2 Timɔtɛ́ɔ 1:5 - Ɔngana á Kɛ̌kɛ

⁵ Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Timɔtɛ́ɔ 1:5 Iomraidhean Croise

Yoáni 1:47

Mbusa, Yéso áɔmɔna Natanaɛ́li n'aobika mɔtɛ-akɛ. Áɔyɔnga ka phɔakɛ te: «Mɔ́nani Moisilaɛ́li á ɗoni, mmbé nna n'odemayɔ suɓi akɛ.»

Ekuma á ɓateki 16:1

Pɔ́lɔ áojua ka Dɛ́ɛbɛ mbusa á wa, áɔtɔngana na Lísta. Wa, ɗátú na ngoigi moci ina akɛ Timɔtɛ́ɔ. Amakɛ ɗátú Moyúda mɓêki. Abakɛ ɗátú gǎkɛ nɛkɛ Mogiíki.

Ekuma á ɓateki 26:26

Moamɛ Agiípa a tɔ oúba nyɔngɔ ndɔ, ka ɓondɔ unge, nɛɔyɔnga kángá á kɔɓɔɓɔkɔ mosá akɛ. Neoúba ɗoni gea, nna na kema nde aoɓosa nga, ka kema kátɔtɔkɛani ka ɓɔsɔmɛa.

Ɓalɔ́ma 14:14

Ka ɔngana ani na Mɔkɔta Yéso, neúbi na ne engekisi ánjá gea nna na kema nde ajɔɔkani. Ajɔɔkani ndiu ka nkpa nde aɔni gea ande á jɔɔkana.

Ɓalɔ́ma 14:5

Ɓakpa moci-moci ɓáokanisia gea, ana esa nde anyɛ́nyi esa nɛngbo ka kantíti, ɓuangbo gǎkɛ a tɔ kimoci. Ambe nkpa na nkpa áengekisɛ ánjá nkanisiɔ nɛkɛ.

Ɓalɔ́ma 15:14

Ɓaya, eme ne engekisi ka phɔanu gea ɓenu sasanu ɓotúmi na mɔphɛ ánjá na úbapha ásii na ɓɔtɔki phɛana ngǔngu anu.

Ɓalɔ́ma 4:21

Ɗáúbi ɗoni gea, Mokonga ana ɓukpɛkpɛ á tɔtɔkisa phɔtɔ kema nde ɗáɔku.

Ɓalɔ́ma 8:38

Ka nyɔngɔ nde neoúba ɗoni gea, nna na kema nde aɔtɔka n'asókatanisi na ekondi ndea Mokonga. Kaɓɛ n'ande kukuwa, kaɓɛ n'ande enda, kaɓɛ n'ande ɓamalaéka, kaɓɛ n'ande ɓakɔta, kaɓɛ n'ande kema á kɛ̌kɛ, kaɓɛ n'ande kema nde abikande, kaɓɛ n'ande ɓato á ɓukpɛkpɛ,

2 Ɓakɔlítɔ 6:6

Ɓɛɔ̌ɔnisa sisasu gea ɓende ɓabɛɗanigi ndea Mokonga ka esokosea asu, úbapha asu, ɓá asu na měma á phiphia na ɓonjánja. Ɓe kimoci na Měma á kanga ɓojeɗe k'ékondi nɛsu á ɗoni á ɗoni.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 4:6

Cɔ, kangoɗea á ɓadakɔ nyɔngɔ ndɔ base, oɓande mbɛɗanigi anjánjá ndea Kiísito Yéso, mmbé enda akɛ aoɓea nyɔngɔ á ɓeekea na ɓɔphɛi ánjá nde ɗótétemisi.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Ɓaɛbulanía 11:13

Suɓi á ɓeekea nɛɓɔ, ɓáokuwa ɓɔbu kángá tɔá á kema nde Mokonga ɗɛ́ɔku. Cɔ ɓɔ, ɗáɓáɔni gǎkɛ n'a phɔ́tɔ ɗanga, ɓáosesea ú. Mpɔ ɓáoɗigimisa gea, ɗáɓátú ɓakɛni, nji nɛsu nna ka mokonda.

Ɓaɛbulanía 6:9

Cɔ, ɓaya, nanga ɓɛ́yɔnga ɓó, ɓeengekisi ka měma asu gea, aphe á ɓoamia á ka měma nndɔ ɓo kau ande aphe ánjá.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.