2 Timɔtɛ́ɔ 2:14 - Ɔngana á Kɛ̌kɛ

¹⁴ Ókanisia ɓakpa nyɔngɔ ndɔ bui, ɔ́phɛ̌ base mosá á Mokonga gea, ɓákasanɛ mɔnɔ ka nyɔngɔ á kampápa nga, sani nna na kantíti, a ndiu ǒɓúngisaga ɓunde ɓáɔɔ́ka.

2 Timɔtɛ́ɔ 2:14 Iomraidhean Croise

Matáyɔ 16:26

Cɔ, ana kantíti sina aoɓá nkpa n'atɔi kema bubui á ka mokonda n'aɓúngisi ndiu enda akɛ, ɛtɔi ndɔ anengande k'éke? Ekende ɓɛɔtɔka na ɓemphendi na Mokonga ka anganisa na enda?

Ekuma á ɓateki 13:10

Áongea te: «Oɓɛ otúmi n'etéte bui á maibe n'odemayɔ, muna-nketi, mɓiɓia á etéte bui á koɗoni, kóɗeketɛeka túkatúka á moangɔ ndea Mɔkɔta?

Ekuma á ɓateki 15:24

Ɓɛɔ́ki gea, ɓakpa ɓuangbo ka ɓesu ɓátóki koni kángá á moangɔ nɛsu. Ɓáonóagatisa na kɔɓisa á měma anu na nyɔngɔ nɛɓɔ.

Ɓalɔ́ma 14:1

Nseseani mmbé kámɔtimbɛ ka ɓeekea, kángá á ianaga kanisia akɛ.

Ɓagalatía 1:7

Eya, nna na Mbino-Ánjá nɛngbo, a ndiu tɔ na ɓakpa nde ɓáonoyombokisa na kaɓa á gaía Mbino-Ánjá ndea Kiísito.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

1 Timɔtɛ́ɔ 1:4

Óngoɗeɛ phɔtɔ gea, ɓákábisɛmbɛ kanisia aɓɔ ka nyɔngɔ á egani á jǎi-jǎi, na nnde á cɔca cina á ɓatataɓɔ. Nndɔ aikíí tɔ kampápa á jǎi. Nnaoenga ka tútuisa moangɔ á ɓoamia nnde atóki ka Mokonga, nnde aúbikani ka nyɔngɔ á ɓeekea.

1 Timɔtɛ́ɔ 1:6

Ɓakpa ɓunɛngbo ɗáɓáɗú gǎkɛ aphe ndɔɔ, ɓáoɓúngaga ka ɓeá nyɔngɔ á jǎi-jǎi.

1 Timɔtɛ́ɔ 4:8

Eya, ékakamisa ka kema á ka nyama, a gǎkɛ na kantíti ka kema ábɔa. Tambea ánjá mosá á Mokonga, aunge a ndiu na kantíti ka kema bui nga, k'índɔ unge ɓena mɔkɔ á enda ka matú nde na ka matú nde abikande.

1 Timɔtɛ́ɔ 5:21

Nekososi base mosá á Mokonga na mosá á Kiísito Yéso, na ɓamalaéka á kanga ɓojeɗe gea, amba ɓɔphɛi ndee: Mbenɔ nde ɔɔbɛɗanaga, bɛɗanaga kángá oɓayɔ, phɔtɔ kángá egami ka nkpa.

1 Timɔtɛ́ɔ 6:13

Nekososi mosá á Mokonga, mmbé ande cina á enda bui, na mosá á Kiísito Yéso, mmbé ɗáengekisi koɗoni nɛkɛ mosá á Pɔntíɔ Pilátɔ gea,

2 Timɔtɛ́ɔ 1:6

Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.

2 Timɔtɛ́ɔ 2:16

Téa yɔngaga á jǎi-jǎi nnde atingani na moangɔ á ɓeekea nga, ɓakpa nde ɓáoɓea nndɔ, ɓáǒɗangamisa na Mokonga phɛɛ.

2 Timɔtɛ́ɔ 2:23

Ya kampápa á kobóbó nnde nna na kantíti ka nyɔngɔ nde oúba gea nndɔ aobikisa sani.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

Ɓaɛbulanía 13:9

Ɓɔphɛi ɗanga-ɗanga nnde kátóki ka ɓesu kanóɓǒteɛmbɛ. Akeni gea ɓonjánja-ékondi ndea Mokonga aunge ágbagisɛgɛ měma asu, kaɓɛ ndiu nyɔngɔ á kema á koea. Ɓakpa nde ɓáoamba nyɔngɔ ndɔ, ɓáká na kema nde ɓáɔtɔa kau.

2 Pɛ́tɛɛ 1:13

Eya, nɛɔni ánjá nénojujúkisɛ ka kanisia anu mbenɔ nde ne phɔ́tɔ koenda.