2 Timɔtɛ́ɔ 2:9 - Ɔngana á Kɛ̌kɛ

⁹ Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 2:9 Iomraidhean Croise

Lóka 23:32

Mpɔ ɓâ phɔtɔ kǒga na ɓuangbo ɓato ájeɗe ɓaɓɛ ka mowa á ɓɔ kimoci na Yéso.

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 28:31

n'aɔ́phɛa nyɔngɔ á koɓoamɛ ndea Mokonga, na goisaga á nyɔngɔ ndea Mɔkɔta Yéso Kiísito. Â phɔtɔ ɔɔ̌phɛa kángá kɔɓɔɓɔkɔ na kángá á kema nde áonimisia.

Ekuma á ɓateki 9:16

Eme gǎkɛ, nemphangiande tambisaga bui nde ɓángeande ně ka nyɔngɔ ani.»

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaphilípi 1:17

Ɓakpa ɓunɛngbo gǎkɛ, ɓáɔtɔmiaga nyɔngɔ á Kiísito na měma éteɓa, kángá á tɔ̌miaga í na měma ánjá. Ɓɔ, ɓáokansia te, ɓáyameande goto tambaga nɛmɔ ka mekakɔ.

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓakɔlɔsái 4:18

Eme Pɔ́lɔ aámbé neɗundu na njaga ani nsesɔ nde ka ɓenu: Ɓókoɓoseɛmbɛ gea, ne ka mekakɔ. Cɔ, ɓonjánja-ékondi ndea Mokonga áɓɛ na ɓenu.

Ɓakɔlɔsái 4:3

Mɛmani phɔtɔ ka phɔasu ka gea, Mokonga ákoɗɛ kasu aphe á phɛá nyɔngɔ á Mokonga na tɔ̌miaga á nyɔngɔ á ɓɔsɔmɛa ndea Kiísito nnde ne ka mekakɔ ka nyɔngɔ í.

1 Ɓatɛsalɔníka 1:8

Nga, ka nyɔngɔ anu, nyɔngɔ á Mɔkɔta ɗáɛmbi ka mokonda bui, nna tɔndɔ ka Makɛdɔnía na ka Akáya. Nga, ɓeekea nɛnu ka Mokonga aunge andandisi nyɔngɔ nɛkɛ. Kaɓondɔ unge, ɓéké ye na nyɔngɔ angbo á ngoɗea á ɓakpa.

2 Ɓatɛsalɔníka 3:1

Cɔ, ɓaya, ka sungiaga, mɛmani Mokonga ka phɔasu ka gea, nyɔngɔ ndea Mɔkɔta ákamisɛgɛ ndandá, na ɓáɗokomisɛ phɔtɔ ú ɓíndɔ ɓooɗokomisa mɔtɛ-anu.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:3

Tambaga ɓea nto-émani anjánjá ndea Kiísito Yéso ɓíndɔ ne kau.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

1 Pɛ́tɛɛ 2:12

Tambeani ánjá ka ɔlɔ á ɓakpa nde ɓánáomúba Mokonga. Kaɓondɔ, nanga ɓáyɔnga mbɛa ka phɔa anu gea, ɓoogea ájeɗe, ɓáɔnande ekuma nɛnu ánjá, ɓánɗokomisande Mokonga k'ésa nde abikande.

1 Pɛ́tɛɛ 2:14

kaɓɛ ɓakɔta á ntanga-nji, ɓunde aéteki ka tambisaga á ɓakpa nde ɓáogea ájeɗe na sega á ɓunde ɓáogea ánjá.

1 Pɛ́tɛɛ 3:16

Geani tɔ ɓó na měma aphɔngɔ na ɓánga. Ɓáni na měma ánjá. Nanga ɓakpa ɓánɔtɔnga ka mbɛa na bóma anu ka nyɔngɔ á tambea anu ánjá ɓî ɓonde ɓakiísito, ɓákuwande na soni.

1 Pɛ́tɛɛ 4:15

Ka ɓenu moci katambɛgɛmbɛ ɓea nto á kaiso, ɓea nkukuɓa, ɓea nkpa nde agi ájeɗe na ɓea nkpa n'ěngisi ka nyɔngɔ á nkpa ɓaangbo.