2 Ɓatɛsalɔníka 2:15 - Ɔngana á Kɛ̌kɛ

¹⁵ Cɔ, ɓaya, mamani akpɛ na ɓóambɛ ɓɔphɛi nde ɗéɓenógoisigi, nanga nnde ɗéɓenógoisigi n'ɛsɔ, nanga nnde á ka ɓaoɓa nɛsu.

2 Ɓatɛsalɔníka 2:15 Iomraidhean Croise

Ɓalɔ́ma 16:17

Kaɗenge-ɗenge ɓaya! Óengani na ɓunde ɓáosoea katanaga á ɓakiísito na ɓúngaga ka nyɔngɔ á ɓɛnjiaga ɓɔphɛi nde ɓotɔ́ɔ́ki. Ikani ɗanga na ɓɔ.

1 Ɓakɔlítɔ 11:2

Nenósegi ka nyɔngɔ nde ɓoomokanisia ka nyɔngɔ bui, phɔtɔ ɓooamba ɓɔphɛi nɛmɔ ɓíndɔ ɗénóphɛí.

1 Ɓakɔlítɔ 15:58

Kaɓondɔ, ɓadani ékondi, mamani na ɓukpɛkpɛ, ɓóósimbiɛ. Tútuisani ekuma ndea Mɔkɔta esa bui. Úbani phɔtɔ gea, ekuma nɛnu ka Mɔkɔta nna jǎi.

1 Ɓakɔlítɔ 16:13

Phɛani tɔ̌, ósimbiani ka ɓeekea nɛnu. Ɓáni na nténdé na ɓukpɛkpɛ!

Ɓaphilípi 4:1

Ɓadani ékondi, ne goto na siki á ɔna anu phɛɛ. Nena maseye ka phɔanu na ka nyɔngɔ anu unge néǒbeba. Ɓadani ékondi, ɓî a ɓó, mamani akpɛ ɓî ɓo kimoci na Mɔkɔta.

2 Ɓatɛsalɔníka 2:2

měma anu kaɗengɛmbɛ ka mbangɔ-mbangɔ na ɓánga, aoɓá nkpa n'anóngoɗi gea, esa á ja á Mɔkɔta ajú. Ɓókǒɓeekeɛmbɛ, nanga ɓáɔtɔa nyɔngɔ, nanga ɓáphɛa, nanga ɓébeba sasaɓɔ gea, ɓána ɓaoɓa nde atóki mɔtɛ-amɔ.

2 Ɓatɛsalɔníka 3:14

A gǎkɛ oɓá nkpa n'ayé ɓɔphɛi nɛsu nnde ɓeɗundu suɓi á ɓaoɓa nde, mɔnjiani nkpa ndɔ ánjá, ɓókóɓeekeanɛmbɛ na yɛ, ka gea ákuwɛ na soni.

2 Ɓatɛsalɔníka 3:6

Cɔ, ɓaya, ɓenósósi k'ína á Mɔkɔta nɛsu Yéso Kiísito gea, katanani na ɓana-amanu ɓɔbu íɓundɔ ɓakusi na ɓundɔ ɓáyé ɓɔphɛi nde ɗɛ́ɓɛ̌phɛí.

Títɔ 1:9

Áɓɛ nto á amba á nyɔngɔ á ɗoni nnde akeni ka ɓeekea, ka ɓeana na goaga nde ɗáɓeeki. Kaɓondɔ, goaga nɛkɛ á ɗoni ěgbagisagande gǎkɛ ɓato á Mokonga ka měma na tɔka á ɓakpa nde ɓáoyá goisaga nɛkɛ.

Yúda 1:3

Cɔ, ɓadani ékondi, ɗétú na mɔphɛ phɛɛ á ɗunduia anu nyɔngɔ á ɓoamia á ka měma, nnde ɓesu ɓɔbu ɓeɓeeki. Nɛɔni gǎkɛ ánjá nénoɗunduiɛ ka opha anu ɓukpɛkpɛ ka měma, ɓóúniɛ ɓeekea nde Mokonga ɗéɓophi ɓakpa nɛkɛ mɔngɔ ímoci.