2 Timɔtɛ́ɔ 1:16 - Ɔngana á Kɛ̌kɛ

¹⁶ Ambe Mɔkɔta áɛgeɛ ekombo ndea Ɔnɛsiphɔ́ɔ ɓonjánja nga, ɗáomogbagisaga měma mɔngɔ ásii, kángá á kuwa na soni ɓî ne ka mekakɔ.

2 Timɔtɛ́ɔ 1:16 Iomraidhean Croise

Matáyɔ 25:17

Mmbɔ ɗábɛɗi imɔna á láté iɓɛ, áogea ɓíndɔ dakɛ ɗági. Áɔtɔa nɛngbo imɔna á láté iɓɛ.

Matáyɔ 5:7

Maseye ka ɓunde ɓáǒkuia ɓadaɓɔ ngomi, ka nyɔngɔ nde Mokonga aékuiande phɔtɔ ngomi.

Ekuma á ɓateki 21:33

Mɔkɔta á ɓato émani ndɔ, áombîmisia Pɔ́lɔ, áondunga, áososea gea, ɓámɓóɛgɛ na ngoi-ngoi á ngɔa iɓɛ, mpɔ áǒɓúsia ɓakpa ndɔ: «Ɓaya, animámbe? Agi eke?»

Ekuma á ɓateki 28:20

Kaɓondɔ unge nɛnɔ́ɔphani gea nɛ́nɔɔnɛ, nɛ́yɔngɛgɛ na ɓenu. Nga, ɓámɔɓɔí ngoi á ngɔa nde, ka nyɔngɔ á nseɓeɔ nde Ɓaisilaɛ́li ɓáně.»

1 Ɓakɔlítɔ 16:18

Nga, ɓáphɔngisi měma ani sumɓî ɗáɓáphɔngisi měma anu. Óbebani ɓakpa ɓea ɓundɔ.

Ɓaɛphɛ́sɔ 6:20

Nende ntɔnganisi á Mbino-Ánjá, ka nyɔngɔ í unge ne ka mekakɔ. Kaɓondɔ, mɛmani Mokonga gea, nɛ́tɔmiɛgɛ ú na nténdé ɓíndɔ akenani ně.

2 Timɔtɛ́ɔ 1:12

Ka nyɔngɔ índɔ unge neotambaga kau. Ké gǎkɛ na soni í nga, neomúba mmbé ɗémɓeeki. Neengekisi gea, yɛ aámbé ana ɓukpɛkpɛ á amba kema nde ɗámopi na ka ɓî ajaeka.

2 Timɔtɛ́ɔ 1:17

Ɓî Ɔnɛsiphɔ́ɔ ɗájú gǎkɛ ka ntanga-nji á Lɔ́ma, ɗámokaɓi na moíngí phɛɛ na ka ɓî ɗámodondi.

2 Timɔtɛ́ɔ 1:18

O phɔtɔ oúba ánjá phɛɛ gea, ɗámoengi ɓî ɗétú ka Ɛphɛ́sɔ. Kaɓondɔ, ambe Mɔkɔta ánkuiɛ ngomi mosá á Mokonga k'ésa nde abikaeka.

2 Timɔtɛ́ɔ 1:8

Cɔ, kokuwɛmbɛ na soni ka ɗigimisa á nyɔngɔ ndea Mɔkɔta nɛsu. Kokuwɛmbɛ phɔtɔ na soni ka phɔani ímbe ne ka mekakɔ ka nyɔngɔ akɛ. Tambaga ndiu na eme kimoci ka nyɔngɔ á Mbino-Ánjá nga, Mokonga aámbé akophi ɓukpɛkpɛ.

2 Timɔtɛ́ɔ 4:19

Nsambea kani Piisíla, Akíla, n'ekombo ndea Ɔnɛsiphɔ́ɔ.

Philɛmɔ́nɔ 1:20

Eya dani, gea ka phɔani ɓó ka nyɔngɔ á Mɔkɔta. Phɔngisa měma ani suɓi ékondi ndea Kiísito.

Philɛmɔ́nɔ 1:7

Dani, ekondi nɛkɔ ɗámopi maseye phɛɛ na gbagisaga měma ani ka nyɔngɔ nde, ɗɔ́phɔngisigi měma á ɓato á Mokonga.

Ɓaɛbulanía 10:34

Nga, ɗóɓǒkui ngomi ɓunde ɗáɓátú ka mekakɔ. Ɓô phɔtɔ oɓeekea na maseye utá á nkumba nɛnu ka nyɔngɔ nde ɗóɓooúba gea ɓona ɛtɔi ánjá phɛɛ nnde nnaoújukana.

Ɓaɛbulanía 6:10

Mokonga nna na měma akpɛ. Káɓoseɛku ekuma nɛnu na ekondi nɛnu ka phɔakɛ nga, ɗóɓobɛɗanigi na ɓî ɓo phɔ́tɔ ɔ̌bɛɗaneaga ɓaɓêki ɓunɛngbo.