2 Timɔtɛ́ɔ 1:7 - Ɔngana á Kɛ̌kɛ

⁷ Nga, Mokonga ɗákásophi měma á kɔɓɔɓɔkɔ. Ɗásóphi ndiu Měma á ɓukpɛkpɛ, ekondi na éamba.

2 Timɔtɛ́ɔ 1:7 Iomraidhean Croise

Lóka 10:19

Ɔ́kani phɔ́! Ɗénóphi kɔkɔta á ɗɛtɛa á ɓanjɔka, ɓankoto na ɓukpɛkpɛ bubui á mɓiɓia-Nketi. Ka kema ájeɗe kánogeɛku.

Lóka 15:17

Mpɔ, áokpanga ianaga sasakɛ, áogea: ‹Ɓabɛɗanigi ndea abɛ, ɓáotua eea na ɓáɔɔna. Eme gǎkɛ, na neokuwa na monganya.

Lóka 24:49

Cɔ! Neonotekisia kema nde Abɛ atɔ́ɔku. Ikani tɔ suɓi á ntanga-nji, na ka ɓî ɓukpɛkpɛ ka toka n'ego anogbukumiande.»

Lóka 8:35

Ɓakpa ɓáobika ɔɔna kema nde ɗágeani. Ɓáɔmɔna Yéso na nkpa ndɔ ɓansombo ɗáɓánjúani, n'aiki k'écinji á Yéso. Ɗáɔ́li ye tɔ bɔngɔ ánjá, â ye tɔ oúbapha. Ɓunde ɓákiɗi, ɓáoɓá na kɔɓɔɓɔkɔ.

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Ekuma á ɓateki 1:8

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Ekuma á ɓateki 10:38

Ɓo phɔtɔ oúba ɓî Mokonga ɗátúmisi ɓukpɛkpɛ á Měma akɛ ka Yéso ɓa Najalɛ́ti. Ɓo phɔtɔ oúba ɓî Yéso ɗátambi ásii ka nji bui n'aogea ánjá, na aǒamisa ɓakpa ka měma, ɓunde ɗáɓátú ka kɔkɔɓɛ á Nketi. Nga, Mokonga ɗátú kimoci na yɛ.

Ekuma á ɓateki 20:24

Enda ani nna gǎkɛ na kantíti. Kema nde ana kantíti k'éme ande gea, négɔɓɛɛ ánjá tamba na tɔtɔkisa ekuma nde Mɔkɔta Yéso ɗámopi gea, nɛ́phɛɛ base Mbino-Ánjá á ɓonjánja-ékondi ndea Mokonga.

Ekuma á ɓateki 21:13

Pɔ́lɔ â gǎkɛ ososikisia te: «Eke nde ɓoogámea na dɔɓɔkisa á měma ani ně ɓende? Kéɓeeki tɔ ɓóaga ani, neɓeeki phɔtɔ gǎ kuwa na Yɛusalɛ́ma ka nyɔngɔ á Mɔkɔta Yéso.»

Ekuma á ɓateki 26:11

Mɔngɔ ásii, suɓi éndu bui á madondanɔ ndea Ɓayúda ka nyɔngɔ á Mokonga, ɗéǒtambisaga ɓaɓêki na sosea aɓɔ gea ɓánganɛ ɓeekea nɛɓɔ. Ɗɛ́ɔ̌ɓɛɛa phɛɛ na ka ɓî ɗé phɔtɔ oga ǒtambisaga ka ntanga-nji á ɓakɛni.»

Ekuma á ɓateki 26:25

Pɔ́lɔ â gǎkɛ onsikisia te: «Mɔkɔta Phɛ́sitɔ, kéna ganja. Nyɔngɔ nde nɛɔyɔnga a ndiu á ɗoni na á kɔɓɔɔngɛ.

Ekuma á ɓateki 6:8

Cɔ, Sɛtɛphánɔ, mmbɔ ɗátúmi na ɓonjánja-ékondi ndea Mokonga na ɓukpɛkpɛ nɛkɛ, ɗátúogea ketangaɔ ángbó na mphangiɔ sɔsɔɓɛ á ɓakpa.

Ekuma á ɓateki 9:22

Cɔ, ɓɔphɛi ndea Saúlɔ áonyanga phɛɛ. Ɓayúda ɓunde á ka Damasíki, ɗáɓáká ye na nyɔngɔ nde ɓáonsikisia ɓî ɗáephangisi gea, Yéso ande Kiísito.

Ɓalɔ́ma 5:5

Nseɓeɔ ndɔ nna okusa na soni ka nyɔngɔ nde, Mokonga aɛmbisi ekondi nɛkɛ suɓi á měma asu ka nyɔngɔ á Měma á kanga ɓojeɗe nde ɗásóphi.

Ɓalɔ́ma 8:15

Cɔ, Měma á Mokonga nnde ɓɔtɔí mɔtɛ á Mokonga, nna měma índɔ á ngisa anu ka kɔkɔɓɛ na túmisa goto kɔɓɔɓɔkɔ suɓi anu, a ndiu Měma nde anobisi ɓóɓɛ ɓana-Mokonga. Ka nyɔngɔ á Měma ndɔ aunge ɓɛɔtɔka ɔphana á Mokonga «Abɛ.»

1 Ɓakɔlítɔ 2:4

Ɓɔphɛi nɛmɔ na goisaga nɛmɔ, ɗékétú ogea ú ka ɓɔngaga anu na kɔɓɔɔngɛ á kokpa. Ɗé ndiu onógoisaga ka ɓukpɛkpɛ phɛɛ á Měma á Mokonga.

Ɓagalatía 5:22

Kema nde Měma á kanga ɓojeɗe aobikisa, ande: Ekondi, maseye, ɓujɛjɛ, měma á phiphia, osásɔ, ɓonjánja, koɗoni á ɗoni,

Ɓakɔlɔsái 1:8

Yɛ ɗásóngoɗi phɔtɔ mbino ékondi nde Měma á kanga ɓojeɗe ɗánóphi.

Ɓaɛbulanía 2:15

 phɔtɔ ǒphúia ka kɔkɔɓɛ ɓakpa nde ɗáɓá na kɔɓɔɓɔkɔ á kukuwa ka enda aɓɔ bui.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 4:18

Suɓi ékondi, kɔɓɔɓɔkɔ nna ɓei. Nga, ekondi á ɗoni á ɗoni aophaphea kɔɓɔɓɔkɔ nga, kɔɓɔɓɔkɔ a ka nkpa nde aoɓondea tambaga. Mmbé ana kɔɓɔɓɔkɔ, ekondi kátɔtɔkɛanimbɛ suɓi akɛ.