2 Timɔtɛ́ɔ 2:25 - Ɔngana á Kɛ̌kɛ

²⁵ Mmbé aɔ̌phɛa ɓakpa nde ɓáopúa na yɛ na měma aphɔngɔ. Kǎi Mokonga aeɓophande měma á kětia á tambea aɓɔ ájeɗe, ɓáoúba koɗoni,

2 Timɔtɛ́ɔ 2:25 Iomraidhean Croise

Matáyɔ 11:29

Kumbani nkumba áɗoko nɛmɔ na ɓógoɛgɛ ɓɔphɛi nɛmɔ nga, eme neaphɔngɔ na měma édidisa. Kaɓondɔ, ɓenu sasanu ɓoúmbiande.

Matáyɔ 21:32

Nga, Yoáni-Mɓatisi ɗábiki mɔtɛ-anu ka phangia anu aphe ánjá, ɓókomɓeekeɛ. Ɓaphendisigi-manjanja na ɓato á mambɔ ɓáunge ɗáɓámɓeeki ndiu. Nanga ɓî ɗɔ́ɓɔɔni ndɔ, ɗóɓókókěti gǎkɛ tambea anu ka ɓeekea akɛ.»

Málikɔ 1:15

Áogea te: «Cɔ, mbenɔ ajú nga, koɓoamɛ ndea Mokonga a ye tɔ bíbí. Kětiani tambea anu ájeɗe, ɓóɓeekeɛ Mbino-Ánjá.»

Yoáni 5:34

Cɔ, eme kéna siki á nkpa á ka mokonda nde ka ɗigimisa á nyɔngɔ nɛmɔ. Nɛyɔngi gǎkɛ tɔ nnde ka gea, ɓóamɛ ka měma.

Ekuma á ɓateki 11:18

Ɓî ɓáɔ́ki ye nyɔngɔ ndɔ, ɓɔbu ɓáɔphɔnga. Ɓáombeba Mokonga, ɓáogea: «Ande ɗoni, Mokonga aeɓophi ɓato á k'ékuna nɛngbo ɓukpɛkpɛ á kětia á tambea aɓɔ mosá akɛ, ka ɓá na enda á kɛ̌kɛ.»

Ekuma á ɓateki 2:38

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ekuma á ɓateki 20:21

Nɛ̌phɛí Ɓayúda na ɓunde ɓáná Ɓayúda base gea, ɓákětiɛ tambea aɓɔ mosá á Mokonga na ɓámɓeekeɛ Mɔkɔta nɛsu Yéso.

Ekuma á ɓateki 5:21

Ɓáoɓeekea. Ka mɔkɛsuɛ, ɓáongia k'éndu á Mokonga, ɓáogoisaga. Mbusa, ngbɛga á ɓatoɓeigi-phɛ́a ndea Ɓayúda, kimoci na ɓadakɛ, ɓáɔ̌ɓɔphana ɓagbɛga ɓɔbu ndea ka Isilaɛ́li ka ntua ángbó á ɓɔphɛi. Mpɔ, ɓáǒteka ɓakpa ka gǎ bɛɗa ɓateki.

Ekuma á ɓateki 5:31

Yɛ aámbé Mokonga anɗokomisi, áombisa nkɛkɛɔ á njaga akɛ á mǔku gea, áɓɛ moamɛ na Namisi ndea ɓato á ka Isilaɛ́li gea, ɓákětiɛ tambea nɛɓɔ na Mokonga áímɛ ɓojeɗe nɛɓɔ.

Ekuma á ɓateki 8:22

Cɔ, kětia phɔ́ tambea akɔ ájeɗe, ɔ́mɛmɛ Mɔkɔta. Kǎi, aímande kanisia nɛkɔ ndɔ aájeɗe.

Ɓagalatía 6:1

Ɓaya, aoɓá nkpa n'angí ka ɓojeɗe, akeni ɓenu íɓundɔ ɓona Měma á kanga ɓojeɗe ɓɔ́mphɛɛ́ na ɓǒtea akɛ k'aphe ánjá. Geani tɔ ka phɔakɛ ɓó na ɓɔphɔngɔ. Óambani ka gea, ɓókóngiɛmbɛ mɔnɔ sisanu ka tombaga.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 3:7

Ɓake ndɔ, ɓáokaɓa égoisaga esa bui, ɓáná gǎkɛ ɔtɔka na ɓáubi koɗoni kau.

Títɔ 1:1

Títɔ, samba! Eme Pɔ́lɔ, mbɛɗanigi nde ɓa Mokonga na nteki nde ɓa Yéso Kiísito aámbé neɗundu ɓaoɓa ndee. Mokonga ɗámoteki ka gea, ɓakpa nde yɛ ɗáɛsɔmbu ɓámɓeekeɛ na úbisa aɓɔ ɗoni nde akeni ka kanisa nɛsu.

Títɔ 3:2

Ɓákáyɔngɛmbɛ ájeɗe ka phɔa á nkpa, ɓákásanɛmbɛ. Ɓáɓɛ ndiu ɓato-aphɔngɔ, ɓakpa ɓánjá, ɓunde ɓáokáɓa ɓujɛjɛ ka ɓakpa ɓɔbu.

Yakɔ́ɓɔ 1:17

Nga, nkɛɓɛa bui, n'egabɔ ánjá bui aotóka na koba mɔtɛ á Mokonga, Nconji á owanga á na koba. Yɛ nnaǒketia ɓea iii á kema n'aǒgaiaga.

1 Pɛ́tɛɛ 3:15

Nɗokomisani ndiu Kiísito ka měma anu ɓea Mɔkɔta nɛnu. Aoɓá na ɓáonóúsia cina á nseɓeɔ nɛnu ka Kiísito, ɓáni tɔ mbenɔ bui na nyɔngɔ á sikisia aɓɔ.

1 Yoáni 5:16

Aoɓá nkpa n'amɔni muna-amakɛ suɓi á ɓojeɗe nde nnaokusisa, akeni ámɛmɛ Mokonga na Mokonga amophande muna-amakɛ ndɔ enda. Aoɓá n'ande ɓojeɗe nde aokusisa, kénongoɗi gea te ɓómɛmɛ ka phɔa índɔ.