2 Timɔtɛ́ɔ 1:1 - Ɔngana á Kɛ̌kɛ

^1-2 Ka Timɔtɛ́ɔ, miki nɛmɔ ékondi samba. Eme Pɔ́lɔ, nteki nde ɓa á Kiísito Yéso, k'ékondi ndea Mokonga aámbé nekoɗundui ɓaoɓa ndee. Amopi ekuma á úbisa a mɔkɔ á enda, nnde a ka moangɔ ndea Kiísito Yéso. Ɓonjánja, ngomi, na ɓujɛjɛ áɓɛ n'oɓɛ k'ína á Abasu Mokonga na Mɔkɔta nɛsu Kiísito Yéso.

2 Timɔtɛ́ɔ 1:1 Iomraidhean Croise

Yoáni 10:28

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Yoáni 17:3

Enda á mɛyɔ ndɔ, ande úba akɔ gea, oɓɛ sasakɔ aámbé onde Mokonga ɗoni, na úba á Yéso Kiísito mmbé ɗónteki.

Yoáni 5:24

Eya, nenóngoɗi ɗoni gea, mmbé aɔɔ́ka nyɔngɔ nɛmɔ na ɓeekea á mmbé amoteki, ana enda á mɛyɔ. Ɓákátenɛku nyɔngɔ nɛkɛ akpɛ nga, atingi ye kukuwa, áoɓá na enda.

Yoáni 6:40

Cɔ, mɔphɛ á Abɛ a ɓe: Mmbé aɔmɔna Muna-Mokonga na ɓeekea akɛ, áɓɛ na enda á mɛyɔ na nenjujukisande k'ésa á sungiaga á mokonda.»

Yoáni 6:54

Mmbé aoea kesuku ani na noa á magia ani, ana enda á mɛyɔ, na nenjujukisande ka kukuwa esa á sungiaga á mokonda.

Ɓalɔ́ma 1:1

Ka ɓaɓêki ndea ka Lɔ́ma, sambani. Cɔ, eme Pɔ́lɔ mbɛɗanigi ndea Kiísito Yéso aámbé neɗundu ɓaoɓa ndee. Mokonga ɗámɔɔphani ka gea néɓɛ nteki, ɗámɔsɔmbu ka tɔ̌miaga Mbino-Ánjá nɛkɛ.

Ɓalɔ́ma 5:21

Kaɓondɔ, ɓî ɓojeɗe ɗátú na kɔkɔta, áɔtɔtɔkisa kukuwa, ɓondɔ phɔtɔ unge ɓonjánja-ékondi ndea Mokonga áɓɛ na kɔkɔta ka koɗoni na tɔtɔkisa enda á mɛyɔ ka Yéso Kiísito Mɔkɔta nɛsu.

Ɓalɔ́ma 6:23

Nga, ophendɔ á ɓojeɗe ande kukuwa, egabɔ á ɓonjánja-ékondi ndea Mokonga a ndiu enda á mɛyɔ kimoci na Kiísito Yéso Mɔkɔta nɛsu.

1 Ɓakɔlítɔ 1:1

Ka ɓato á kanisa ndea Mokonga, nnde á ka Kɔlítɔ, sambani. Eme Nteki Pɔ́lɔ aámbé nenóɗundui ɓaoɓa ndee. Yéso Kiísito aámbé ɗámɔɔphani ɓíndɔ Mokonga ɗákondi. Muna-amasu Sɔsitɛ́ni anósambei phɔtɔ. Kiísito ɗánɔɔphani ka gea, ɓóɓɛ ɓakpa nɛkɛ. Ɓo goto tɔ k'ékombo nde ɓáɔmɛma Mɔkɔta nɛsu Kiísito Yéso k'ɔ́ma bui. Yɛ ande Mɔkɔta nɛsu na Mɔkɔta ndea ɓaɓêki ɓɔbu.

2 Ɓakɔlítɔ 1:1

Ka ɓato á kanisa ndea Mokonga, ɓunde ɓá ka Kɔlítɔ, na ka ɓaɓêki ɓɔbu á ka Akáya, sambani! Eme nteki Pɔ́lɔ aámbé neɗundu ɓaoɓa nde kimoci na Timɔtɛ́ɔ. Nende nteki nde ɓa Kiísito Yéso ka nyɔngɔ á mɔphɛ á Mokonga.

2 Ɓakɔlítɔ 1:20

Nga, ka Yéso aámbé Mokonga agi eya ka mɔkɔ nɛkɛ bui ndea Mokonga. Ka yɛ Yéso, ɓeoɓeekea: «Áɓɛ ɓó» ka ɗokomisa á Mokonga.

Ɓagalatía 3:26

Cɔ, ɓenu ɓɔbu, ka nyɔngɔ á ɓeekea a Yéso Kiísito, ɓo ye tɔ ɓana-Mokonga.

Ɓagalatía 3:28

Oɓayɔ nna ye sɔsɔɓɛ á Ɓayúda na ɓunde ɓáná Ɓayúda, ɓakɔɓɛ na ɓunde ɓáná ɓakɔɓɛ, ɓǒko na ɓake. Ɓenu ɓɔbu ɓonde moci suɓi á Yéso Kiísito.

Ɓaɛphɛ́sɔ 3:6

Nyɔngɔ á ɓɔsɔmɛa kau aungee: Ka nyɔngɔ á Mbino-Ánjá aunge Ɓayúda na ɓunde ɓáná Ɓayúda ɓátɔande ɓotukɔ nde Mokonga aebisíí ɓakpa nɛkɛ. Ɓátóki tɔ ka nyama mo, mɔkɔ ndɔ Mokonga ɗábisi ka Yéso Kiísito, a tɔ ka ɓɔ.

1 Timɔtɛ́ɔ 6:19

Kaɓondɔ unge, ɓábisande ka ɓɔ nkumba ánjá nnde aoiphia k'ésa nde abikaeka ka gea, ɓáɓɛ na enda á ɗoni.

2 Timɔtɛ́ɔ 1:10

Kɛ̌kɛnde, ɓonjánja-ékondi ndɔ aúbikani base ka kiɗia á Namisi nɛsu Kiísito Yéso. Yɛ aámbé agɔɓi ɓukpɛkpɛ á kukuwa, áosóphangia base enda á mɛyɔ ka Mbino-Ánjá nɛkɛ.

2 Timɔtɛ́ɔ 1:13

Cɔ, amba á nyɔngɔ á ɗoni nde ɗékongoɗi áɓɛ mphangiɔ k'óɓɛ. Ámbá ɓeekea n'ekondi nde ɓeně suɓi á Kiísito Yéso.

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:1

Cɔ, oɓɛ miki nɛmɔ Timɔtɛ́ɔ, ɓá na ɓukpɛkpɛ ka ɓonjánja-ékondi nde Kiísito Yéso ɗásóphi.

2 Timɔtɛ́ɔ 2:10

Kaɓondɔ unge, nephiphíí tambaga bui ka nyɔngɔ á ɓakpa nde Mokonga ɛ̌sɔmbu ka gea, Yéso Kiísito éamisɛ phɔtɔ ɓɔ ka měma na tɔá á ɓoombia á mɛyɔ.

2 Timɔtɛ́ɔ 2:3

Tambaga ɓea nto-émani anjánjá ndea Kiísito Yéso ɓíndɔ ne kau.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Títɔ 1:2

Kaɓondɔ, ɓáɓánde na nseɓeɔ á enda á mɛyɔ, nnde Mokonga, mmbé nnaɔyɔnga mbɛa, ɗásɔɔku mosá á mbenɔ bubui.

Títɔ 1:4

Nekoɗundui ɓaoɓa nde, oɓɛ Títɔ, miki nɛmɔ á ɗoni ka ɓeekea nde ɓenoɓɛ kau. Cɔ, Abɛ Mokonga, na Kiísito Yéso Namisi nɛsu, ákophɛ ɓonjánja-ékondi na ɓujɛjɛ.

Ɓaɛbulanía 9:15

Ka nyɔngɔ índɔ unge Kiísito ande mɔɔnganisi á ɔngana á kɛ̌kɛ. Ɗákú ka tokisa á ɓakpa ka ɓojeɗe nde ɗáɓáogea ú ka mbenɔ á ɔngana á kala. Kaɓondɔ, ɓunde Mokonga ɛ̌ɓɔphani ɓáɔtɔka na ɓatɔi nkumba nde ɗɛ́ɔku nnde káujukanɛeka.

1 Yoáni 2:25

Mɔkɔ nde yɛ sisakɛ asɔɔku ande enda á mɛyɔ.