2 Ɓatɛsalɔníka 3:6 - Ɔngana á Kɛ̌kɛ

⁶ Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

2 Ɓatɛsalɔníka 3:6 Iomraidhean Croise

Matáyɔ 18:17

Aoɓá gǎkɛ na káɛɓɔ́ki, tɔ̌mia nyɔngɔ nɛkɛ ka kanisa. Aoɓá n'ayé phɔtɔ ɔ́ka á kanisa, ntángá ɓea mphendisigi-manjanja, na nkpa nde nna mɓêki.

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 5:9

Suɓi á ɓaoɓa ndɔ ɗénóɗundui mosá, ɗénógi te, ɓókodaɗokeanɛmbɛ na ɓato á otungɔ.

2 Ɓakɔlítɔ 2:10

Aoɓá n'oími ɓojeɗe ndea nkpa, nê phɔtɔ oíma ú. Mbenɔ nde neoíma, aoɓá na nena ɓojeɗe nɛngbo ásii á íma í, neoíma ú ka nyɔngɔ anu mosá á Kiísito.

Ɓaɛphɛ́sɔ 4:17

Cɔ, nenóɗengemisigi k'ína á Mɔkɔta gea: Ɓókótambeɛ mɔnɔ ye ɓea ɓakpa nde ɓánáomúba Mokonga, ɓunde kanisia aɓɔ a tɔ jǎi-jǎi

Ɓakɔlɔsái 3:17

Kema bui nde ɓoogea na yɔnga í, geani tɔ ú k'ína á Mɔkɔta Yéso, na sega á Abɛ Mokonga ka yɛ.

1 Ɓatɛsalɔníka 4:1

Cɔ, ɓaya, ka sungiaga, ɓɛnɔphɛí ye nyɔngɔ á tambea nde aɔmɓɔngɛa Mokonga. Ɗoni, ɓotambi tɔndɔ ɓó. Kɛ̌kɛnde gǎkɛ, ɓɛnɔmɛmi na ɗengemisaga anu k'ína á Mɔkɔta Yéso gea, ɓótetemisɛ phɔtɔ tambea ndɔ ánjá phɛɛ.

1 Ɓatɛsalɔníka 4:11

Suiani phɔtɔ ika ka ɓujɛjɛ. Ɓókongiɛ mɔnɔ ka nyɔngɔ ndea ɓakpa ɓuangbo. Tétemisani ndiu ekuma á ka njaga anu sasanu. Nyɔngɔ ndɔ a tɔ ɓíndɔ ɗéɓenóngoɗi.

1 Ɓatɛsalɔníka 5:14

Ɓaya, ɓenóɗengemisigi, ókeagani ɓakpa nde ɓáná ɔbɛɗa ka kema, ógbagisagani ɓato á kɔɓɔɓɔkɔ, óengani ɓakusi. Óphiphiani ɓakpa ɓɔbu.

2 Ɓatɛsalɔníka 2:15

Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

2 Ɓatɛsalɔníka 3:7

Nga, ɓo ye oúba sasanu ɓî akeni ɓeá á mphangiɔ nɛsu. Ka nyɔngɔ nde ɗéɓékétú ɓakusi mɔtɛ-anu.

1 Timɔtɛ́ɔ 5:21

Nekososi base mosá á Mokonga na mosá á Kiísito Yéso, na ɓamalaéka á kanga ɓojeɗe gea, amba ɓɔphɛi ndee: Mbenɔ nde ɔɔbɛɗanaga, bɛɗanaga kángá oɓayɔ, phɔtɔ kángá egami ka nkpa.

1 Timɔtɛ́ɔ 6:5

sani nde nna na sungiaga, ɓea ɓabóbó íɓunde ɓáná ye ɔtɔka úba á ɗoni. Ɓakpa ndɔ ɓáokanisia te, ɓeekea á Kiísito, ande aphe á ɛtɔi.

2 Timɔtɛ́ɔ 3:5

Ɓáɔɔnɛkana ka nsɛgɛ ɓea ɓakpa nde ɓáomɓánga Mokonga, na ɓáyé ndiu ɓukpɛkpɛ á Mokonga. Cɔ, óɓángisani na ɓakpa ndɔɔ.

2 Timɔtɛ́ɔ 4:1

Cɔ, Timɔtɛ́ɔ, nekososi base mosá á Mokonga na Kiísito Yéso, mmbé atenaeka nyɔngɔ ndea ɓakpa nde ɓáku na ɓunde ɓáoenda, ka sɛnɛka akɛ ka koɓoamɛ nɛkɛ:

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ