2 Ɓatɛsalɔníka 3:16 - Ɔngana á Kɛ̌kɛ

¹⁶ Ambe Mɔkɔta mɛna-ɓujɛjɛ, yɛ sasakɛ ánóphɛ ɓujɛjɛ esa bui na ka kema bui. Áɓɛ na ɓenu ɓɔbu.

2 Ɓatɛsalɔníka 3:16 Iomraidhean Croise

Matáyɔ 1:23

«Nseka akumbande éme. Amɓɔkɔtande miki-mǒko, ɓámɔphanande Ɛmanuɛ́li.» Ande gea te: «Mokonga a kimoci na ɓesu.»

Matáyɔ 28:20

Ɓógoisɛgɛ ɓɔ amba á nyɔngɔ bubui nde ɗénósosi. Na úbani gea, ne kimoci na ɓenu esa bui na ka sungiaga á mokonda.»

Lóka 2:14

Ɓoombia ka Mokonga, mmbé á na koba ee! Ɓujɛjɛ ka ɓakpa nɛkɛ, ɓundɔ ěkondi ee!

Yoáni 14:27

Nenóɗeketei ɓujɛjɛ, nenophi ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ.

Yoáni 16:33

Netónongoɗi nndɔ bui ka gea, ɓóɓɛ na ɓujɛjɛ ka jukana anu n'eme. Ɓotambagande ka mokonda. Cɔ, ɓáni gǎkɛ na nténdé, ne ye kíndí mokonda.»

Ɓalɔ́ma 1:7

Cɔ, nenóɗundui ɓenu ɓɔbu suɓi á Lɔ́ma ɓunde Mokonga aekondi na ɓunde ɗáɛɓɔphani ka ɓá ɓakpa nɛkɛ ɓato á kanga ɓojeɗe, ɓonjánja-ékondi na ɓujɛjɛ ndea Abasu Mokonga na Mɔkɔta nɛsu Yéso Kiísito áɓɛ na ɓenu.

Ɓalɔ́ma 15:33

Ambe Mokonga mɛna-ɓujɛjɛ áɓɛ kimoci na ɓɛnu ɓɔbu. Áɓɛ ɓó!

Ɓalɔ́ma 16:20

Mokonga mɛna-ɓujɛjɛ ankpɔtande Sɛtáni kɛ̌kɛnde kusi á ecinji anu. Ambe ɓonjánja-ékondi ndea Mɔkɔta Yéso Kiísito áɓɛ kimoci na ɓenu!

1 Ɓakɔlítɔ 14:33

nga, Mokonga nna nto á eongo, a ndiu nto á ɓujɛjɛ. A tɔ ɓó ka kanisa bubui ndea ɓaɓêki ndea Mokonga.

2 Ɓakɔlítɔ 13:11

Cɔ, ɓaya, ɓójiga ye. Ɓáni na maseye, ókakamisani ka ɓá kángá ɓojeɗe, ógbagisagani ngǔngu anu, ɔ́kanani na měma mo, ikani ka ɓujɛjɛ. Mpɔ, Mokonga, mɛna-ekondi na ɓujɛjɛ, aɓande kimoci na ɓenu.

Ɓaɛphɛ́sɔ 6:23

Ambe Mokonga Abasu na Mɔkɔta nɛsu Yéso Kiísito, áeɓophɛ ɓadasu ɓakiísito ɓɔbu ɓujɛjɛ, ekondani, na měma á ɓeekea.

1 Ɓatɛsalɔníka 3:11

Cɔ, ɛmɛmi nɛsu ande gea, Abasu Mokonga na Mɔkɔta nɛsu Yéso Kiísito, ásókoɗeɛ aphe á dondana asu na ɓenu.

1 Ɓatɛsalɔníka 5:23

Mokonga, Mɛna-ɓujɛjɛ, ánophɛ měma ánjá phɛɛ, áambɛ enda anu bui, ka gea, měma anu, úbapha anu na nyama anu, áikɛ kángá á ɓojeɗe na ka ɓî Mɔkɔta nɛsu Yéso Kiísito asɛnɛkaeka.

2 Ɓatɛsalɔníka 3:18

Ambe ɓonjánja-ékondi ndea Mɔkɔta nɛsu Yéso Kiísito, áɓɛ na ɓenu ɓɔbu.

2 Timɔtɛ́ɔ 4:22

Cɔ, Mɔkɔta áɓɛ n'oɓɛ. Ɓonjánja-ékondi nɛkɛ áɓɛ na ɓenu.

Philɛmɔ́nɔ 1:25

Cɔ, ɓonjánja-ékondi ndea Mɔkɔta Yéso Kiísito, áɓɛ na ɓenu.

Ɓaɛbulanía 13:20

Cɔ, Mokonga mɛna ɓujɛjɛ, ɗánjujúkisi Mɔkɔta nɛsu Yéso Kiísito sɔsɔɓɛ á ɓasí. Yéso aámbé ande nambi angbónbgó á ɓamɔgɔgɔ. Magia akɛ asɔ́tɔisi ɔngana á mɛyɔ.

Ɓaɛbulanía 7:2

Yɛ aámbé Abalaámu ɗámophi phɔtɔ phaeka moci á nkama á nkumba bui nde ɗábɛɗi. Kantíti á ina ndɔ Mɛlkisɛdɛ́ki ande phɔ́ «Moamɛ á koɗoni». Ɗátú phɔtɔ moamɛ á ka Salɛ́mu ande gea te «Moamɛ á ɓujɛjɛ.»