2 Timɔtɛ́ɔ 2:15 - Ɔngana á Kɛ̌kɛ

¹⁵ Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

2 Timɔtɛ́ɔ 2:15 Iomraidhean Croise

Matáyɔ 13:52

Mpɔ áǒngoɗea gea: «Ngoisigi-ɛɔphi mmbé aɓeeki nyɔngɔ á koɓoamɛ á na koba, akengeani na mɛna-éndu, mmbé aphúi k'ɛtɔi nɛkɛ, kema á kɛ̌kɛ, na kema á kala.»

Málikɔ 4:33

Yéso ɗátú gǎkɛ ɔ̌tɔmia ɓakpa mɛní ɗanga-ɗanga ka gea te, ɓáengekisɛ ú.

Lóka 12:42

Mɔkɔta áonsikisia te: «Ani mmbé ande mbɛɗanigi á koɗoni n'ande múbaphi? Nga mɔkɔta nɛkɛ ambisi gǔ á ɓadakɛ ka gabea aɓɔ eea mbenɔ nde ɓá na siki í.

Ekuma á ɓateki 2:22

Cɔ, Ɓaisilaɛ́li ɓaya, ɔ́kani phɔ́ nyɔngɔ nde: Yéso ɓa Najalɛ́ti, ande nkpa nde Mokonga ɗánsɔmbu ka úbisa anu base gea, ana ɓukpɛkpɛ á tɔtɔkisa á ketangaɔ ɗanga-ɗanga na mphangiɔ sɔsɔɓɛ anu ɓíndɔ ɓooúba sasanu.

Ekuma á ɓateki 20:27

Nga, ɗɛ́nɔphɛí base mɔphɛ á Mokonga kángá sɔmɛanu ú.

Ɓalɔ́ma 14:18

Mmbé aɔmbɛɗaneaga Kiísito ɓó, amɓɔngɛi Mokonga na ɓakpa ɓáomɓeekea.

Ɓalɔ́ma 16:10

Nensambei Apɛ́lɛ mmbé aúbisi base ɓeekea nɛkɛ ka Kiísito. Něsambei ɓato á k'éndu ndea Aiistobúlo.

Ɓalɔ́ma 6:13

Ɓókobisɛmbɛ gbútuka á nyama anu ka tɔtɔkisa á ɓojeɗe, ka bɛɗanisaga í ɓea kema á tɔtɔkisa na kema ájeɗe. Óbisani ndiu buanu ka Mokonga ɓea ɓakpa nde ɓájujúki ka kukuwa. Bisani phɔtɔ nyama anu bui ka bɛɗaneaga á Mokonga ka tɔtɔkisa á koɗoni.

1 Ɓakɔlítɔ 2:6

Cɔ, nɛ tɔ ɔphɛa kɔɓɔɔngɛ ka ɓakpa nde ɓámɔti ka ɓeekea. Kɔɓɔngɛ ndɔ nna gǎkɛ á ka mokonda ndee, nna phɔtɔ á kɔkɔta á ka mokonda nde nnde aújukanande.

2 Ɓakɔlítɔ 10:18

Nga, nkpa nde aǒɗokomisa sasakɛ, nna aámbé Mɔkɔta amɓeeki. A ndiu nkpa nde Mɔkɔta sasakɛ anɗokomisi.

2 Ɓakɔlítɔ 3:6

Yɛ aámbé ɗásóphi ɓukpɛkpɛ á ɓá ɓabɛɗanigi á ɔngana á kɛ̌kɛ. Ɔngana kau nna á ɓaoɓa, a ndiu á Měma á kanga ɓojeɗe. Nga, ɓaoɓa aokusa, Měma a gǎkɛ oendisa.

2 Ɓakɔlítɔ 4:2

Ɓeyé ɓɔphɛi ódemayɔ na nnde á soni. Ɓékéɔsɔmɛa nyɔngɔ moci. Ɓékéokaɓa dema á ɓakpa. Ɓékéodaɗoa nyɔngɔ á Mokonga na mbɛa. Ɓe ndiu ɔyɔnga ɗoni na base, k'ína á Mokonga. Eya, ɓekondi úbisa á ɓakpa suɓi aɓɔ gea, ɓende ɓato á ɗoni.

2 Ɓakɔlítɔ 5:9

Kema nde ɓe gǎkɛ okáɓa k'ama mosá-mosá, ande ékondisaga na yɛ, nanga ɓéɓá na nyama ndee kaɓɛ ɗeketana ně.

Ɓagalatía 1:10

Cɔ, ka yɔnga ani kɛ̌kɛnde ɓó, ande gea te neokáɓa gea, ɓakpa ɓámoɓeekeɛ? Ɓɛɛndɔ! Ne ndiu okáɓa gea Mokonga ámbé ámoɓeekeɛ. Ande gea te, neokáɓa ékondisaga na ɓakpa? Atú oɓá na neokáɓa ékondisaga na ɓakpa, ámbé kétóɓɛku mbɛɗanigi ndea Kiísito.

Ɓaɛphɛ́sɔ 1:13

Ɓenu phɔtɔ, mbenɔ nde ɗɔ́ɓɔɔ́ki ɓɔphɛi á ɗoni, Mbino-Ánjá á amisa anu ka měma, ɗóɓomɓeeki Kiísito, mpɔ Mokonga áobisa mphangiɔ ka gea te, ɓéɓɛ ɓakpa nɛkɛ. Mphangiɔ kau n'ande Měma á kanga ɓojeɗe nde ɗáɔku.

1 Ɓatɛsalɔníka 2:4

Ɓe ndiu ɔphɛa ɓíndɔ Mokonga akondi. Nga, ɗásɔɔphani, áosópha Mbino-Ánjá nɛkɛ. Ɓéké phɔtɔ okáɓa ékondisaga na ɓakpa, ɓe ndiu ǒkondisaga na Mokonga, mmbé aoengekisa měma asu.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

Ɓaɛbulanía 4:11

Ka nyɔngɔ índɔ unge, ambe ɓégeɛ ɓukpɛkpɛ asu bui ka ngia ka muúmbiɔ ndɔɔ. Ka ɓesu moci kagúɛmbɛ ɓea ɓunde á mosá nga, ɗáɓátú na měma akpɛ.

Yakɔ́ɓɔ 1:12

Maseye ka nkpa nde aophiphia tombaga nga, a ye ɔtɔka, atɔande kekombó nde Mokonga ɛ̌ɔku ɓunde ɓánkondi, n'ande enda á mɛyɔ.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

2 Pɛ́tɛɛ 1:10

Cɔ, ɓaya, geani ɓukpɛkpɛ anu phɛɛ ka bisa á měma anu ka Mokonga mmbé ɗánɔɔphani na ɗánɔsɔmbu. Ɓo ye ogea ɓó, ɓókóngiɛku tanda ka ɓojeɗe.

2 Pɛ́tɛɛ 1:15

Eya, negeande ɓukpɛkpɛ ani bui ka gea, mbusa á kukuwa ani, ɓókoɓoseɛmbɛ nyɔngɔ ndee.

2 Pɛ́tɛɛ 3:14

Kaɓondɔ unge ɓadani ékondi, ka ɓondeaga esa ndɔ, suiani ɓá na tambea ánjá, kángá kisɛki mosá á Mokonga na ɓóɓɛ na ɓujɛjɛ mosá akɛ.