2 Timɔtɛ́ɔ 2:22 - Ɔngana á Kɛ̌kɛ

²² Timɔtɛ́ɔ, koɓɛmbɛ na mɔphɛ á koganda, káɓa ndiu koɗoni, ɓeekea, ekondi, ɓujɛjɛ kimoci na ɓunde ɓáokumia ina á Mɔkɔta na měma ánjá.

2 Timɔtɛ́ɔ 2:22 Iomraidhean Croise

Ekuma á ɓateki 7:59

Na ɓá phɔ́tɔ ɔmɓɛta Sɛtɛphánɔ n'ɛtɛ, yɛ áɔmɛma ɓe: «Mɔkɔta Yéso, bɛɗa měma ani!»

Ekuma á ɓateki 9:14

Ɓagbɛga á ɓatoɓeigi-phɛ́a, ɓámophi kɔkɔta ka bika dunga á ɓakpa ɓɔbu ɓunde ɓáɔmɛma Mokonga k'ína akɔ.»

Ɓalɔ́ma 14:17

Nga, koɓoamɛ ndea Mokonga nna ka nyɔngɔ á kema á koea na kema á konoa. A ndiu á koɗoni, ɓujɛjɛ na maseye nde Měma á kanga ɓojeɗe aobikisa.

Ɓalɔ́ma 14:19

Ɓékaɓɛni kema nde aobisa ɓujɛjɛ na káɓa á kema nde áɔphɛka ɓeekea á ɓakpa.

1 Ɓakɔlítɔ 1:10

Ɓaya, nenóɗengemisigi k'ína á Mɔkɔta nɛsu Yéso Kiísito gea, ɔ́kanani, ɓókokatanɛgɛ mɔnɔ. Ɓáni ndiu na měma mo na kanisia mo na yɔngɛa mo.

1 Ɓakɔlítɔ 10:14

Kaɓondɔ, ɓadani ékondi, téani ɗokomisa á ɓamokonga á mbɛa.

1 Ɓakɔlítɔ 14:1

Káɓágani phɔ́ ekondi. Bisani mɔphɛ anu k'égabɔ ɗanga-ɗanga á Měma á Mokonga kɔnyɛ́nya bui. Bisani mɔphɛ anu k'égabɔ á ɔtɔa á nyɔngɔ nde atóki ka Mokonga.

1 Ɓakɔlítɔ 6:18

Ɓángáni otungɔ. Ɓojeɗe nɛngbo bui nnde nkpa áogea, a ɗanga na nyama akɛ. Nkpa nde a gǎkɛ ǒyamea k'ótungɔ, agi ɓojeɗe ka nyama akɛ sasakɛ.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 2:8

Cɔ, nekondi phɔ́ gea, ɓǒko ɓámɛmɛ k'ɔ́ma bui na ɓámɛsi njaga. Akeni ɓágeɛ ɓó na měma ánjá kángá á ɓɛí na sani.

1 Timɔtɛ́ɔ 4:12

Ambe nkpa kakɔɓɛnjiɛgɛmbɛ ka nyɔngɔ nde onde moganda. Óɓɛ ndiu mphangiɔ ka ɓaɓêki, ka ɛyɔngi akɔ, tambea akɔ, k'ékondi, ɓeekea, na ka enda akɔ ánjá.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

Ɓaɛbulanía 12:14

Káɓáni enda ka ɓujɛjɛ na ɓakpa ɓɔbu. Ɓókaɓɛ phɔtɔ sokosea á ɓojeɗe á ka měma anu. Kángá á ɓó, nna na nkpa nde amɔnande Mɔkɔta.

1 Pɛ́tɛɛ 2:11

Ɓadani ékondi, ɓonde ɓakɛni na ɓato á motô ka mokonda ndee. Kaɓondɔ unge nɛnɔ́phɛí gea, teani mɔphɛ ájeɗe, nnde aomana na měma anu.

1 Pɛ́tɛɛ 3:11

Áɗeketɛ ɓojeɗe, ágeɛ ánjá. Ákaɓɛ ɓujɛjɛ, ásuiɛ kaɓa í ɗoni.

3 Yoáni 1:11

Dani ékondi, kóɓeɛ mɔnɔ tambea ájeɗe, ɓeá ndiu tambea ánjá. Nkpa nde aogea ánjá, ande ɓa Mokonga, mmbé gǎkɛ aogea ájeɗe, nna tanda oúba nyɔngɔ á Mokonga.