2 Ɓatɛsalɔníka 2:13 - Ɔngana á Kɛ̌kɛ

¹³ Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

2 Ɓatɛsalɔníka 2:13 Iomraidhean Croise

Lóka 1:75

ɓéɓɛ na ɓonjánja na koɗoni mosá akɛ ka enda asu bui.

Yoáni 1:1

Ka nkpangeɔ, Moyo ɗátú ɓei. Moyo ndɔ, ɗátú kimoci na Mokonga, Moyo ɗátú Mokonga.

Yoáni 14:6

Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme.

Ekuma á ɓateki 13:48

Ɓî ɓundɔ ɓáná Ɓayúda ɓáɔ́ki tɔ nyɔngɔ ndɔ, ɓáoɓá na maseye phɛɛ. Ɓáobeba nyɔngɔ á Mɔkɔta Yéso, na ɓakpa ɓɔbu ɓunde Mokonga ɗáɛsɔmbu ka ɓá na enda á mɛyɔ, ɓáoɓeekea.

Ekuma á ɓateki 15:9

Kásótinganisi gǎkɛ na ɓɔ nga, asokosei měma á ɓɔ ka nyɔngɔ nde ɓáɓeeki.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

Ɓalɔ́ma 8:33

Ani mmbé aɛ́tɔngande ɓakpa nde Mokonga aɛ́sɔmbu? Tanda nkpa mo. Nga, Mokonga aámbé aǒtanga ɓakpa ndɔ ɓato á koɗoni.

Ɓalɔ́ma 9:11

Mokonga a gǎkɛ na moangɔ nɛkɛ ka sɔmbɔa á ɓakpa. Sɔmbɔa ndɔ, atóki ka mɔphani nde yɛ aɛɓɔphani, nna ndiu ka tambea aɓɔ. Ka ɔnisa gea, nnaoanganisa moangɔ nɛkɛ, Mokonga áongoɗea Lɛbɛ́ka na káeɓonjimbɛ ɓaniki-ɓǒko nɛkɛ, na ɓákágimbɛ mɔnɔ kaɓɛ kema ánjá kaɓɛ kema ájeɗe gea: «Ngbɛga ambɛɗaneagande miki.»

1 Ɓakɔlítɔ 1:21

Cɔ, ɓato á ka mokonda na kɔɓɔɔngɛ nɛɓɔ bui, ɗáɓákátɔki úba á Mokonga ɔma nde ɗáɔnisi kɔɓɔɔngɛ nɛkɛ base. Kaɓondɔ unge, Mokonga asui amisa á ɓakpa ka měma, ɓunde ɓaoɓeekea ka ɓeana na ɓɔphɛi á moyangɔ, nnde ɓáogea te ande á kobóbó.

Ɓagalatía 3:1

Ɓagalatía ɓabóbó nde ca! Ani mmbé anɔɔgi mɔnɔ? Nyɔngɔ á kukuwa á Yéso ka moyangɔ ɗáɓátɔ̌migi ú base mosá anu.

Ɓaɛphɛ́sɔ 2:8

Eya, ɓoami ye tɔ ka měma ka ɓonjánja-ékondi ndea Mokonga ka nyɔngɔ á ɓeekea. Ɓoamia ndɔ kátɔtɔkɛani ka ɓukpɛkpɛ nɛnu sasanu. A ndiu tɔ ka nyɔngɔ égabɔ ndea Mokonga.

Ɓakɔlɔsái 1:5

Cina á ekondi ndɔ, ande ɓeekea nde ɓoně ka kema nde Mokonga anóɓɔngisíí na koba. Ɗóɓoengekisi nseɓeɔ ndɔ mbenɔ nde ɗáɓánɔ́tɔ̌migi k'ama mosá-mosá nyɔngɔ á ɗoni, n'ande Mbino-Ánjá ndea Mokonga.

Ɓakɔlɔsái 3:12

Ɓî Mokonga ɗánɔsɔmbu na konda anu, ɓonde ɓakpa nɛkɛ ɗoni. Ɔ́lani ka měma anu: ngomi, ɓonjánja, měma édidisa, ɓɔphɔngɔ na měma á phiphia.

1 Ɓatɛsalɔníka 1:4

Ɓaya, ɓeúbi gea, Mokonga ɗánɔsɔmbu gea, ɓóɓɛ ɓakpa nɛkɛ. Nga, yɛ anokondi.

1 Ɓatɛsalɔníka 2:12

Nga ɗéɓenógbagisigi ka měma, na phɔngisa anu, na phɛá anu gea, ɓótambeɛ ɓíndɔ amɓɔngɛi Mokonga. Yɛ aámbé anɔɔphani gea, ɓóɓɛ ɓato á ka koɓoamɛ á ɓoombia nɛkɛ.

1 Ɓatɛsalɔníka 4:7

Nga, Mokonga ɗákásɔɔphani ka nyɔngɔ á iɛɓɛ, asɔɔphani ndiu gea, ɓéɓɛ ɓakpa nɛkɛ ɓ'ánjá phɛɛ.

1 Ɓatɛsalɔníka 5:9

Nga, Mokonga ɗákásɔɔphani gea, esúia nɛkɛ ásóguiɛ. Ɗásɔɔphani ndiu gea, ɓéɓɛ na ɓoamia á ka měma, ka nyɔngɔ ékuma ndea Mɔkɔta nɛsu Yéso Kiísito.

2 Ɓatɛsalɔníka 1:3

Ɓaya, akeni ɓénsegɛ Mokonga esa bui ka phɔa anu. Aánjá ɓegeɛ ɓó nga, ɓeekea nɛnu aɔmɔta phɛɛ, na ekondani nɛnu ɓenu ɓɔbu, nkpa na nkpa ka dakɛ amɔti phɔtɔ phɛɛ.

2 Ɓatɛsalɔníka 2:10

Ageande ɓojeɗe á odemayɔ bubui ka dema á ɓakpa ɓunde ɓákeni na ɓungaga nga, ɗáɓákáɓeeki na konda ɗoni nde ɗáɔtɔka amisa aɓɔ ka měma.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.

2 Ɓatɛsalɔníka 2:16

Ambe Mɔkɔta nɛsu Yéso Kiísito sasakɛ, n'Abasu Mokonga, mmbé ɗásókondi, áosógbagisaga ka měma ka ɓonjánja-ékondi nɛkɛ ka saga na saga na opha asu nseɓeɔ ánjá,

2 Timɔtɛ́ɔ 1:9

Yɛ aámbé, ɗásóamisi ka měma, áɔsɔ́ɔphana gea, ɓéɓɛ ɓakpa nɛkɛ, nna ka nyɔngɔ á ekuma nɛsu, a ndiu tɔ ka nyɔngɔ á moangɔ nɛkɛ sasakɛ na ɓonjánjá-ékondi nɛkɛ. Nndɔ bui, ɗásóphi kimoci na Kiísito Yéso, mosá á conjá á mokonda.

2 Timɔtɛ́ɔ 2:15

Cɔ, oɓɛ ókakamisa ka gea óɓɛ mbɛɗanigi mmbé akeni mosá á Mokonga, mmbé kákuwɛku tanda na soni ka phɔa ekuma nɛkɛ. Ɓá ndiu mbɛɗanigi nde aɔphɛa ka koɗoni nyɔngɔ á ɗoni ndea Mokonga.

2 Timɔtɛ́ɔ 3:15

Goto, kpangá koniki akɔ, ooúba Ɓuku á Mokonga, nnde aɔtɔka n'akophi kɔɓɔɔngɛ ka gea te, óɓɛ na ɓoamia ka ɓeekea á Kiísito Yéso.

Ɓaɛbulanía 1:10

Mokonga ɗáyɔngi phɔtɔ: «Ka nkpangeɔ, Mɔkɔta oɓɛ aámbé ɗóconji oɗo, ego ande ekuma á ka njaga akɔ.

Yakɔ́ɓɔ 1:18

K'ékondi nɛkɛ sasakɛ, ɗásóphi enda suɓi á yɔnga nɛkɛ nnde ande ɗoni. Ka gea, ɓéɓɛ ɓoata á kema bubui nde ɗáconji.

1 Yoáni 4:10

Nndɔ unge ande ekondi: Nna ɓesu ɓáunge ɗéɓenkondi Mokonga, yɛ ndiu aámbé ɗásokondi, áonteka Miki-mǒko nɛkɛ, áɓɛ ɓea nyama á phɛ́a, ka íma á ɓojeɗe nɛsu.

1 Yoáni 4:19

Ɓesu, ɓeokondana ka nyɔngɔ nde, Mokonga ɗásokondi mosá.