2 Timɔtɛ́ɔ 1:6 - Ɔngana á Kɛ̌kɛ

⁶ Ka nyɔngɔ índɔ unge, nekokanisíí gea, kakamisa egabɔ nde Mokonga ɗákophi, mbenɔ nde ɗébisi njaga gǔ akɔ.

2 Timɔtɛ́ɔ 1:6 Iomraidhean Croise

Lóka 19:13

Mosá á gǎ akɛ, áɔ̌ɓɔphana ka ɓabɛɗanigi nɛkɛ nkama (10), áɔbɛɗa imɔna á láté nkama (10), áǒgabea ú moci-moci. Áǒgea: ‹Bɛɗanagani na imɔna ndee, na ka ɓî nejakuma.›

Ekuma á ɓateki 19:6

Mpɔ, Pɔ́lɔ áobisa njaga gǔ á ɓɔ, Měma á kanga ɓojeɗe áodida gǔ á ɓɔ, ɓáokpanga yɔnga k'ɛyɔngi ɗanga-ɗanga na ɔtɔa á nyɔngɔ.

Ekuma á ɓateki 6:6

Ɓáǒbisa mosá á ɓateki, ɓateki ɓáǒbisia njaga, ɓáɔmɛma Mokonga ka nyɔngɔ aɓɔ.

1 Ɓatɛsalɔníka 5:19

Ɓókóimisiɛ mɔnɔ ekuma ndea Měma á kanga ɓojeɗe.

1 Timɔtɛ́ɔ 4:14

Kɔɓɛnjiɛgɛmbɛ bɛɗaneaga á egabɔ á Měma á Mokonga nnde asuɓi akɔ, nnde ɗɔ́tɔi ɓî ɓaɔtu-nyɔngɔ ndea Mokonga ɗáɓáyɔngi ka phɔakɔ, na ɓî ɓagbɛga ɗáɓákobisíí njaga.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

2 Timɔtɛ́ɔ 2:14

Ókanisia ɓakpa nyɔngɔ ndɔ bui, ɔ́phɛ̌ base mosá á Mokonga gea, ɓákasanɛ mɔnɔ ka nyɔngɔ á kampápa nga, sani nna na kantíti, a ndiu ǒɓúngisaga ɓunde ɓáɔɔ́ka.

2 Timɔtɛ́ɔ 4:2

phɛá á Nyɔngɔ á Mokonga na ɓukpɛkpɛ, kaɓɛ mbenɔ ánjá, kaɓɛ mbenɔ ájeɗe. Kea á ɓojeɗe base, imisia, ɓá na měma á phiphia ka gbagisaga á měma á ɓakpa esa bui nde ɔɔphɛa.

Ɓaɛbulanía 6:2

ɓɔphɛi ka nyɔngɔ á oɓatisɔ, ka nyɔngɔ á bisia á njaga, ka nyɔngɔ á jujúka ka kukuwa, ɓakpa nde ɗáɓáku na nyɔngɔ á tena nyɔngɔ á ka sungiaga.

2 Pɛ́tɛɛ 1:12

Ka nyɔngɔ índɔ unge nekondi kanisia anu nyɔngɔ ndɔ esa bui, nanga ɓo ye oúba, na kakamana ka nyɔngɔ á ɗoni nde ɗáɓánɔtɔ̌mi.

2 Pɛ́tɛɛ 3:1

Cɔ, ɓadani ékondi, nnde a ye ɓaoɓa á ko iɓɛ nnde nenóɗundui. Ka ɓaoɓa iɓɛ ndɔ bubui, ɗékondi kanisia anu na jujúkisa á úbapha anu ka gea ɓóɓɛ na kanisia ánjá.

Yúda 1:5

Nanga ɓóúba nyɔngɔ ndɔ bui, nekondi gea ɓókanisiɛ ɓî Mɔkɔta ɗěamisi ka mɔngɔ ímoci Ɓaisilaɛ́li ka tokisa aɓɔ ká nji á Mísii, â ndiu goto ɔ̌kɔndɔkisa ɓunde ɗáɓákámɓeeki.