2 Ɓatɛsalɔníka 3:14 - Ɔngana á Kɛ̌kɛ

¹⁴ A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

2 Ɓatɛsalɔníka 3:14 Iomraidhean Croise

Matáyɔ 18:17

Aoɓá gǎkɛ na káɛɓɔ́ki, tɔ̌mia nyɔngɔ nɛkɛ ka kanisa. Aoɓá n'ayé phɔtɔ ɔ́ka á kanisa, ntángá ɓea mphendisigi-manjanja, na nkpa nde nna mɓêki.

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 4:14

Kénóɗundui nyɔngɔ nde ka kusa anu na soni, a ndiu ka phɛá anu ɓea ɓaniki nɛmɔ ékondi phɛɛ.

1 Ɓakɔlítɔ 5:11

Cɔ, ɗénoɗundui gǎkɛ gea, ɓókodaɗokeanɛ mɔnɔ na nkpa nde aogea: «Nende mokiísito», n'ande: nto á otungɔ, nto á phɛngɛmana á měma ka kema, nto á beba ɓamokonga á mbɛa, nto á ɛphɔti, nto á ɓoita, nto á njaga-njaga. Ɓókóeɛgɛmbɛ na ɓɔ.

1 Ɓakɔlítɔ 5:9

Suɓi á ɓaoɓa ndɔ ɗénóɗundui mosá, ɗénógi te, ɓókodaɗokeanɛmbɛ na ɓato á otungɔ.

2 Ɓakɔlítɔ 10:6

Mbenɔ nde ɔ́kapha nɛnu a ye oɓá kángá kisɛki, ɓeɓande bíbí ka tena á nyɔngɔ akpɛ, tambea á kanga ɔ́kapha.

2 Ɓakɔlítɔ 2:9

Nga, ɗénóɗundui ka tombaga anu ka gea nɛ́ɔnɛ mmbe ɓooɓeekea nyɔngɔ nɛmɔ bui.

2 Ɓakɔlítɔ 7:15

Títɔ anokondi phɛɛ nga, aokanisia ɓíndɔ ɗɔ́ɓɔɔmɔ́ka yɛ, ɓóonsesea, ɓóonɗokomisa na ɓánga akɛ.

Ɓaphilípi 2:12

Cɔ, ɓadani ékondi, ɗɔ́ɓɔɔmɔ́ka na ne ka ɔlɔ anu. Kɛ̌kɛnde, atókeni ɓótútuisɛ gea ɓó ka ɓ'esa ndee nanga ɓî ne ɗanga na ɓenu. Bɛɗanagani ka nyɔngɔ á ɓoamia nenu na ɓánga na kɔɓɔɓɔkɔ.

Ɓakɔlɔsái 4:16

Ɓo ye ɔgɔɓɛa tanga a ɓaoɓa nde, geani ɓukpɛkpɛ anu ka gea ɓátangɛ ú ka kanisa á ka Laɔdikía. Ambe ɓótangɛ phɔtɔ ɓaoɓa nde ɓánótekisiande kó.

1 Ɓatɛsalɔníka 4:8

Cɔ, nkpa nde ayé ɓɔphɛi ndɔ, kán'yé nkpa nde amphɛí, an'yé ndiu Mokonga, mmbé asóphi Měma nɛkɛ.

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

Títɔ 2:8

Ambe phɛá tɔ nyɔngɔ á ɗoni, nnde nkpa káyɛku. Ɓondɔ unge, ǒkusande ɓaɓiɓia akɔ na soni, na ɓákáyɔngɛku ye ájeɗe ka phɔasu.

Títɔ 3:10

Cɔ, nkpa nde aobikisa katanaga, nkéa mɔngɔ iɓɛ, mpɔ ómphapheɛ.

Philɛmɔ́nɔ 1:21

Cɔ, nekoɗunɗui ka nyɔngɔ nde neoúba ɗoni gea, ɔtɔtɔkisande kema kɔnyɛ́nya nnde nekongoɗi.

Ɓaɛbulanía 13:17

Óɓángani ɓakɔta nɛnu na tɔtɔkisa á nyɔngɔ nde ɓáonóngoɗea. Ka nyɔngɔ nde ɓáɔbɛɗanaga ásii ka phɔa měma anu nga, ɓaoúba gea te, Mokonga aeɓúsiande ka nyɔngɔ í. Kaɓondɔ unge, ambe ɓábɛɗanɛgɛ na maseye kángá á bɛɗanaga na ntaɓo. Ɓáɔbɛɗanaga na ntaɓo, nndɔ kánóengɛku ka kema.

2 Yoáni 1:10

Aoɓá nkpa n'abiki mɔtɛ-anu, na kábiki na ɓɔphɛi ndee, ɓókóɓeekeɛmbɛ ángiɛ mɔtɛ-anu na ɓókónseseɛmbɛ