2 Timɔtɛ́ɔ 2:8 - Ɔngana á Kɛ̌kɛ

⁸ Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

2 Timɔtɛ́ɔ 2:8 Iomraidhean Croise

Matáyɔ 1:1

Cɔ, ɔnani ina á ɓatatakɛ na Yéso-Kiísito, mosuko á Daúdi, mosuko á Abalaámu.

Lóka 24:46

na ngoɗea aɓɔ te: «A tɔ ɓíndɔ ɗáɓáɗundu gea: Masíya atambagande na jujúka ka kukuwa k'ésa á ko isaɔ.

Ekuma á ɓateki 13:23

Cɔ, k'ɛɓɔkɔti ndea Daúdi, Mokonga aeɓophi Ɓaisilaɛ́li Namisi ɓíndɔ ɗámɔku, ina akɛ Yéso.

Ekuma á ɓateki 2:24

Mokonga â gǎkɛ onjujukisa ka kukuwa, áonkoɗaga ka kokae á kukuwa. Nga, kukuwa ɗákátú na ɓukpɛkpɛ á tɔka akɛ.

Ekuma á ɓateki 2:30

Yɛ, ɗátú gǎkɛ mɔtu-nyɔngɔ ndea Mokonga, ɗáúbi gea, Mokonga ɗámɔku, ka nɔɛa akɛ esomba gea, ka ɓato á k'ékombo nɛkɛ moci, aɓande moamɛ ka mpɛnɛ akɛ.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 2:16

Ɓondɔ unge aɓande esa nde Mokonga atenande akpɛ nyɔngɔ á ɓɔsɔmɛa ndea ɓakpa k'aphe ndea Yéso Kiísito. A tɔ ɓíndɔ Mbino-Ánjá nde nɛɔtɔmiaga ayɔngi.

1 Ɓakɔlítɔ 15:1

Ɓaya, nekondi goto nénókanisiɛ Mbino-Ánjá nde ɗénɔtɔ̌migi. Ɗóɓoɓeeki ú, na ka kɛ̌kɛnde, ɓo phɔ́tɔ oamba ú.

1 Ɓakɔlítɔ 15:4

Ɗáɓámúmbi, esa á ko isaɔ, áojujuka ka kukuwa ɓíndɔ ɗáɓáɔtu suɓi á Ɓuku á Mokonga.

2 Ɓatɛsalɔníka 2:14

Mokonga ɗánɔɔphani ka ɓoamia ndɔ k'aphe á Mbino-Ánjá nde ɗéɓenɔ́phɛí, ka gea, ɓóɓɛ na ɓoombia ndea Mɔkɔta nɛsu Yéso Kiísito.

1 Timɔtɛ́ɔ 1:11

Ɓɔphɛi ndɔ a suɓi á Mbino-Ánjá nnde ɗámopi nɛ́tɔ̌miɛgɛ ú, n'atóki ka Mokonga, mɛna-ɓoombia na ɓonjánja.

1 Timɔtɛ́ɔ 2:7

Ka nyɔngɔ índɔ unge Mokonga ɗámobisi ntɔmigi-mbino na nteki, ka goisaga ɓunde ɓáná Ɓayúda nyɔngɔ á ɓeekea na ɗoni. Kɛ́ɔyɔnga mbɛa, ne tɔ ɔyɔnga ɗoni.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 2:7

Ianaga phɔ́ nyɔngɔ nde nɛɔyɔnga nga, Mɔkɔta akophande ɓukpɛkpɛ á engekisa í bui.

Mphaniɔ 5:5

Mpɔ, ka ɓagbɛga ndɔ, moci â gǎkɛ omongoɗea: «Kógámɛmbɛ. Ɔna: simba ndea k'ekuna ndea Yúda, nto á k'ɛɓɔkɔti ndea Moamɛ Daúdi, akíndi. Yɛ, akeni na úkuwa á ngoi á mutúti ngianjaga iɓɛ (7) ndɔɔ, na úkuwa á ɓuku.»