2 Ɓatɛsalɔníka 2:10 - Ɔngana á Kɛ̌kɛ

¹⁰ Ageande ɓojeɗe á odemayɔ bubui ka dema á ɓakpa ɓunde ɓákeni na ɓungaga nga, ɗáɓákáɓeeki na konda ɗoni nde ɗáɔtɔka amisa aɓɔ ka měma.

2 Ɓatɛsalɔníka 2:10 Iomraidhean Croise

Matáyɔ 13:11

Yéso áǒsikisia te: «Ɓo ye tɔi úbapha á nyɔngɔ á ɓɔsɔmɛa á koɓoamɛ á na koba. Ɓɔ gǎkɛ, ɓáká tɔi ú.

Yoáni 3:17

Mokonga ɗákánteki gǎkɛ Anakɛ ka gea te, átenɛ nyɔngɔ á ɓato á ka mokonda akpɛ. A ndiu ka gea, yɛ, éamisɛ ɓato á ka mokonda.

Yoáni 5:34

Cɔ, eme kéna siki á nkpa á ka mokonda nde ka ɗigimisa á nyɔngɔ nɛmɔ. Nɛyɔngi gǎkɛ tɔ nnde ka gea, ɓóamɛ ka měma.

Ɓalɔ́ma 10:1

Ɓaya, mɔphɛ á ka měma ani na ɛmɛmi nɛmɔ ka Mokonga ka phɔa Ɓayúda ande gea, ɓáamɛ ka měma.

Ɓalɔ́ma 16:18

Nga, ɓakpa ɓea ɓundɔ, ɓánáombɛɗaneaga Mɔkɔta nɛsu Kiísito, ɓá ndiu tɔ ɔbɛɗaneaga sɔphɔ aɓɔ! Goto, ɓáǒdema ɓakpa jǎi-jǎi ka ɓɔnga aɓɔ na yɔnga ékondisaga nde ɓáɔɓɔngisiaga.

Ɓalɔ́ma 6:17

Cɔ, ɓosegi gǎkɛ ka Mokonga nga, ɓenu íɓunde ɗóɓotú kala ɓakɔɓɛ á ɓojeɗe, ɗóɓoɓǐ na měma anu bui, aphe á ɓɔphɛi nde ɗáɓánóphɛi.

1 Ɓakɔlítɔ 1:18

Nyɔngɔ á kukuwa á Yéso ka moyangɔ ande kobóbó ka ɓakpa nde ɓáɓúngigi, a gǎkɛ ɓukpɛkpɛ á Mokonga ka ɓesu íɓundɔ Mokonga asóamisi ka měma.

1 Ɓakɔlítɔ 16:22

Aoɓá nkpa na kánkondi Mɔkɔta, ambe ɓánsɛmɛɛgɛ! Mɔkɔta nɛsu bika!

2 Ɓakɔlítɔ 11:13

Nga, ɓakpa ndɔ, ɓánde ɓateki á mbɛa, ɓánde phɔtɔ ɓademigi k'ékuma nɛɓɔ, ɓáǒdemisaga gea, ɓánde ɓateki ndea Kiísito.

2 Ɓakɔlítɔ 11:15

Cɔ, nna gǎkɛ nyɔngɔ á tangaaga aoɓá ɓabɛɗanigi ndea nketi na ɓáégai ka ɓá ɓabɛɗanigi á koɗoni ndea Mokonga. Kaɓondɔ, sungiaga aɓɔ aɓeanande n'ekuma nɛɓɔ.

2 Ɓakɔlítɔ 2:15

Cɔ, ɓesu ɓe ɓea su ánjá á nkoki nde Kiísito aongabea Mokonga. Nkoki ndɔ a ka ɓakpa nde Mokonga aeamisi ka měma, a phɔtɔ ka ɓakpa nde ɓáoɓúngaga.

2 Ɓakɔlítɔ 2:17

Nga, ɓéké ɓea ɓakpa ɓásii ɓunde ɓáɔtɔmiaga nyɔngɔ á Mokonga na phendisa í. Ka nyɔngɔ nde Mokonga ɗásóteki, ɓesu ɓe ndiu ɔyɔnga ɗoni mosá á Mokonga ka ɔngana na Kiísito.

Ɓaɛphɛ́sɔ 4:14

Kaɓondɔ, ɓékéɓɛku ye ɓea ɓaniki ɓunde sumbu na kɛtɛmbɔ á ɓɔphɛi ɗanga-ɗanga á ɓato á mbɛa aǒɓotea na maibe ka ɓojeɗe.

1 Ɓatɛsalɔníka 2:16

Ɓáokáɓa imisia asu geae, ɓékětɔ̌miɛgɛ mɔnɔ ɓakpa nde ɓáná Ɓayúda nyɔngɔ á ɓoamia á ka měma. Ande gea te, ɓojeɗe nɛɓɔ, nnde á kala, n'índe á kɛ̌kɛ, aɓiki phɛɛ. Cɔ, kɛ̌kɛnde gǎkɛ, esúia ndea Mokonga ědondi.

2 Ɓatɛsalɔníka 2:12

Kaɓondɔ, Mokonga ateni nyɔngɔ á ɓakpa ɓɔbu ɓunde ɓákáɓeeki ɗoni, ɓâ ndiu okonda ɓojeɗe.

2 Ɓatɛsalɔníka 2:13

Ɓaya, akeni gǎkɛ ɓesu ɓémbebɛ Mokonga esa bui ka nyɔngɔ anu, ɓenu íɓunde Mɔkɔta anókondi. Ande gea, Mokonga ɗánɔsɔmbu mosá ka gea, ɓóamɛ ka měma ka ɓukpɛkpɛ á Měma á kanga ɓojeɗe nnde aonóɓotea ka enda ánjá, phɔtɔ ka nyɔngɔ nde ɓoɓeeki ɗoni.

1 Timɔtɛ́ɔ 2:4

Nga, yɛ akondi ɓakpa ɓɔbu ɓáamɛ ka měma, ɓáúbɛ ɗoni.

Ɓaɛbulanía 3:13

Gbagisanagani ndiu ka měma esa bui, ka mbenɔ nde «Kesande» a phɔ́tɔ ɓei ɓea ɓî Ɓuku á Mokonga ayɔngi ka gea, ka ɓenu moci ɓojeɗe kanɗakɛmbɛ měma na demaga akɛ.

2 Pɛ́tɛɛ 2:12

Ɓagoisigi á mbɛa ndɔ, ɓáúkí gǎkɛ úbapha ɓea ɓanyama, ɓunde ɓáɓɔkɔtɛani tɔ ka ta ka mɛ̌kɔ na mowa aɓɔ. Ɓakpa ndɔ ɓáobóma kema nde ɓánáoúba na ɓákuwande ɓea ɓanyama.

2 Pɛ́tɛɛ 2:18

Ɓáǒɗokoa na nyɔngɔ á ɓemboko na á jǎi-jǎi. Ka mɔphɛ nɛɓɔ á iɛɓɛ, ɓáǒɓotea ɓunde ɓátóɗeketani na ɓakpa nde ɓáoenda k'ódemayɔ.