2 Timɔtɛ́ɔ 2:18 - Ɔngana á Kɛ̌kɛ

¹⁸ Ɓɔ, ɓásagi ɓɔphɛi á ɗoni, ɓáɔyɔnga te, moangɔ á jujúka á ɓasí ka kukuwa a ye tɔtɔkɛani. Kaɓondɔ, ɓáoɓotea ɓeekea á ɓakpa ɓásii k'ódemayɔ.

2 Timɔtɛ́ɔ 2:18 Iomraidhean Croise

Matáyɔ 15:13

Yéso áǒsikisia te: «Me bubui nde Abɛ mmbɔ á na koba kákoni, ɓáúphande.»

Matáyɔ 22:29

Yéso áǒsikisia te: «Ɓǒdema sisanu nga, ɓókóoúba kaɓɛ Ɓuku á Mokonga kaɓɛ ɓukpɛkpɛ nɛkɛ.

Lóka 8:13

Ɓuangbo ɓá gǎkɛ ɓea mbenɔ nde mbó ndɔ ɗágu ka oɗo nde á n'ɛtɛ. Ɓáɔɔ́ka nyɔngɔ á Mokonga, ɓáɔbɛɗa ú na maseye. Nyɔngɔ ndɔ kangiɛ ndiu ɓea mǐgi suɓi aɓɔ. Ɓá tɔ oɓeekea ka mbenɔ ábɔa. Aoɓá na ɓáetambisigi tɔ ábɔa, ɓáoɗeketa ú.

Ekuma á ɓateki 5:39

A gǎkɛ oɓá n'atóki ka Mokonga, ɓɔ́kɔ́tɔkɛku na ɓotúkatúki. Ɛ́ngɛphani, ɓókommanisɛmbɛ Mokonga.» Mbusa, ɓáoɓeekea nyɔngɔ ndea Gamaliɛ́li,

1 Ɓakɔlítɔ 11:19

(Eya, akeni katanaga áɓɛ sɔsɔɓɛ anu ka gea, ɓakiísito á ɗoni ɓáɔnɛkanɛ sɔsɔɓɛ anu.)

1 Ɓakɔlítɔ 15:12

Cɔ, kaɓɛ na ɓɛɔtɔmiaga gea, Kiísito ajujúki ka kukuwa, nyɔngɔ sina nde ɓakpa ɓunɛngbo sɔsɔɓɛ anu ɓáɔyɔnga gea te, ɓasí ɓákájujukaeka ka kukuwa?

Ɓakɔlɔsái 3:1

Ɓî ɗóɓojujúki ka kukuwa kimoci na Kiísito, káɓáni kema á na koba, ka kankaanga á koɓoamɛ nde Kiísito aiki kau ka njaga á mǔku á Mokonga.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 6:10

Nga, ekondi á imɔna ande cina á ɓojeɗe bui. Ka nyɔngɔ índɔ unge, ɓakpa ɓuangbo ɓáɓúngisi ɓeekea nɛɓɔ, ɓáǒtambisaga sasaɓɔ ka měma phɛɛ.

1 Timɔtɛ́ɔ 6:21

Nga, ɓakpa ɓuangbo ka nyɔngɔ á ɓɔnɛaga úbapha á mbɛa ndɔ, aunge ɓáɗu moangɔ á ɓeekea. Ambe ɓonjánja-ékondi ndea Mokonga áɓɛ kimoci n'oɓɛ.

2 Timɔtɛ́ɔ 2:14

Ókanisia ɓakpa nyɔngɔ ndɔ bui, ɔ́phɛ̌ base mosá á Mokonga gea, ɓákasanɛ mɔnɔ ka nyɔngɔ á kampápa nga, sani nna na kantíti, a ndiu ǒɓúngisaga ɓunde ɓáɔɔ́ka.

Títɔ 1:11

Cɔ, ambe dakanisa aɓɔ nga, ɓáotúkatúka ekombo bui na ɓɔphɛi nde kákeni, ka gea, ɓátɔɛ imɔna k'aphe ájeɗe á soni.

Ɓaɛbulanía 3:10

ka ɓasaga nkama gena (40). Ka nyɔngɔ índɔ unge ɗɛ́ɓɛi ka phɔa ɓakpa ndɔ néogea: ‹Kanisia á ka měma aɓɔ aǒɓúngisaga esa bui. Ɗáɓáyé gǎkɛ ɓeá aphe ndeamɔ.›

Yakɔ́ɓɔ 5:19

Ɓaya, aoɓá ka ɓenu n'aɓúngigi k'aphe ájeɗe, nkpa ɓaangbo â gǎkɛ onkiɗianisa k'aphe ánjá.

1 Yoáni 2:19

Ɓaɓiɓia ndɔ, ɗáɓátókei mɔtɛ-asu, ɗáɓákátú gǎkɛ ɓunɛsu. Ɗáɓátúoɓá ɓunɛsu, ámbé ɗáɓáiki kimoci na ɓesu. Ɓásoɗeketi gǎkɛ ka gea te, áubikanɛ base gea, ɗáɓákátú ɓunɛsu.