2 Timɔtɛ́ɔ 3:15 - Ɔngana á Kɛ̌kɛ

¹⁵ Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

2 Timɔtɛ́ɔ 3:15 Iomraidhean Croise

Matáyɔ 22:29

Yéso áǒsikisia te: «Ɓǒdema sisanu nga, ɓókóoúba kaɓɛ Ɓuku á Mokonga kaɓɛ ɓukpɛkpɛ nɛkɛ.

Lóka 1:15

Nga, aɓande nto á ɓoombia k'íso á Mɔkɔta. Kánoɛeka tanda divai na etéte á makana bui. Atúmande na Měma á kanga ɓojeɗe n'a phɔ́tɔ suɓi á sɔphɔ á amakɛ.

Lóka 2:40

Cɔ, miki ndɔ áɔmɔta, áokakamana ka měma, áotúma na kɔɓɔɔngɛ. Ɓonjánja-ékondi ndea Mokonga áoɓá ka yɛ.

Lóka 24:27

Mpɔ Yéso áɔ̌tɔmiaga base nyɔngɔ nde ɗáɓáyɔngi ka phɔakɛ suɓi á Ɓuku á Mokonga buakɛ, kpanga k'índe á Mósa na tútuisa ka ɓuku bui á ɓaɔtu-nyɔngɔ ndea Mokonga.

Lóka 24:32

Mpɔ ɓáɔyɔngaga sɔsɔɓɛ aɓɔ gea: «Mpɔ měma asu áɓɛmaǒtoɓoaga ɓî atúɔsɔtɔmiaga k'aphe, kantíti á nyɔngɔ nde ɓáɗundu suɓi á Ɓuku á Mokonga!»

Lóka 24:45

Wa, Yéso áoúkua úbapha aɓɔ na engekisa kantíti á nyɔngɔ nde ɓáɗundu suɓi á Ɓuku,

Yoáni 5:47

Aoɓá na ɓókóɓeeki nyɔngɔ nde yɛ ɗáɗundu, ɓoɓeekeande gǎkɛ nyɔngɔ ínɛmɔ ɓo?»

Ekuma á ɓateki 10:43

Ɓaɔtu-nyɔngɔ ndea Mokonga ɓɔbu ɗáɓán'yɔngɛi gea, nkpa buakɛ, mmbé aomɓeekea, Mokonga áímande ɓojeɗe nɛkɛ ka ɓukpɛkpɛ á ina á Yéso.»

Ekuma á ɓateki 13:29

Ɓî ɓátɔtɔkisi ye kema bubui nde ɓaɔtu-nyɔngɔ ndea Mokonga ɗáɓáɗundu ka phɔa akɛ, ɓáokisa mǒnda akɛ gǔ á moyangɔ, ɓáoúmba ú.

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

Ekuma á ɓateki 17:2

Ɓî Pɔ́lɔ ɗáɛmbani na ngiaga kau, áongia k'éndu ndɔɔ. Kó, áoaba na Ɓayúda ka saɓáto isaɔ ka phɔa nyɔngɔ nde a suɓi á Ɓuku á Mokonga.

Ekuma á ɓateki 26:24

Mbenɔ nde Pɔ́lɔ ɗáɔ̌yɔngea ɓó, Phɛ́sitɔ áonkogea te: «Pɔ́lɔ ca! Ona ganja ee? Goaga akɔ ásii aunge aoyaísi?»

Ɓalɔ́ma 1:2

Mbino-Ánjá ndɔ, Mokonga ɗáɔku ú kala suɓi á Ɓuku ndea ɓaɔtu-nyɔngɔ nɛkɛ.

Ɓalɔ́ma 16:26

Kɛ̌kɛnde gǎkɛ, ɓákiɗianisi nyɔngɔ á ɓɔsɔmɛa bui base, ka ɓeana na moangɔ ndea Mokonga Mɛyɔ, ɓíndɔ ɓáɗundu suɓi á ɓuku á ɓaɔtu-nyɔngɔ ndea Mokonga, áǒteka gea, ɓátɔ̌miɛgɛ ú ka ɓato ékuna bui, ka gea ɓáɓeekeɛ ú, na ɓámɔ́kɛ.

Ɓalɔ́ma 2:27

Nkpa nde kágú ganja á ka nyama, n'aoamba ɛɔphi ndea Mósa, atenande nyɔngɔ nɛkɔ akpɛ oɓɛ ímɓɔ ootingiaga ɛɔphi n'ona Ɓuku á Mokonga n'onde ngu-ganja.

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

Ɓaɛphɛ́sɔ 6:4

Ɓenu ɓaɓɔkɔti, ɓókǒɓɛisɛmbɛ ɓaniki nɛnu. Ɔ́mɔtisani na goisaga aɓɔ ɓɔphɛi nde Mɔkɔta abisi.

1 Timɔtɛ́ɔ 4:13

Suia tanga á Ɓuku á Mokonga mosá á ɓakpa, gbagisaga aɓɔ ka měma na goisaga aɓɔ, na ka ɓî ne kiɗiande.

2 Timɔtɛ́ɔ 1:1

Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Pɛ́tɛɛ 3:16

Ɗáɗundu tɔ ɓó suɓi á ɓaoɓa nɛkɛ bubui ɔma nde ɗáyɔngi nyɔngɔ ndɔɔ. Suɓi á ɓaoɓa ndɔ, a gǎkɛ na ɔma ákpɛkpɛ ka engekisa í. Kaɓondɔ, ɓabóbó na ɓunde měma aɓɔ kámɔti, ɓáoketia kantíti á nyɔngɔ ndɔ, ɓíndɔ ɓáogea k'ɔ́ma nɛngbo suɓi á Ɓuku á Mokonga. Ka gea aɓɔ ɓó, ɓáǒtúkatúka sasaɓɔ.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»