɓato á édidisa ɓonjánja-ékondi nɛkɛ.»

2 Pɛ́tɛɛ 2:10

Eya, aetambisagande phɛɛ ɓunde ɓáoyá kɔkɔta ndea Mokonga na ɓá ndiu oɓea mɔphɛ á ɓɔjɔɔkiɔ á kokpa. Cɔ, ɓagoisigi á mbɛa ndɔ ɓánde ɓato á kankiki phɛɛ na ɓemboko, ɓánáoɓánga bóma á ɓato á ɓoombia á na koba.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.

2 Pɛ́tɛɛ 2:3

Ka nyɔngɔ á mɔphɛ ájeɗe á tɔá á imɔna, ɓagoisigi á mbɛa ndɔ ɓátɔande ka imɔna á ka njaga anu ka demaga anu. Ka ɓɔ, ɗáɓáteni ye gǎkɛ nyɔngɔ nɛɓɔ kala, n'otúkɔtukɔ nɛɓɔ káiphiɛku.

Yúda 1:16

Ɓakpa ndɔ ɓáná na maseye. Ɓáophangia esúia nɛɓɔ ka ngɔngɔnaga. Ɓáotówa ntaɓo esa bui ka nyɔngɔ nde ědondaeka ka sungiaga á enda aɓɔ. Ɓá tɔ oɓea tambea aɓɔ ájeɗe, nyɔngɔ á k'aphenɔkɔ aɓɔ a tɔ á ébeba na ɓɔ́ngá á ɓakpa ka gea ɓátɔɛ ka kema.

Mphaniɔ 13:1

Mpɔ, Nɛɔmɔna Nyama n'ajúani k'óɓenge. Ɗátú na ndeka nkama (10) na mɔ̌ ngianjaga iɓɛ (7). Kekombó ɗáɛmbi tɔ ndeka akɛ bui. Gǔ á mɔ̌ ndɔ bui, ɓáoɗunduaga ina á bóma á Mokonga.

Mphaniɔ 16:11

Ɓáombóma Mokonga mmbé á na koba ka nyɔngɔ á tambaga nɛɓɔ na ka nyɔgɔ á embóɗo, ɓɔ ɓákákětiɛ gǎkɛ tambea nɛɓɔ.

Mphaniɔ 16:21

Matanda á ɗoko-ɗoko ka toka na koba, áǒguia ɓakpa. Ɓɔ, ɓáɔmphɔ́ta Mokonga, ka nyɔngɔ á tambaga na matanda ndɔ. Nga, tambaga ndɔ ɗátú akpɛ phɛɛ.

Mphaniɔ 16:9

Ɓɛta á maní akpɛ áǒsiɗisa ɓakpa, ɓáombóma Mokonga mmbé ana ɓukpɛkpɛ gǔ á tambaga. Ɓákákondɛ gǎkɛ kětia á tambea aɓɔ na ɗokomisa á Mokonga.