2 Timɔtɛ́ɔ 3:16 - Ɔngana á Kɛ̌kɛ

¹⁶ Nyɔngɔ bui nnde ɓáɗundu suɓi á Ɓuku ndea Mokonga, ɓáɗundu ú na ɓukpɛkpɛ á Mokonga, n'akeni ka phangiaga, sɛka á ɓɔphɛi á mbɛa, ka kea, na úbisa á aphe á ɗoni,

2 Timɔtɛ́ɔ 3:16 Iomraidhean Croise

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Matáyɔ 21:42

Mpɔ Yéso áǒgea te: «Ɓókótangimbɛ mɔnɔ suɓi á Ɓuku á Mokonga? ‹Ɛtɛ nde ɓaphɛki ɗáɓámaki, aunge a ye tɔ na kantíti. Nndɔ atóki mɔtɛ á Mɔkɔta, n'ande ketangaɔ ka ɓesu!›

Matáyɔ 22:43

Yéso áǒgea te: «Ka nyɔngɔ éke nde Měma á kanga ɓojeɗe amphangi Daúdi gea ámɔphanɛ Kiísito, ‹Mɔkɔta› nɛkɛ? Daúdi áogea:

Matáyɔ 26:54

Ɗétúogea ɓó ámbé nyɔngɔ á Ɓuku á Mokonga ɗátɔ́tɔtɔkɛanaeka gǎkɛ ɓó. Nga, agi ambe áɓɛ ɓó!»

Matáyɔ 26:56

Nnde bui ajú gǎkɛ tɔ ka gea, nyɔngɔ nde ɓaɔtu-nyɔngɔ ndea Mokonga ɗáɓáɗundu suɓi á Ɓuku á Mokonga, átɔtɔkɛanɛ.» Mpɔ, ɓagoigi ɓɔbu ɓáonkamba, ɓáotea.

Málikɔ 12:24

Yéso áǒsikisia te: «Ɓoódemaga sasanu nga, ɓókóoúba nyɔngɔ nde ɓáɗundu suɓi á Ɓuku á Mokonga, ɓókó phɔtɔ oúba ɓukpɛkɛ nɛkɛ.

Málikɔ 12:36

Nga, Daúdi sasakɛ, Měma á kanga ɓojeɗe ɗánteki áyɔngɛ ɓe: Mɔkɔta Mokonga ɗángi Mɔkɔta nɛmɔ te, Ika ka njaga ani á mǔku, na ka ɓî něbisande ɓaɓiɓia akɔ kusi á ecinji akɔ.

Yoáni 10:35

Cɔ, nna na nkpa nde aɔtɔka n'aɓúni nyɔngɔ nde a suɓi á Ɓuku á Mokonga. Ande gea, Mokonga ɗáɛɓɔphani ɓamokonga á mbɛa ɓundɔ ɗáɓěngoɗi nyɔngɔ á Mokonga.

Yoáni 3:20

Cɔ, nkpa buakɛ mmbé aogea ájeɗe, akangei owanga, nna phɔtɔ okonda gǎ kuɓî owanga aɔ, ka gea, tambea akɛ ájeɗe áúbikanɛ base.

Ekuma á ɓateki 1:16

«Ɓaya, atókeni nyɔngɔ nde Měma á kanga ɓojeɗe ɗáyɔngi suɓi á Ɓuku á Mokonga átɔtɔkɛanɛ. Měma ndɔ ɗáyɔngi phɔ́ mosá suɓi á moamɛ Daúdi ka phɔa Yúda. Yúda ɗátú nsɔndɔi ndea ɓakpa ndɔ ɗáɓándungi Yéso.

Ekuma á ɓateki 18:25

Yɛ, ɗáɓángoisigi aphe á Mɔkɔta. Měma akɛ áǒtoɓoa, áɔtɔmiaga na goisaga ɗoni phɛɛ nyɔngɔ ndea Yéso. Â tɔndɔ oúba nyɔngɔ á oɓatisɔ ndea Yoáni.

Ekuma á ɓateki 20:20

Ɓooúba gea, kɛ́nɔsɔmɛi tanda nyɔngɔ moci, nnde anókeni. Ɗɛ́nɔphɛí na goisaga ka ntanga, phɔtɔ suɓi éndu nɛnu.

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ekuma á ɓateki 28:25

Ɓî ɗáɓáotóka wa kángá á ɔ́kana sɔsɔɓɛ aɓɔ, Pɔ́lɔ â tɔ ɔyɔnga ka ɔkɔa aɓɔ te: «Měma á kanga ɓojeɗe ɗági tɔ ánjá ka tɔ̌mia ɓatatanu k'aphe ndea Isáya mɔtu-nyɔngɔ ndea Mokonga.

Ɓalɔ́ma 15:4

Nyɔngɔ bui nde ɗáɓáɗundu kala suɓi á ɓuku ndea Mokonga, ɗáɓáɗundu ú ka phɛá asu ně, ka opha asu nténdé na měma á phiphia ka gea, ɓéɓɛ na nseɓeɔ ɓíndɔ ɓáosogoisaga suɓi á Ɓuku á Mokonga.

Ɓalɔ́ma 2:20

Onde phɔtɔ ngoisigi á ɓabóbó na ngoisigi á ɓaniki nga, ooúba ɗoni gea, ɛɔphi aokophangia aphe á úbapha phɛɛ na koɗoni.

Ɓalɔ́ma 3:2

Anyɛ́nyi ka kema ásii ɗanga-ɗanga. Ka nyɔngɔ nde Ɓayúda ɓáunge Mokonga ɗéɓophi phɔ́ nyɔngɔ nɛkɛ.

Ɓalɔ́ma 4:23

Cɔ, nna tɔ ka phɔa Abalaámu sasakɛ aunge ɓáɗundu suɓi á Ɓuku á Mokonga gea: «Mokonga ɗántangi nto á koɗoni.»

1 Ɓakɔlítɔ 12:7

Cɔ, Ɓukpɛkpɛ á Měma á kanga ɓojeɗe aɔnɛkani ka nkpa na nkpa, ka ɓonjánja á ɓakpa ɓɔbu.

Ɓagalatía 3:8

Ɓuku á Mokonga ɗáangi mosá gea, Mokonga aebisande ɓunde ɓáná Ɓayúda ka ɓá ɓato á koɗoni ka nyɔngɔ á ɓeekea nɛɓɔ. Kaɓondɔ unge, Ɓuku á Mokonga ɗátɔ̌migi ka Abalaámu Mbino Ánjá ndee: «Mokonga abisande njaga k'ékuna bubui ka nyɔngɔ akɔ.»

2 Timɔtɛ́ɔ 2:25

Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Ɓaɛbulanía 11:1

Ɓeekea á Mokonga ande ɗigimisa kema nde ɓe ye tɔ na ɓeseɓei. Ande phɔtɔ úba á ɗoni gea, kema nde ɓékéɔɔna atɔtɔkɛanande.

Ɓaɛbulanía 3:7

Ka nyɔngɔ nde a tɔ ɓíndɔ Měma á kanga ɓojeɗe ayɔngi: «Kesande kaɓɛ na ɓɔɔ́ki ɛsɔ á Mokonga,

Ɓaɛbulanía 4:12

Úbani gea, nyɔngɔ á Mokonga ana ɓukpɛkpɛ, a phɔtɔ ɔtɔka tɔtɔkisa kema ásii. Aophea phɛɛ ɓea ngɔa nde aophea nci gbɔgbɔ. Aongia na tɔngana suɓi á měma asu phɛɛ, áoga ojúa ka ɔngɔkanaga na mɛngɛ, áobisa ú base. Aotena nyɔngɔ á mɔphɛ na kanisia ndea ka měma á nkpa.