2 Timɔtɛ́ɔ 1:13 - Ɔngana á Kɛ̌kɛ

¹³ Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

2 Timɔtɛ́ɔ 1:13 Iomraidhean Croise

Ɓalɔ́ma 2:20

Onde phɔtɔ ngoisigi á ɓabóbó na ngoisigi á ɓaniki nga, ooúba ɗoni gea, ɛɔphi aokophangia aphe á úbapha phɛɛ na koɗoni.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

Ɓaphilípi 1:27

Ɓî a ɓó, tambeani tɔ ɓíndɔ akeni ka Mbino-Ánjá ndea Kiísito. Geani tɔ ɓó, ka gea te, nanga nébika k'aphe á ɔnjia anu, nanga kébiki, nɛɔ́kande nyɔngɔ anu gea, ɓomame akpɛ suɓi á ɓeekea na měma mo, na manisa kimoci na měma moci ka ɓeekea nde aesukíí ka Mbino-Ánjá.

Ɓaphilípi 4:9

Tɔtɔkisani kema nde ɗénóphi na goisaga anu, nnde ɗɔɓɔɔ́ki na nɛɔyɔnga na nnde ɗɔ́ɓɔɔni na neogea. Mpɔ, Mokonga, mɛna-ɓujɛjɛ, aɓande kimoci na ɓenu.

Ɓakɔlɔsái 1:4

Cɔ, ɗɛ́ɓɛɔ́ki ɓî ɓomɓeeki Kiísito Yéso, na ɓǒkondi ɓakpa ndea Mokonga ɓɔbu.

1 Ɓatɛsalɔníka 5:21

Ɛnjiani phɔ́ ɓɔphɛi bui mosá, mpɔ, ɓóoamba nnde aánjá.

1 Timɔtɛ́ɔ 1:10

ɓato á iɛɓɛ, ɓǒko íɓunde ɓáoɗaga na ɓadaɓɔ ɓǒko, ɓasombisigi ɓakɔɓɛ, ɓato á mbɛa, na ɓakpa nde ɓáɔɔpha ka mbɛa, na ɓunde ɓákáoɓeekea ɓɔphɛi á kanga ɓojeɗe.

1 Timɔtɛ́ɔ 1:14

Eya, Mɔkɔta nɛsu aɓikisi phɛɛ ɓonjánja-ékondi nɛkɛ k'éme. Ɗámopi ɓeekea na ekondi nde atóki ka ɔngana ani na Kiísito.

1 Timɔtɛ́ɔ 6:3

Aoɓá nkpa n'agoisigi ɓɔphɛi nɛngbo n'atingani na nyɔngɔ á ɗoni ndea Mɔkɔta nɛsu Yéso Kiísito, na nnde atingani na goisaga nde akeni ka ɓeekea,

2 Timɔtɛ́ɔ 1:1

Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.

2 Timɔtɛ́ɔ 1:14

Ámbá ánjá nyɔngɔ nde ɗáɓákophi, ka ɓukpɛkpɛ á Měma á kanga ɓojeɗe nnde aiki suɓi akɔ.

2 Timɔtɛ́ɔ 2:2

Ɓɔphɛi nɛmɔ nnde ɗɔ́ɔ́ki mosá á ɓakpa ɓásii, ɔ́phɛ́a ɓakpa nde ɓákeni ka gea, ɓáɓɛ na ɓukpɛkpɛ á goisaga ɓakpa ɓuangbo.

2 Timɔtɛ́ɔ 3:14

Oɓɛ, ɓeá tɔ ɓɔphɛi nde ɗɔ́ɔ́ki na nnde ɗóengekisi ánjá nga, ǒɓúba ɓagoisigi nde ɗáɓákogoisigi ú.

2 Timɔtɛ́ɔ 4:3

Mbenɔ abikande, nnde ɓakpa ɓáyande ɓɔphɛi á ɗoni, ɓâ ndiu oɓea mɔphɛ nɛɓɔ sasaɓɔ. Ɓáékáɓande ɓagoisigi ɓásii ɓunde ɓáétimbande ka phɛá aɓɔ nyɔngɔ nde ɓɔ ɓáokonda ɔ́ka í.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Títɔ 2:1

Cɔ, oɓɛ gǎkɛ, góisaga tɔ nnde akeni ka goisaga á ɗoni.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

Ɓaɛbulanía 10:23

Ɓéambɛni akpɛ nseɓeɔ nɛsu nnde ɓɛɔtɔmiaga mosá á ɓakpa nga, Mokonga nnaotinganisa mɔkɔ nɛkɛ.

Ɓaɛbulanía 3:6

Kiísito aámbé a ndiu nto á ɗoni ɓea ánge k'éndu ndea Abakɛ. Ande gea te, endu ndɔ ande ɓesu, kaɓɛ na ɓena inyamɛ na ɓeoamba nseɓeɔ nde ɓeǒbeba ně.

Ɓaɛbulanía 4:14

Cɔ, ɓî ɓena ngbɛga á ɓatoɓeigi-phɛ́a phɛɛ mmbé ɗátɔngani na koba n'ande Yéso Muna-Mokonga, ɓététemisɛni ɓeekea nde ɓɛɔtɔmiaga mosá á ɓakpa

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.

Mphaniɔ 2:25

Ambani ndiu tɔ ánjá nyɔngɔ nde ɓo kau na ka ɓî nejaeka.

Mphaniɔ 3:11

Cɔ, neokamisaga bika. Ámbá akpɛ kema nde oně, ka gea, nkpa ɓaangbo kabɛɗɛmbɛ ɛkɔmi nɛkɔ.

Mphaniɔ 3:3

Cɔ, kanisia phɔ́ ɓɔphɛi nde ɗɔ́ɔ́ki na ɓeekea í. Ámbá ɓɔphɛi ndɔ, na ókětiɛ tambea akɔ ájeɗe. Aoɓá na kɔ́ɛngɛphi, nebikande ɓea nkukuɓa, kóúbɛku tanda mbenɔ sina nde nebikande okobutukisa.