2 Timɔtɛ́ɔ 2:2 - Ɔngana á Kɛ̌kɛ

² Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

2 Timɔtɛ́ɔ 2:2 Iomraidhean Croise

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Matáyɔ 24:25

Cɔ, ɔ́kani phɔ́! Ɗégɔɓi ye na nenóngoɗi nyɔngɔ nde bui mosá.

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

1 Ɓakɔlítɔ 4:2

Cɔ, kema nde ɓámɛmi ka ɓaɗigimisi ekuma, ande bɛɗanaga ánjá.

2 Ɓakɔlítɔ 2:14

Cɔ, ɓémbebɛni Mokonga nga, ka jukanisa asu na Kiísito aunge ɓena ɓukpɛkpɛ á kinda esa bui. Aosóbɛɗaneaga ka ɛmbisa á nyɔngɔ nɛkɛ ka nji bui ɓea su á nkoki nnde aɔɛmba ɔma bui.

2 Ɓakɔlítɔ 3:5

Ɓeoúba gea, ɓéké na ɓukpɛkpɛ á tɔtɔkisa á kema ɓíndɔ sasasu. Ɓukpɛkpɛ ndɔ a tɔ otóka ka Mokonga.

Ɓakɔlɔsái 1:7

Epáphaa dasu mbɛɗanigi ékondi, yɛ aámbé ɗánogoisigi. Yɛ, ande mbɛɗanigi nɛnu ka Kiísito ka ɗoni.

1 Timɔtɛ́ɔ 1:12

Nembebi gǎkɛ Yéso Kiísito Mɔkɔta nɛsu, mmbé ɗámopi ɓukpɛkpɛ á bɛɗanaga ekuma nɛkɛ. Aúbi gea, nekeni bɛɗaneaga akɛ, ka nyɔngɔ índɔ unge, amobisi k'ékuma nɛkɛ.

1 Timɔtɛ́ɔ 1:18

Cɔ, Timɔtɛ́ɔ, mukuamɔ ɓa ka měma, nekobisíí ɓɔphɛi ndɔ ɓíndɔ ɓaɔtu-nyɔngɔ ndea Mokonga ɗáɓáɔtu mosá ka phɔakɔ. Ambe nyɔngɔ nde ɗáɓáɔtu unge áɓɛ ɓukpɛkpɛ nɛkɔ suɓi á emani ánjá nde o kau,

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

1 Timɔtɛ́ɔ 5:22

Nkpa aokonda ɓá mbɛɗanigi ka kanisa, kokamisɛgɛmbɛ bisa á njaga akɔ gǔ akɛ, kǒgamɛmbɛ ɓakpa ka ɓojeɗe nɛɓɔ. Oɓɛ sasakɔ, óamba kángá á ɓojeɗe.

1 Timɔtɛ́ɔ 6:12

Mǎna emani á ɓeekea ánjá, ódungia ka enda á mɛyɔ. Nga, ka nyɔngɔ índɔ unge Mokonga ɗákɔɔphani mbenɔ nde ɗóɓeeki. Bisa ɓeekea nɛkɔ base mosá á ɓaɗigimisi ɓásii.

2 Timɔtɛ́ɔ 3:10

Oɓɛ gǎkɛ, ɗómoɓi bîbíbí ka ɓɔphɛi nɛmɔ, tambea ani, mɔphɛ nɛmɔ, ɓeekea nɛmɔ, phiphia nɛmɔ, ekondi nɛmɔ, phiphia á tambaga nɛmɔ.

2 Timɔtɛ́ɔ 3:14

Oɓɛ, ɓeá tɔ ɓɔphɛi nde ɗɔ́ɔ́ki na nnde ɗóengekisi ánjá nga, ǒɓúba ɓagoisigi nde ɗáɓákogoisigi ú.

Ɓaɛbulanía 2:17

Ka nyɔngɔ índɔ ɗákeni kengeana na ɓana-amakɛ ka kema bubui, ka gea te, áɓɛ ngbɛga á ɓatoɓeigi-phɛ́a mosá á Mokonga ka íma ɓojeɗe ndea ɓakpa. Ntoɓeigi-phɛ́a ndɔ ande nto á ngomi n'akeni mamea asu mosá á Mokonga.