2 Timɔtɛ́ɔ 1:3 - Ɔngana á Kɛ̌kɛ

³ Neonsega Mokonga, mmbé nɛɔmbɛɗaneaga na měma ánjá ɓíndɔ ɓatatɛ ɗáɓátúogea. Ne phɔtɔ onsega mbenɔ nde neokokanisia k'ɛ́mɛmi nɛmɔ keiphe n'esa kángá sungiaga.

2 Timɔtɛ́ɔ 1:3 Iomraidhean Croise

Lóka 2:37

Mbusa índɔ, áojiga nke á kekusa na ka ɓî ɗájúsi ɓasaga nkama ngianjaga isaɔ na gena (84), n'a tɔ ɔbɛɗanaga k'éndu á Mokonga keiphe n'esa. Ɗáɔmɛma na ikaga kángá á eaga ka nyɔngɔ á mɛma á Mokonga.

Ekuma á ɓateki 22:3

«Eme, nende Moyúda, nɛɓɔkɔtɛani ka Táasɔ, ntanga-nji moci á ka Kilikía. Nɛmɔti gǎkɛ ka ntanga-nji á ka Yɛusalɛ́ma. Ka njaga á Gamaliɛ́li aunge negoigi ámbá ɛ́ɔphi ndea ɓatatasu bîbíbí, néoɓá nto á moíngí ka Mokonga ɓea ɓenu ɓɔbu kesande.

Ekuma á ɓateki 23:1

Pɔ́lɔ áǒtúmia ɓato á ka ntua ángbó á ɓɔphɛi n'íso, áǒgea te: «Ɓaya, ka enda ani bui, měma ani na tambea ani aánjá mosá á Mokonga.»

Ekuma á ɓateki 24:14

Nyɔngɔ nde neɓeeki gǎkɛ mosá akɔ a ɓe: Nɛɔmbɛɗanɛaga Mokonga ndea ɓatatasu na ɓeá aphe nde ɓági ande á odemayɔ. Neɓeeki gǎkɛ nyɔngɔ bui nde ɓáɗundu suɓi á ɓuku ɛ́ɔphi ndea Mósa, na suɓi á ɓuku ndea ɓaɔtu-nyɔngɔ ndea Mokonga.

Ekuma á ɓateki 24:16

Kaɓondɔ unge, neogea ɓukpɛkpɛ ani esa bui, néɓɛ kángá kisɛki ka měma mosá á Mokonga na mosá á ɓakpa.

Ekuma á ɓateki 26:4

«Ɓayúda ɓɔbu ɓáoúba enda ani, kpanga koganda ani. Ɓáoúba phɔtɔ ɓî ɗékpangi tambea sɔsɔɓɛ á ɓato á ka nji nɛmɔ na ka Yɛusalɛ́ma.

Ekuma á ɓateki 27:23

Kǐpha á kesande, malaéka ndea Mokonga mmbé nende nkpa nɛkɛ phɔtɔ nɛɔmbɛɗaneaga, amokiɗianei,

Ɓalɔ́ma 9:1

Nɛɔyɔnga ɗoni ka jukana na Kiísito, ké gǎkɛ ɔyɔnga mbɛa. Měma á kanga ɓojeɗe asɔndɔi měma ani ka ɗigimisa gea, nɛɔyɔnga ɗoni.

2 Ɓakɔlítɔ 1:12

Kema nde aosópha ɓosegi ka měma ande gea, tambea asu mosá á ɓakpa na mosá anu, ande ɗoni kángá á maibe, n'atóki ka ɓonjánja ndea Mokonga. Nga, ɓonjánja ndea Mokonga aunge aosótámbisa ka mokonda. Nna gǎkɛ kɔɓɔɔngɛ ndea ɓakpa unge aosótámbisa.

Ɓagalatía 1:14

Eya, ɗégoigi nyɔngɔ ésomba ndea Ɓayúda kɔ̌nyɛ́nya ɓamoenga ani. Ɗétú na moíngí phɛɛ kɔ̌nyɛ́nya ɓɔ ka unia asii ndea ɓatatasu.

Ɓaɛphɛ́sɔ 1:16

aunge kéoɗeketa beba á Mokonga ka phɔanu. Neonókanisia suɓi á ɛmɛmi nɛmɔ,

1 Ɓatɛsalɔníka 3:10

Keiphe n'esa, ɓeonɗengemisaga Mokonga gea, ɓégɛ ɓɛ́nɔɔnɛ goto, ɓɛ́gɔɓɛɛ tɔ̌miaga anu, nyɔngɔ bui á ɓeekea a Kiísito.

1 Timɔtɛ́ɔ 1:19

ka amba ɓeekea na úbapha ánjá. Ɓakpa ɓunɛngbo ɓáyé kanisia á ka měma aɓɔ, ɓâ gǎkɛ oɓúngisa ɓeekea nɛɓɔ.

1 Timɔtɛ́ɔ 1:5

Cɔ, cina á ɓɔphɛi nɛmɔ wani, ande bikisa ékondi nde aotóka suɓi á měma ánjá, úbapha ánjá na ɓeekea nde nna na maibe.

1 Timɔtɛ́ɔ 5:5

Nke á kekusa ímbɔ nna na nkpa ɗoni k'ékombo ka enga akɛ, anseɓei mɔɔ tɔ nɛkɛ Mokonga. Yɛ, aɔmmɛma Mokonga keiphe n'esa kángá ɗeketa na bisa á mɔphɛ akɛ ka Mokonga.

2 Timɔtɛ́ɔ 1:5

Ne phɔtɔ okanisia ɓeekea nɛkɔ á kanga maibe ɓíndɔ tatakɔ Luísi n'amakɔ Ɛɔníkɛ, ɗáɓátú ně mosá. Kaɓondɔ, neúbi ɗoni gea, ɓeekea ndɔ a phɔtɔ suɓi akɔ.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Ɓaɛbulanía 13:8

Yéso Kiísito nnaǒketia, kaɓɛ n'ande kala, kesande na mɛyɔ.