2 Ɓatɛsalɔníka 2:9 - Ɔngana á Kɛ̌kɛ

⁹ Bika á nto á otúkɔtúkɔ aɓande ka ɓukpɛkpɛ á Sɛtáni, atɔtɔkisande etéte bubui á ketangaɔ, mphangiɔ, na kema á ɓangisa á odemayɔ.

2 Ɓatɛsalɔníka 2:9 Iomraidhean Croise

Matáyɔ 12:22

Cɔ, ɓáombikia Yéso na nkpa moci, mmbé ɓansombo ɗáɓámbisi keíme-íme na kauma. Yéso áonamisa nkpa ndɔ, áokpanga yɔnga na ɔnapha.

Matáyɔ 24:24

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Matáyɔ 4:10

Mpɔ Yéso áongea: «Tóka wa, Sɛtáni! Ɓáɗundu suɓi á Ɓuku á Mokonga ɓe: ‹Onɗokomisande Mɔkɔta, Mokonga nɛkɔ na yɛ sasakɛ tɔndɔ aámbé ombebande.›»

Málikɔ 13:22

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Lóka 11:25

Ka ja aɓɔ, ɓáodonda endu na ɓáphǔ na ɓáɓɔngisi.

Yoáni 4:48

Yéso áongoɗea te: «Kaɓɛ na ɓɔ́kɔ́ɔnimbɛ mphangiɔ na ketangaɔ, ɓókómoɓeekeɛku tanda.»

Yoáni 8:41

Ɓenu, ɓo tɔ ɔbɛɗanaga ekuma ndea abanu.» Ɓâ gǎkɛ ongea: «Ɓéké ɓana nka-abɛ. Abasu a tɔ moci, Mokonga.»

Yoáni 8:44

Ɓonde ɓana-nketi, ɓo phɔtɔ okaɓa tɔtɔkisa á mɔphɛ á abanu. Ande nto á kaiso kpanga ka nkpangeɔ, nnaomama ka nyɔngɔ nde ande á ɗoni nga, ɗoni nna suɓi akɛ. Mbenɔ nde aɔyɔnga mbɛa, nndɔ a tɔ ebigɔ nɛkɛ ka nyɔngɔ nde yɛ, ande nto á mbɛa n'ande phɔtɔ Aba-mbɛa.

Ekuma á ɓateki 13:10

Áongea te: «Oɓɛ otúmi n'etéte bui á maibe n'odemayɔ, muna-nketi, mɓiɓia á etéte bui á koɗoni, kóɗeketɛeka túkatúka á moangɔ ndea Mɔkɔta?

2 Ɓakɔlítɔ 11:14

Kema ndɔ nna á tangaaga í nga, Sɛtáni aǒgaia sasakɛ ka gea te, ande malaéka nde aojuanisa owanga.

2 Ɓakɔlítɔ 11:3

Ne gǎkɛ oɓánga gea, ɓákanódemɛgɛmbɛ, ka ɗeketisa anu kanisia anu na ɓeekea nɛnu á ɗoni, ɓíndɔ Nketi ɗángí suɓi á njɔka, áondemaga Áwa na maibe nɛkɛ.

2 Ɓakɔlítɔ 4:4

Ɓákáomɓeekea Mokonga, ka nyɔngɔ nde, nketi moamɛ á ka mokonda nde aɗaki úbapha aɓɔ. Kaɓondɔ, ɓánáoengekisa owanga á Mbino-Ánjá á ɓoombia á Yéso Kiísito, mmbé ande keongi á Mokonga.

Ɓaɛphɛ́sɔ 2:2

Ɗóɓooenda suɓi á ɓojeɗe na ɓeá nyɔngɔ á mokonda ndee. Ɗɔ́ɓɔɔmɔ́ka mɔkɔta á ɓansombo á ɓukpɛkpɛ ájeɗe mmbé amamei nji sɔsɔɓɛ á mokonda na koba, měma ndɔ aɔbɛɗanaga suɓi á ɓakpa nde ɓákáɔmɔ́ka Mokonga.

2 Timɔtɛ́ɔ 3:8

Ɓakpa ndɔ ɓá ɓea Yánɛ na Yambúlɛ, ɓunde ɗáɓápúi kala na Mósa. Nga, ɓakpa ndɔ ɓáyé phɔtɔ nyɔngɔ á koɗoni bui, úbapha nɛɓɔ aújúkani, ɓeekea nɛɓɔ nna na kantíti.

Yakɔ́ɓɔ 3:15

Nga, kɔɓɔɔngɛ ɓíndɔ, nnaotóka na koba. A ndiu á ka mokonda, á kokpa phɛɛ na á koketi.

Mphaniɔ 12:17

Njɔka ndɔ, áɔmɓɛɛa nke ndɔ phɛɛ. Áoga ǒmanisa ɓana-nke ndɔ ɓuangbo. Ɓaniki ndɔ ɓáunge ɓáoamba ɛɔphi ndea Mokonga na ɓeá á ɓɔphɛi ndea Yéso.

Mphaniɔ 12:9

Ɓáomɓeaga njɔka angbóngbó ndɔ, ɓáommaka yɛ na ɓamalaéka nɛkɛ ka mokonda, njɔka angbóngbó á kala ndɔ mmbé ɓáɔmɔphana nketi phɔtɔ Sɛtáni nga, aǒdema ɓato á ka mokonda ɓɔbu.

Mphaniɔ 18:23

Owanga á ɔbɛa kabɛnyɛeka ye mɔtɛ-akɔ. Ɓákáɔ́kɛeka ye mɔtɛ-akɔ, ɛsɔ á mǒko éyamani na mpakai nɛkɛ nga, ɓasombisigi nɛkɔ ɗáɓáombi ka mokonda phɛɛ. Ka nyɔngɔ á ɓiji-ɓiji nɛkɔ, ɗǒdemi ɓato á ka mokonda bui.»

Mphaniɔ 19:20

Ɓɔ, ɓâ gǎkɛ ondunga nyama ndɔ kimoci na mɔtu-nyɔngɔ á mbɛa mmbé ɗátɔtɔkisi ketangaɔ mosá akɛ, ka dema á ɓundɔ ɗáɓátú na mphangiɔ á nyama na ɗáɓáogbúka muanku aɓo mosá á tɔnkɛngɛ akɛ. Nyama, na mɔtu-nyɔngɔ á mbɛa, ɓáǒmaka suɓi á ɛɛmbɛ á nsa na ɓáoenda.

Mphaniɔ 20:10

Mpɔ, nketi mmbé ɗáedemigi, ɓáommaka k'ɛɛmbɛ á nsa kuɓî ɗáɓáemaki nyama na mɔtu-nyɔngɔ á mbɛa. Ɓátambagande kó keiphe n'esa nkongopha na nkongopha.

Mphaniɔ 9:11

Moamɛ nɛɓɔ ande malaéka á mininga, ina akɛ ka Kiɛbulanía ande «Abidáni», ka Kigiíki, ande «Apɔliɔ́ni», n'ande gea: «Ntúkatuki».