2 Timɔtɛ́ɔ 1:8 - Ɔngana á Kɛ̌kɛ

⁸ Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 1:8 Iomraidhean Croise

Málikɔ 8:38

Aoɓá nkpa n'aku na soni ka phɔani na ka phɔa ɓɔphɛi nɛmɔ mosá á ɓakpa á k'ɛ́ɓɔkɔti nde, nga ɓánde ɓato á ɓojeɗe na ɓakpa nde ɓán'ye Mokonga, eme Muna-Nkpa nenkuiande phɔtɔ soni esa nde nebikaeka ka ɓoombia ndea Abɛ Mokonga kimoci na ɓamalaéka á kanga ɓojeɗe.»

Lóka 9:26

Aoɓá nkpa n'aku na soni ka phɔani na ka phɔa ɓɔphɛi nɛmɔ, eme Muna-Nkpa, nenkuiande phɔtɔ soni esa nde nebikaeka ka ɓoombia nɛmɔ na nnde á Abɛ, na nnde á ɓamalaéka á kanga ɓojeɗe.

Yoáni 15:27

Ɓenu phɔtɔ, ɓomoɗigimisande nga, ɗóɓotú kimoci n'eme ka nkpangeɔ.

Yoáni 19:35

Nkpa nde ɗáɔni nyɔngɔ n'íso akɛ aámbé aɗigimisi nyɔngɔ ndɔ. Nyɔngɔ nde aɔtɔmia ande ɗoni. Yɛ, aoúba gea a tɔ ɔyɔnga ɗoni. A gǎkɛ ɔyɔnga ɓó ka gea ɓenu phɔtɔ ɓóɓeekeɛ.

Ekuma á ɓateki 5:41

Mbusa í, ɓateki ɓáojuana ka ntua ángbó á ɓɔphɛi na maseye. Nga Mokonga ɗáɔni ánjá ɓáɛtɛbɛɛgɛ na ɓátambɛgɛ k'ína á Yéso.

Ɓalɔ́ma 1:16

Cɔ, kéokuwa na soni ka tɔ̌mia Mbino-Ánjá nga, ande ɓukpɛkpɛ nde Mokonga aɔbɛɗaneaga ka amisa nkpa buakɛ mmbé aomɓeekea Yéso. A phɔ́ kǒamisa Ɓayúda, mbusa í, â phɔtɔ ǒamisa ɓunde ɓáná Ɓayúda.

Ɓalɔ́ma 16:25

Ɓémbebɛni Mokonga! Yɛ, ana ɓukpɛkpɛ á opha anu nténdé suɓi á ɓeekea, ka ɓeana na Mbino-Ánjá nde nɛɔtɔmiaga k'ína á Yéso Kiísito, nndɔ ungɔ aojuanisa base nyɔngɔ á ɓɔsɔmɛa á kala.

Ɓalɔ́ma 8:36

Ɓáɗundu suɓi á Ɓuku á Mokonga ɓe: «Ka nyɔngɔ akɔ unge kukuwa aosókena esa bui. Ɓáɔsɔɔna ɓea ɓamɔgɔgɔ nde ɓákeni na kukuwa.»

Ɓalɔ́ma 9:33

Ɓindɔ Ɓuku á Mokonga ayɔngi: «Ɔ́nani ɓî nebisi ɛtɛ á ɓɛtɛkisa ka Sayúni na ekǒngo á gusisa. Cɔ, mmbé aomɓeekea, kákuwɛku na soni.»

1 Ɓakɔlítɔ 1:6

Nyɔngɔ á Kiísito nnde ɗɛ́ɓɛnɔtɔ̌mi ana ɓukpɛkpɛ suɓi anu.

2 Ɓakɔlítɔ 6:7

Ɓe tɔ ɔtɔmiaga nyɔngɔ á ɗoni. Ɓɛɔbɛɗaneaga ɓukpɛkpɛ á Mokonga. Nkumba émani nɛsu ka mana ně na kéúnia ně ande koɗoni mosá á Mokonga,

Ɓaɛphɛ́sɔ 3:1

Kaɓondɔ unge, eme Pɔ́lɔ nɛɔmɛma Mokonga. Ne ka mekakɔ ka nyɔngɔ ékuma ndea Yéso Kiísito ka phɔanu ɓenu íɓunde ɓókó Ɓayúda.

Ɓaɛphɛ́sɔ 3:13

Kaɓondɔ unge, nɛnɔmɛmi gea, ɓɔ́kɔɛlɛmbɛ ɓî ne ka tambaga ka nyɔngɔ anu. Nndɔ bui a tɔ kanu.

Ɓaɛphɛ́sɔ 4:1

Cɔ, eme aámbé ɓámomaki ka mekakɔ ka nyɔngɔ á bɛɗaneaga Mɔkɔta. Ɓî a ɓó, nenóɗengemisigi ɓe: Tambeani ɓíndɔ akeni ka mɔphani ndea Mokonga.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓaphilípi 1:7

Eya, aánjá k'éme nékanisiɛ ɓó ka phɔanu ɓenu ɓɔbu nga, nenókondi phɛɛ. Ekondi ndɔ ande ka nyɔngɔ nde, ɓo tɔ na ka ɓonjánja-ékondi nde Mokonga ɗámopi, nanga néɓá kɛ̌kɛnde ka mekakɔ, nanga néɓá ka unia á Mbino-Ánjá na ɓukpɛkpɛ.

Ɓaphilípi 3:10

Kema nde nekondi, a tɔ úba á Kiísito na ɓukpɛkpɛ á jujúka akɛ ka kukuwa, tambaga kimoci na yɛ, kuwa ɓea yɛ.

Ɓaphilípi 4:13

Nɛtɔki tɔ bui nga Kiísito aámbé amogbagisigi.

Ɓakɔlɔsái 1:11

Ambe Mokonga ánóphɛ ɓukpɛkpɛ bui, měma á kinia á kema na měma á phiphia.

Ɓakɔlɔsái 1:24

Cɔ, kɛ̌kɛnde, nena maseye ka tambaga nde ne kau ka phɔanu. Ande gea te, ka nyama ani ne phɔtɔ suɓi á tambaga nde Kiísito ɗátú suɓi í ka phɔa nyama akɛ nnde ande kanisa.

1 Ɓatɛsalɔníka 3:4

Ɗéɓenóngoɗi nyɔngɔ á tambaga mosá, ɓî ɗéɓetú mɔtɛ-anu, tambaga ndɔ na kánódondimbɛ. Ɓî anódondi ye gǎkɛ, ɓo ye tɔ oúba.

1 Timɔtɛ́ɔ 2:6

mmbé yɛ sasakɛ ɗábisi enda akɛ ka phɛ́a, ka nyɔngɔ á amisa á ɓakpa ɓɔbu. Nndɔ unge aɗigimisi ka mbenɔ nde Mokonga ɗábisi gea, akondi amisa á ɓakpa ɓɔbu.

2 Timɔtɛ́ɔ 1:10

Kɛ̌kɛnde, ɓonjánja-ékondi ndɔ aúbikani base ka kiɗia á Namisi nɛsu Kiísito Yéso. Yɛ aámbé agɔɓi ɓukpɛkpɛ á kukuwa, áosóphangia base enda á mɛyɔ ka Mbino-Ánjá nɛkɛ.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 1:16

Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 2:3

Tambaga ɓea nto-émani anjánjá ndea Kiísito Yéso ɓíndɔ ne kau.

2 Timɔtɛ́ɔ 2:8

Cɔ, nkanisia Yéso Kiísito, mosuko á moamɛ Daúdi, mmbɔ ɗájujúki ka kukuwa ɓíndɔ Mbino-Ánjá nde nɛɔphɛa ayɔngi.

2 Timɔtɛ́ɔ 2:9

Ka nyɔngɔ á Mbino-Ánjá ndɔ unge, neotambaga kau na ka ɓî ɓámoɓóege na ngoi á ngɔa ɓea nto á ɓojeɗe. Nanga ɓámoɓóaga ɓó, ɓákáɓóege gǎkɛ nyɔngɔ á Mokonga.

2 Timɔtɛ́ɔ 4:17

Mɔkɔta ndiu aámbé ɗámoengi na áomopa ɓukpɛkpɛ ka gea te, nɛ́tɔmiɛ Mbino-Ánjá nɛkɛ phɛɛ ka gea, ɓakpa nde ɓáná Ɓayúda ɓáɔ́kɛ. Yɛ ɗámoamisi k'aphenɔkɔ á simba.

2 Timɔtɛ́ɔ 4:5

Oɓɛ gǎkɛ, óamba ka kema bui, óphiphiɛ tambaga, bɛɗanaga ekuma á tɔ̌mia á Mbino-Ánjá. Tɔtɔkisa ekuma nɛkɔ ánjá.

1 Pɛ́tɛɛ 1:5

Na ɓenu sasanu akoɓá na ɓoɓeeki, Mokonga mɛna-ɓukpɛkpɛ áonóamba ka amisa anu. Ɓoamia ndɔ aɔnɛkanande base ka mbenɔ á sungiaga á mokonda.

1 Yoáni 4:14

Ɓesu, ɗɛ́ɓɛɔni na ɗigimisa gea, Abɛ ɗánteki Miki-mǒko nɛkɛ áɓɛ Namisi á mokonda.

Yúda 1:24

Mokonga aɔtɔka ámbá anu ka gea ɓókoguɛmbɛ ka ɓojeɗe na kiɗianisa anu mosá á ɓoombia akɛ kángá kisɛki ka maseye.

Mphaniɔ 1:2

Yoáni ɗáɗigimisi nyɔngɔ ndɔ ɓe: «Kema bui nde ɗɛ́ɔni ande Nyɔngɔ á Mokonga n'ande ɗoni gea, Yéso Kiísito aámbé aɗigimisi ú.»

Mphaniɔ 1:9

Eme nende muna-amanu Yoáni. Ka jukana na Yéso, ne kimoci na ɓenu ka tambaga, néoɓá kimoci na ɓenu ka koɓoamɛ nɛkɛ na ka phiphia á tambaga. Ɓámoge ně ka kesanga nde ɓáɔɔphana Patɛ́mɔ, ka nyɔngɔ nde ɗɛ́phɛí Nyɔngɔ á Mokonga na phɛá á ɗoni nde Yéso ɗáengekisi.

Mphaniɔ 12:11

Kaɓɛ ɓana-amasu ɓátónkíndí ande ka ɓukpɛkpɛ á magia á Muna-mɔgɔgɔ na ka nyɔngɔ índe ɗáɓáɗigimisi. Ɗáɓákáuníí enda aɓɔ, ɗáɓátú bíbí á kukuwa.

Mphaniɔ 19:10

Mpɔ, néogua k'écinji akɛ ka beba akɛ. Â gǎkɛ omongoɗea te: «Kógeɛmbɛ ɓondɔ nga, ne tɔ ka ɓenu ɓabɛɗanigi ande gea te, oɓɛ na ɓana-amakɔ ɓunde ɓáɗigimisi nyɔngɔ á ɗoni ndea Yéso. Mokonga aámbé oɓande ombeba nga, nyɔngɔ nde Yéso aoɗigimisa, ande cina á měma á ɔtɔa á nyɔngɔ.»